ಮಲ್ಪೆ: ಕೊಡವೂರುದ ವಿಪ್ರಶ್ರೀ ಚಾವಡಿಡ್ ಏಳ್ ದಿನ ಶಾಕಲ ಋಕ್ ಸಂಹಿತಾ ಯಾಗ ಬೊಕ್ಕ ಭಾಗವತ ಸಪ್ತಾಹ ನಡತುಂಡು .ಈ ನೆಲೆಟ್ಟ್ ಕೊಡವೂರುದ ಶಂಕರನಾರಾಯಣ ದೇವೆರ್ನ ಸನ್ನಿಧಾನರ್ದ್ ವಿಪ್ರಶ್ರೀ ಸಭಾಭವನ ಜಿಂಜಿದ್ ಇತ್ತುಂಡು . ದಾಯೆ ಪಂಡ ಭಾಗವತೆರೆನ್ ಶುಕಾಚಾರ್ಯೆರೆಗ್ ಉಪದೇಶ ಮಲ್ದಿನಿ ನಾರಾಯಣ ದೇವೆರ್ , ಅವೆನ್ ಪರೀಕ್ಷಿತ ರಾಜಗ್ ಉಪದೇಶ ಕೊರಿನ ಶುಕಾಚಾರ್ಯೆರ್ ಸಾಕ್ಷಾತ್ ರುದ್ರ ದೇವೆರ್ . ಲೋಕೊಗು ಕಂಟಕವಾಯಿನ ಸೀಕ್ ನಾಶ ಆದ್ ದೇಶ ಸುಭಿಕ್ಷೆ ಯಾವಡ್ ಪಂದ್ ಶ್ರೀ ಶ್ರೀವಿದ್ಯಾಧೀಶ ತೀರ್ಥ ಶ್ರೀಪಾದೆರ್ ಪಂಡೆರ್.
ಸಮಾಜದ ಬೇತೆ ಬೇತೆ ವರ್ಗದ ಪೆರಿಯಾಕುಲು ಸಾಧಕೆರ್ ಬೊಕ್ಕ ತಮ್ಮ ತಮ್ಮ ವೃತ್ತಿನ್ ನಿಷ್ಠೆಡ್ ಮಲ್ತೊಂದು ಉಪ್ಪುನ 11 ಜನ ಮಹನೀಯೆರಾಯಿನ ವಿಶ್ವನಾಥ ಶೆಣೈ ಮಲ್ಪೆ, ಕಾಳು ಸೇರಿಗಾರ ಕೊಡವೂರು, ಶಿವಪ್ಪ ಕಾಂಚನ್ ಕೊಡವೂರು, ಕರುಣಾಕರ ಶೆಟ್ಟಿಗಾರ್ ಉದ್ದಿನಹಿತ್ತು, ಹರೀಶ್ ಪೂಜಾರಿ ಕೊಡವೂರು, ಅಣ್ಣಪ್ಪ ಶೆಟ್ಟಿ ಜುಮಾದಿ ನಗರ, ಶಂಕರ ಗಾಣಿಗ, ರತ್ನಾಕರ ಆಚಾರ್ಯ, ಬೇಬಿ ಅಮೀನ್, ಶೇಖರ ಮೂಡುಬೆಟ್ಟು, ಬೊಕ್ಕ ವಾಮನ ಮೆರೆಗ್ ಮಾನಾದಿಗೆ ಮಲ್ತೆರ್.
Editorial