ಪಂಪ್ ವೆಲ್ ಕೊಲೆ ಕೇಸ್; 5 ಆರೋಪಿಲೆನ್ ಪತ್ ದ ಪಂಡೆರ್ ಪೊಲೀಸ್ ಕಮಿಷನರ್

ಕುಡ್ಲ, ಅ.18 : ಪೇಂಟೆದ ಪಂಪ್‌ವೆಲ್‌ ದ ಲಾಡ್ಜ್ ಒಂಜೆಟ್ ದಸರಾ ಪಾರ್ಟಿ ಮಲ್ತೊಂದಿಪ್ಪುನ ಪೊರ್ತುಡ್ ದೋಸ್ತಿಲೆನ ನಡುಟ್ ಆಯಿನ ಲಡಾಯಿಡ್ ಧನುಷ್ ನ್ ಕೆರಿನ ಪ್ರಕರಣಗ್ ಸಂಬಂಧಿಸಾದ್ 5 ಆರೋಪಿಲೆನ್ ಪೊಲೀಸೆರ್ ಬಂಧಿಸಾದೆರ್.

ಸುರತ್ಕಲ್‌ ದ ಜಾಯ್ಸನ್ ಯಾನೆ ಜೇಸನ್ (21), ಜೆಪ್ಪು ಬಪ್ಪಾಲ್‌ ದ ಪ್ರಮೀತ್ ಡಿ (24), ವಾಮಂಜೂರ್ ದ ಕಾರ್ತಿಕ್ (21), ಪಚ್ಚನಾಡಿದ  ಪ್ರಜ್ವಲ್ (22), ದುರ್ಗೇಶ್ (22) ಪಂದ್ ಗುರ್ತಿಸಾದೆರ್.

ಈ ಬಗೆಟ್ ಮಾಹಿತಿ ಕೊರಿನ ಪೊಲೀಸ್ ಆಯುಕ್ತೆರ್ ಎನ್. ಶಶಿಕುಮಾರ್, ಪರ್ತೆದ ಆಯುಧಡ್ದ್ ಧನುಷ್ ನ ತಿಗಲೆಗ್ ಚುಚ್ಚ್ ದ್ ಕೆರ್ದಿನ ಅತ್ತಂದೆ, ಆಯಿಬೊಕ್ಕ ಅಲ್ಪರ್ದ್ ಆರೋಪಿಲು ಪದ್ರಾಡ್ ಆತೆರ್. ತೀರ್ ಪೊಯಿನ ಧನುಷ್ ಅತ್ತಂದೆ 7 ಜನ ಘಟನೆ ಆಯಿನ ಜಾಗೊಡ್ ಇತ್ತ್ ದ್, ಇತ್ತೆ 5 ಜನನ್ ಕಂಕನಾಡಿ ಪೊಲೀಸೆರ್ ಬಂಧಿಸಾದೆರ್ ಪಂದ್ ಪಂಡೆರ್.