October 9, 2021

ಶಿಕ್ಷಣ ಪ್ರೇಮಿ ಶಾಂತರಾಮ ಶೆಟ್ರ್ ಚಿರಸ್ಮರಣೀಯೆರ್ : ನೆಂಪು ಮಲ್ತೆರ್ ಎಂ. ವೀರಪ್ಪ ಮೊಯಿಲಿ

ಮುಲ್ಕಿ, ಅ.9 : ಕುಗ್ರಾಮ ಆದಿತ್ತಿನ ಪಂಜ ಕೊಯಿಕುಡೆ ಗ್ರಾಮೊಡು ಪ್ರಾಥಮಿಕ ಶಾಲೆ ಸುರು ಮಲ್ತ್ ದ್ ಬೊಕ್ಕ ಹೈಸ್ಕೂಲ್ ಶಿಕ್ಷಣೊನು ಗ್ರಾಮಸ್ಥರೆಗ್ ಕೊರ್ಪಾವುನ ಮಲ್ಲ ಜಬದಾರಿ ಒಯಿಸೊಂದಿನ ಪಂಜದ ಗುತ್ತು ಶಾಂತರಾಮ ಶೆಟ್ರ್ ಇತ್ತೆ ನಮ್ಮೊಟ್ಟುಗ್ ಇಜ್ಜೆರ್. ಆಂಡ ಅರೆನ ಆದರ್ಶೊಲು ನಮಕ್ಕ್ ಏಪಲ ಬೊಲ್ಪು ತೋಜಾವೊಂದುಂಡು ಪಂದ್ ಕರ್ನಾಟಕ ಸರ್ಕಾರದ ಮಾಜಿ ಮುಖ್ಯಮಂತ್ರಿ, ಕೇಂದ್ರದ ಮಾಜಿ ಮಂತ್ರಿಲು ಅಂಚೆನೇ ಶಾಂತರಾಮ್ ಶೆಟ್ರೆನ ದೋಸ್ತಿ ಎಂ. ವೀರಪ್ಪ ಮೊಯ್ಲಿ ಪಂಡೆರ್. ಆರ್ ಸನಿಯಾರದಾನಿ ದಿ. ಪಂಜದ ಗುತ್ತು ಶಾಂತರಾಮ್ ಶೆಟ್ರೆನ ಇಲ್ಲಗ್ ಪೋದು ಕುಟುಂಬದಕಲ್ಡ ಪಾತೆರಿಯೆರ್.

ಅರೆನೊಟ್ಟುಗು ಮಾಜಿ ಸಚಿವೆರ್ ಕೆ. ಅಭಯಚಂದ್ರ, ಕೆಪಿಸಿಸಿ ಕಾರ್ಯದರ್ಶಿ ಜಿಎ ಬಾವ, ಕೆಪಿಸಿಸಿ ಕೋ ಆರ್ಡಿನೇಟರ್ ವಸಂತ ಬೆರ್ನಾಡ್, ಕುಡ್ಲದ ಮಾಜಿ ಮೇಯರ್ ಶಶಿಧರ ಹೆಗ್ಡೆ ,ಭಾಸ್ಕರ್ ಮೊಯ್ಲಿ, ಮಾಜಿ ಕಾರ್ಪೊರೇಟರ್ ಡಿಕೆ ಅಶೋಕ್ ಕುಮಾರ್, ಪಂಚಾಯತ್ ಸದಸ್ಯೆರ್ ಅಬ್ದುಲ್ ಅಜೀಜ್ ಇತ್ತೆರ್. ಕುಟುಂಬದ ಸದಸ್ಯೆರಾಯಿನ ಸವಿತಾ ಶಾಂತರಾಮ ಶೆಟ್ಟಿ, ಶರತ್ ಶೆಟ್ಟಿ, ಭರತ್ ಶೆಟ್ಟಿ ಇತ್ತೆರ್.

Educationist Shantaram Shetty remembered:

Mulki October 9: ” Panjada guttu Shantaram Shetty who was instrumental in starting primary and high school at his home town may not be with us today. But his ideals will always be with us” said ex minister Veerappa Moily while on a visit to the former’s house. He was accompanied by ex minister Abaya Chandra jain, KPCC secretary GA Bawa, coordinator Vasanth Bangera and others.