N Shashikumar

ಕಟೀಲ್‌ ಮಾರ್ನೆಮಿ : ಸೆ.26ರ್ದ್ ಅ.5 ಮುಟ್ಟ ಬದಲಿ ಮಾರ್ಗದ ವ್ಯವಸ್ಥೆ: ಎನ್ ಶಶಿಕುಮಾರ್

Sep 22, 2022

ಕುಡ್ಲ: ದಸರಾದ ಪೊರ್ತುಡು ಕಟೀಲ್ ಶ್ರೀ ದುರ್ಗಾಪರಮಶ್ವರಿ ದೇವಲ್ಯಡ್ ಮಾರ್ನೆಮಿ ಪೂಜೆ ಬೊಕ್ಕ ಲಲಿತ ಪಂಚಮಿ ಮಹೋಚ್ಚಯ ನಡಪುನೆಡ್ದವಾರ ಕಾನೂನು ಸುವ್ಯವಸ್ಥೆ, ಗಾಡಿಲು ಸರಿಯಾದ್ ಪೋಪಿನ ವ್ಯವಸ್ಥೆ ಅಂಚನೆ ಜನಕ್ಲೆನ ಸುರಕ್ಷತೆದ ದೃಷ್ಟಿರ್ದ್ ಮಾರ್ಗಡ್ ಬದಲ್ ವ್ಯವಸ್ಥೆಗ್ ಪೊಲೀಸ್ ಆಯುಕ್ತೆರ್ ಎನ್ ಶಶಿಕುಮಾರ್ ಆದೇಶ ಮಲ್ತ್‌ದೆರ್.

ಉಂದುವೆ ಸೆ. 26 ಕಾಂಡೆ 6 ಗಂಟೆರ್ದ್ ಅಕ್ಟೋಬರ್ 5 ರಾತ್ರೆ 11 ಗಂಟೆ ಮುಟ್ಟ ಗಾಡಿದ ಸವಾರಿ ಮಲ್ಪರೆ ಬದಲಿ ವ್ಯವಸ್ಥೆನ್ ಸೂಚಿಸಾದ್ ಆದೇಶ ಮಲ್ತ್‌ದೆರ್.

ಎಲ್ಲೆ ಪ್ರಧಾನಿ ಮೋದಿ ಬರ್ಪಿನೆಕ್ಕ್ ಗಾಡಿದ ಸಂಚಾರ ವ್ಯವಸ್ಥೆ ಬದಲ್

Sep 1, 2022

ಪೊಲೀಸ್ ಕಮಿಷನರ್ ಎನ್. ಶಶಿಕುಮಾರ್ ಈ ವಿಷಯೊಡು ಮಾಹಿತಿ ಕೊರ್ತೆರ್

ಕುಡ್ಲ: ಸೆ.2 ಕ್ಕ್ ಕಾಂಡೆ 6 ಗಂಟೆರ್ದ್ ಕೂಳೂರು ಜಂಕ್ಷನ್ ರ್ದ್ ಕೊಟ್ಟಾರ ಜಂಕ್ಷನ್ ಮುಟ್ಟ ಗಾಡಿದ ಸಂಚಾರ ನಿಷೇಧ ಮಲ್ತ್‌ದ್ಂಡ್. ಕುಡ್ಲದ 9 ಕಡೆಟ್ ಸಂಚಾರ ಬದಲ್ ಮಲ್ತ್ ದ್ಂಡ್. ನಂತೂರು ಸರ್ಕಲ್ ರ್ದ್ ಬರ್ಪಿನ ಗಾಡಿಲು ಬಿಕರ್ನಕಟ್ಟೆ – ಕೈಕಂಬ ಜಂಕ್ಷನ್ ಆದ್ ಪೋಯರೆ ಉಂಡು. ಒಡಿಪುಗು ಪೋಯರೆ ಬಿ ಕ ರ್ ನ ಕಟ್ಟೆ ರ್ದ್ ವಾಮಂಜೂರು-ಬೆದ್ರ-ಕಾರ್ಲ ಮಾರ್ಗಡ್ ಪೋವೊಡು. ಮೈಸೂರ್, ಮಡಿಕೇರಿ ಪೋಯರೆ ಬಿಕರ್ನಕಟ್ಟೆ-ಪಡೀಲ್-ಪುತ್ತೂರ್-ಸುಳ್ಯದ ಮುಖೇನ ಪೋವೊಡ್. ಬೆಂಗ್ಲೂರ್‌ಗ್ ಪೋಯರೆ ಬಿಕರ್ನಕಟ್ಟೆ-ಪಡೀಲ್-ಬಿ.ಸಿ.ರೋಡ್-ಉಬಾರ್ ಮಾರ್ಗದ ಮುಖೇನ ಪೋವೊಡು.

ಕಾಸ್ರೋಡ್ ಗ್ ಪೋಪಿನಕುಲು ಪಡೀಲ್-ಪಂಪ್‌ವೆಲ್-ತೊಕ್ಕೂಟ್ಟು ಮುಖೇನ ಪೋವೊಡು. ಪೊರ್ಕೋಡಿ ಜಂಕ್ಷನ್ ರ್‍ದ್ ಜೋಕಟ್ಟೆ-ಕಾನಾ-ಸುರತ್ಕಲ್ ಅಂಚನೆ ಏರ್‌ಪೋರ್ಟ್ ರ್‍ದ್ ಕೈಕಂಬ-ಗುರುಪುರ ಮುಖೇನ ಕುಡ್ಲಗ್ ಪೋವೊಡು. ಮುಲ್ಕಿ ಜಂಕ್ಷನ್ ರ್ದ್ ಕಿನ್ನಿಗೋಳಿ-ಕಟೀಲ್-ಬಜಪೆ-ಕೈಕಂಬ ಮುಖೇನ ಕುಡ್ಲಗ್ ಬರೋಡು. ಲೇಡಿಹಿಲ್ ಮುಖೇನ ಪಿವಿಎಸ್-ಬಂಟ್ಸ್ ಹಾಸ್ಟೆಲ್ ಮುಕೇನ ಪಂಪ್‌ವೆಲ್ ಗ್ ಗಾಡಿದ ಸಂಚಾರ ಉಂಡು.

ಅತ್ತಂದೆ ಗಾಡಿದ ಪಾರ್ಕಿಂಗ್ ಗ್ 15 ಕಡೆಟ್ ಪೊಲೀಸ್ ಇಲಾಖೆ ಜಾಗೆ ಗುರ್ತಿಸಾದ್ಂಡ್. ಈ ವಿವರ ಇಂಚ ಉಂಡು:

= ಡೆಲ್ಟಾ ಗ್ರೌಂಡ್: ಪೊಲೀಸ್ ಪಾಸ್ ಪಡೆಯಿನ ವಿವಿಐಪಿ 300 ಕಾರ್‌ದ ಪಾರ್ಕಿಂಗ್.
= ಸೋಮಯಾಜಿ ಮೈದಾನ ಕೂಳೂರು: ಪೊಲೀಸ್ ಪಾಸ್ ಪಡೆಯಿನ 500 ವಿಐಪಿ ಕಾರ್‌ದ ಪಾರ್ಕಿಂಗ್.

= ತಣ್ಣೀರು ಬಾವಿ ಮಾರ್ಗ ಅಂಚನೆ ಪಣಂಬೂರು: ಒಡಿಪು, ಸುರತ್ಕಲ್, ಕಾವೂರು ಕಡೆ ರ್ದ್ ಬರ್ಪಿನ ಗಾಡಿಲು-1500 ಬಸ್ 500 ಕಾರ್

= ಎನ್‌ಎಂಪಿಎ ಮೈದಾನ, ಪಣಂಬೂರು: ಬಜಪೆ, ಕಾವೂರು ಅಂಚನೆ ಒಡಿಪು ಗಾಡಿಲು-200 ಬಸ್, 600 ಬೈಕ್‌ಲು

= ಎಂ.ಎಸ್.ಇ.ಝಡ್ ಮಾರ್ಗ, ಪಣಂಬೂರು: ಒಡಿಪು, ಸುರತ್ಕಲ್ ಕಡೆ ರ್ದ್ ಗಾಡಿಲು-1000 ಎಲ್ಯ ಗಾಡಿಲು

= ಎ.ಜೆ.ಶೆಟ್ಟಿ ಇಂಜಿನಿಯರಿಂಗ್ ಕಾಲೇಜ್, ಕೂಳೂರು ಪಂಜಿಮೊಗರು: ಪೊಲೀಸ್ ಪಾಸ್ ಪಡೆಯಿನ ವಿಐಪಿ ಗಾಡಿದ ಪಾರ್ಕಿಂಗ್ 100 ಕಾರ್‌ಲು

= ಗೋಲ್ಡ್ ಪಿಂಚ್ ಮೈದಾನದ ಪೂರ್ವ ಭಾಗದ ಅಮೆಜಾನ್ ಗೋಡೌನ್ ಕೈತಲ್: ಮಾತ ಭಾಗದ ಗಾಡಿದ ಪಾರ್ಕಿಂಗ್-2000 ಕಾರ್ ಬೊಕ್ಕ 3000 ಬೈಕ್ಸ್

= ಎ.ಜೆ ಆಸ್ಪತ್ರೆ ಕೈತಲ್ ಕುಂಟಿಕಾನರ್ದ್ ಕಾವೂರು ಜಂಕ್ಷನ್: ಬೊಲ್ತೇರ್ ಅಂಚನೆ ಕಾಸ್ರೋಡ್ ಕಡೆರ್‍ದ್ -350 ಬಸ್

= ಕೆಪಿಟಿ ಮೈದಾನ: ಬೆದ್ರ, ಮುಲ್ಕಿ ತಾಲೂಕು-200 ಬಸ್

= ವ್ಯಾಸ ನಗರ ಮೈದಾನ: ಪುತ್ತೂರ್ ಬೊಕ್ಕ ಸುಳ್ಯ ತಾಲೂಕ್‌ದ-50 ಬಸ್‌ಲು

= ಪದುವಾ ಮೈದಾನ: ಪುತ್ತೂರ್ ಬೊಕ್ಕ ಸುಳ್ಯ ತಾಲೂಕ್‌ದ 250 ಬಸ್‌

= ಕರಾವಳಿ ಉತ್ಸವ ಮೈದಾನ: ಕುಡ್ಲ ನಗರ ವ್ಯಾಪ್ತಿರ್‍ದ್ ಬರ್ಪಿನ 250 ಬಸ್

= ಉರ್ವ ಮಾರುಕಟ್ಟೆ ಮೈದಾನ: ಉಳ್ಳಾಲ ತಾಲೂಕ್ ವ್ಯಾಪ್ತಿರ್ದ್ ಬರ್ಪಿನ 100 ಬಸ್

= ಲೇಡಿಹಿಲ್ ಪೊಂಪೈ ಚರ್ಚ್: ಉಳ್ಳಾಲ ತಾಲೂಕು ವ್ಯಾಪ್ತಿರ್ದ್ ಬರ್ಪಿನ 100 ಬಸ್‌

= ಉರ್ವಸ್ಟೋರ್ ಮೈದಾನರ್ದ್ ಇನ್ಪೋಸಿಸ್ ಪಿರವುದ ಕುಂಟಿಕಾನ ಸಾದಿ ಮುಟ್ಟ: ಬಂಟ್ವಾಳ ತಾಲೂಕು ವ್ಯಾಪ್ತಿರ್‍ದ್ ಬರ್ಪಿನ 300 ಬಸ್‌

ಸೆ.2 ಕ್ಕ್ ಕುಡ್ಲಡ್ ರಾತ್ರೆ 8 ಗಂಟೆರ್ದ್ ಬೊಕ್ಕ ಗಣೇಶೋತ್ಸವ ಶೋಭಾಯಾತ್ರೆ

Aug 27, 2022

ಕುಡ್ಲ: ಕುಡ್ಲಗ್ ಸೆ.2 ಕ್ಕ್ ಪ್ರಧಾನಿ ನರೇಂದ್ರ ಮೋದಿ ಬರ್ಪಿನೆಡ್ದಾವರ ಕುಡ್ಲ ಪೇಂಟೆ ಬೊಕ್ಕ ಕೈತಲ್‌ದ ಗಣೇಶೋತ್ಸವ ಸಮಿತಿಲು ಕತ್ತಲೆಗ್ 8 ಗಂಟೆರ್‍ದ್ ಬೊಕ್ಕ ಗಣಪತಿ ದೇವೆರೆನ ಶೋಭಾಯಾತ್ರೆ ಮಲ್ಪೊಡು ಪಂದ್ ಜಿಲ್ಲಾಡಳಿತ ಮಾಹಿತಿ ಕೊರ್‍ತೆರ್.

ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಕಚೇರಿಡ್ ಸುಕ್ರಾರ ದಕ್ಷಿಣ ಕನ್ನಡ ಜಿಲ್ಲಾಪೊಲೀಸ್ ವರಿಷ್ಠಾಧಿಕಾರಿ ಬೊಕ್ಕ ಕಮಿಷನರೇಟ್ ವ್ಯಾಪ್ತಿದ ಗಣೇಶೋತ್ಸವ ಸಮಿತಿದ ಮುಖ್ಯಸ್ಥೆರ್‍ನ ಸಭೆಟ್ ದ.ಕ. ಜಿಲ್ಲಾಧಿಕಾರಿ ಡಾ.ಕೆ.ವಿ. ರಾಜೇಂದ್ರ ಈ ಮಾಹಿತಿನ್ ಕೊರ್‍ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಒಂಜೇ ಪೆಟ್ಟ್ ಗ್ ಕರ ದರ್ತಿನ ಕುಡ್ಲದ ಕಮಿಷನರ್ ಎನ್.ಶಶಿಕುಮಾರ್

Aug 22, 2022

ಕುಡ್ಲ: ಪಾಂಡೇಶ್ವರ ವಠಾರಡ್ ರೊಸಾರಿಯೊ ಮೈದಾನಡ್ ಕೈತಲ್ ದಕುಲ್ ಆಯೋಜನೆ ಮಲ್ತಿನ ಫೆಸ್ಟ್ ಡ್ ಕುಡ್ಲ ಕಮಿಷನರ್ ಎನ್. ಶಶಿಕುಮಾರ್ ಮೇರ್ ಪಾಲ್ ಪಡೆದ್ ಒಂಜೇ ಪೆಟ್ಟ್ ಗ್ ಕರ ದರ್ತಿದೆರ್.

ಬಯ್ಯದ ಪೊರ್ತುಗು ಸಾದಿಡ್ ವಾಕಿಂಗ್ ಬತ್ತಿನ ಮೆರೆನ್ ಗೊಬ್ಬುನ್ ತುವೊಂದಿಪ್ಪುನಗ ಅಲ್ಪ ಇತ್ತಿನ ಜವನ್ಯೆರ್ ಕರ ದರ್ಪರೆ ಪಂಡೆರ್. ಉಂದೆನ್ ಸ್ವೀಕಾರ ಮಲ್ತಿನ ಕಮಿಷನರ್ ಕೈಕ್ ಕೋಲ್ ಪತ್ತೊಂದು ಕರ ದರ್ತ್‌ದೆರ್.

Mangalore police commissioner Sashi Kumar plays in Mosaru Kudekay:

Mangalore: At a fest organised at Pandeshwara Rosario Maidan in the city, police commissioner Sashi Kumar participated.

He was welcomed to participate in the Mosaru Kudekay celebrations and he readily agreed and hit the pot in the first attempt.

ಫಾಝಿಲ್‌ ಕೆರಿಯೆರೆ ಗಲಸಿನ ಕಾರ್‌ದ ದನಿನ್ ಪತ್ತ್‌ದ: ಪೊಲೀಸ್ ಕಮೀಷನರ್‌ ಶಶಿಕುಮಾರ್‌

Aug 1, 2022

ಕುಡ್ಲ: ಸುರತ್ಕಲ್‌ಡ್ ಗುರುವಾರ ರಾತ್ರೆ ಆಯಿನ ಮುಹಮ್ಮದ್ ಫಾಝಿಲ್ ಮೆರೆನ್ ಕೆರಿನ ಕೇಸ್‌ಗ್ ಸಂಬಂಧ ಪಟ್ಟಿನ ಆರೋಪಿಲು ಗಲಸ್‌ದಿತ್ತಿನ ಕಾರ್‌ದ ದನಿನ್ ಪತ್ತ್‌ದ ಪಂದ್ ಕುಡ್ಲ ನಗರ ಪೊಲೀಸ್ ಆಯುಕ್ತೆರ್ ಎನ್.ಶಶಿಕುಮಾರ್ ತೆರಿಪಾಯೆರ್.

“ಕೆರ್ತಿನ ಜಾಗೆದ ಕೈತಲ್‌ದ ಸಿಸಿಟಿವಿ ಕ್ಯಾಮರಾ ತೂದು ಬೊಲ್ದು ಇಯೋನ್ ಕಾರ್‌ಲೆನ್ ವಶಕ್ ದೆತೊಂದು ಐತ ಮಾಲಕೆರೆನ್ ವಿಚಾರಣೆ ಮಲ್ತ್‌ದ. ಸಿಸಿಟಿವಿ ಕ್ಯಾಮರಾಡ್ ತೋಜಿನ ಕಾರ್‌ದ ನಂಬರ್‌ನ್ ಆಧರಿಸಾದ್ ಆರೋಪಿಲು ಬಳಸ್‌ದಿನ ಕಾರ್‌ದ ದನಿನ್ ಸುರತ್ಕಲ್‌ದಲ್ಪ ಶನಿವಾರ ಬಯ್ಯ ವಶಕ್ ದೆತೊಂದ. ಈ ವ್ಯಕ್ತಿನ್ ನನಲಾತ್ ಪ್ರಶ್ನೆಲೆನ್ ಕೇಂದ್ ಬೊಕ್ಕ ನ್ಯಾಯಾಲಯಗ್ ಒಪ್ಪಿಸಾವ.” ಪಂದ್ ಶಶಿಕುಮಾರ್ ಪಂಡೆರ್.

ಕಾರ್ ಕಾರ್ಕಳ ತಾಲೂಕುದ ಕಾಂಜರಕಟ್ಟೆ ಕಡಕುಂಜಡ್ ಪತ್ತೆಯಾತ್ಂಡ್. ಕಾರ್‌ದ ದನಿ ಕೋಡಿಕೆರೆ ಊರುದ ಅಜಿತ್ ಕ್ರಾಸ್ತ (44) ಪಂದ್ ಗೊತ್ತಾತ್ಂಡ್.

We have arrested the owner of the car used by the assailants of the murder of Muhammad Faizal in Suratkal : Police commissioner Sashi Kumar

“Based on the clips captured on CCTV camera we have investigated and confiscated the eon car used by the assailants and are questioning the owner of the car.He will be questioned further then given into judicial custody” said Sashi Kumar.

The car was found in Kanjarakatte in Karkala taluk.The owner is Ajit Crasta(44) from Kodikere.

ತುಳುನಾಡ್ ಡ್ ಆಗೋಸ್ಟ್ 5 ಮುಟ್ಟ ನೈಟ್ ಕರ್ಫ್ಯೂ: ಎನ್. ಶಶಿಕುಮಾರ್

Jul 31, 2022

ದಕ್ಷಿಣ ಕನ್ನಡ ಜಿಲ್ಲೆದ ವ್ಯಾಪ್ತಿಡ್ ಕಾನೂನು ಸುವ್ಯವಸ್ಥೆ ಕಾಪಾಡುನ ನಿಲೆಟ್ ಆಗೋಸ್ಟ್ 5 ಮುಟ್ಟ ನಿರ್ಬಂಧನ್ ಪಾಡ್ದೆರ್ ಪಂದ್ ಕುಡ್ಲದ ಕಮೀಷನೆರ್ ಎನ್. ಶಶಿಕುಮಾರ್ ಮಾಹಿತಿ ಕೊರ್ತೆರ್. ಇಂಚಾದ್ ಆಗೋಸ್ಟ್ 5 ಕಾಂಡೆ 6 ಗಂಟೆ ಮುಟ್ಟ ಈ ನಿಯಮ ಜಾರಿಡ್ ಇಪ್ಪುಂಡ್.

ಬಯ್ಯ 6 ಗಂಟೆರ್ದ್ ಕಾಂಡೆ 6 ಗಂಟೆ ಮುಟ್ಟ ನೈಟ್ ಕರ್ಫ್ಯೂ ಇಪ್ಪುoಡ್. ಅoಚನೆ ಕುಡ್ಲದ ನಗರ ಪೊಲೀಸ್ ಕಮೀಷನರೇಟ್ ವ್ಯಾಪ್ತಿಡ್ ಕುಡ್ಲದ ಕೆಲ ಜಾಗೆಡ್ 144 ಸೆಕ್ಷನ್ ಪಾಡ್ದೆರ್.

ಮೂಜಿ ದಿನತ್ತ ಪಿರವು ಪಾಡ್ದಿನ ನೈಟ್ ಕರ್ಫ್ಯೂ ಆದೇಶ ಇನಿಕ್ ಕಡೆಯಾಯಿನ ಬಗೆಟ್ ಇನಿ ಕುಡ ಆಗೋಸ್ಟ್ 5 ಮುಟ್ಟ ದುಂಬು ಕೊನತೆರ್ ಪಂದ್ ಕುಡ್ಲದ ಕಮೀಷನೆರ್ ಎನ್. ಶಶಿಕುಮಾರ್ ಮಾಹಿತಿ ಕೊರ್ತೆರ್.

ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ ಟ್ರಾಫಿಕ್ ಎಸಿಪಿಯಾದ್ ಅಧಿಕಾರ ಸ್ವೀಕಾರ ಮಲ್ತಿನ ಗೀತಾ ಕುಲಕರ್ಣಿ

May 23, 2022

ಕುಡ್ಲ: ಕುಡ್ಲ ನಗರ ಸಂಚಾರಿ ಪೊಲೀಸ್ ವಿಭಾಗದ ಎಸಿಪಿಯಾದ್ ಗೀತಾ ಕುಲಕರ್ಣಿ ಇನಿ ಅಧಿಕಾರ ಸ್ವೀಕಾರ ಮಲ್ತೊಂದೆರ್.

ಗೀತಾ ಕುಲಕರ್ಣಿ ಈ ಪಿರವು ಬೆಂಗ್ಳೂರ್ ದ ಬಸವೇಶ್ವರ ಪೊಲೀಸ್ ಠಾಣೆ, ಸಿಐಡಿ ಸೇರಿನಂಚನೆ ಮಸ್ತ್ ವಿಭಾಗಡ್ ಸೇವೆನ್ ಮಲ್ತ್ ದೆರ್.

ಈ ಪಿರವು ಸಂಚಾರಿ ವಿಭಾಗದ ಎಸಿಪಿಯಾದ್ ಇತ್ತಿನ ಎಂ.ಎ ನಟರಾಜ್ ಮೇರೆಗ್ ಸಿಐಡಿಗ್ ವರ್ಗಾವಣೆ ಆತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ರಥಬೀದಿ ಕಾಲೇಜಿದ ಹಿಜಾಬ್ ಕೇಸ್ ದ ತನಿಖಾ ವರದಿ ಬೇಗೊಡೆ ಕೋರ್ಟ್ ಗ್ ಕೊರ್ಪ: ಎನ್ ಶಶಿಕುಮಾರ್

Mar 8, 2022

ಕುಡ್ಲ, ಮಾ.8; ಪೇಂಟೆದ ರಥಬೀದಿದ ದಯಾನಂದ ಪೈ-ಸತೀಶ್ ಪೈ ಸರಕಾರಿ ಪದವಿ ಕಾಲೇಜ್ ಡ್ ಹಿಜಾಬ್ ವಿವಾದಗ್ ಸಂಬಂಧಿಸಾದ್ ಸೆನ್ ಠಾಣೆಡ್ ಒಂಜಿ ಪ್ರಕರಣ ಸೇರಿನಂಚನೆ ಒಟ್ಟು ಮೂಜಿ ಕೇಸ್ ದಾಖಲಾದಿತ್ತ್ ದ್, ಕಾನೂನು ತಜ್ಞೆರ್ನ ಅಭಿಪ್ರಾಯ ಪಡೆದ್ ಪ್ರಕರಣದ ಸರಿಯಾಯಿನ ತನಿಖೆನ್ ಬೇಗೊಡೆ ಮಲ್ತ್ ದ್ ವರದಿನ್ ಕೋರ್ಟುಗು ಕೊರಿಯರೆ ಉಂಡು ಪಂದ್ ಪೊಲೀಸ್ ಆಯುಕ್ತೆರ್ ಎನ್.ಶಶಿಕುಮಾರ್ ಪಂಡೆರ್.

ಆರ್ನ ಕಚೇರಿಡ್ ಅಂಗಾರೆ ಪತ್ರಿಕಾಗೋಷ್ಠಿಡ್ ಪಾತೆರ್ದಿನ ಆರ್, ಜೀವ ಬೆದರಿಕೆದ ವಿಷಯಗ್ ಸಂಬಂಧಿಸಾದ್ ಯಂಕ್ ಆವಡ್ ಅತ್ತ್ಂಡ ಠಾಣೆಗಾವಡ್ ಒವ್ವೆ ರೀತಿದ ದೂರು, ಸುದ್ದಿ ಬೈದಿಜಿ. ಆಂಡಲಾ ಮಾತ ವಿದ್ಯಾರ್ಥಿಲೆನ್ ರಕ್ಷಣೆ ಮಲ್ಪುನ ಕರ್ತವ್ಯ ಯಂಕಲ್ನ ಆದಿತ್ತ್ ದ್, ಈ ಬಗೆಟ್ಟ್ ಮಾಹಿತಿ ಪಡೆಯೊಂದ್ ಅಗತ್ಯ ಕ್ರಮ ದೆತೊನರೆ ಅಧಿಕಾರಿಲೆಗ್ ಸೂಚನೆ ಕೊರ್ಪೆ ಪಂದ್ ಆರ್ ಭರವಸೆ ಕೊರಿಯೆರ್.

ರಾಜ್ಯದ ಮಸ್ತ್ ಕಡೆಟ್ಟ್ ಹಿಜಾಬ್ ಅಂಚನೇ ಕೇಸರಿ ಶಾಲ್ ಲಡಾಯಿ ಸುರು ಆದ್ ಕುಡ್ಲ ಪೇಂಟೆಡ್ ಮಾತ ವಿದ್ಯಾರ್ಥಿ ಸಂಘಟನೆಲು, ಧಾರ್ಮಿಕ ಮುಖಂಡೆರ್, ಶಿಕ್ಷಣ ಸಂಸ್ಥೆಲು ಒವ್ವೆ ರೀತಿದ ಬೊಡ್ಚಾಂದಿನ ಘಟನೆ ನಡಪಂದಿಲೆಕ್ಕ ಸಾಕಾರ ಕೊರ್ತ್ಂಡ್. ಮಾ.3ಕ್ಕ್ ದಯಾನಂದ ಪೈ ಪ್ರಥಮ ದರ್ಜೆ ಕಾಲೇಜ್ ಡ್ ಹಿಜಾಬ್ ದ ಲಡಾಯಿಗ್ ಸಂಬಂಧಿಸಾದ್ ವಿದ್ಯಾರ್ಥಿನಿ ಒರ್ತಿಗ್ ಕಿರಿಕಿರಿ ಆತಿನ ವಿಷಯಗ್ ಸಂಬಂಧಿಸಾದ್ ಮಾ.4ಕ್ಕ್ ಬಂದರ್ ಠಾಣೆಡ್ ದೂರು ದಾಖಲಾತ್ಂಡ್. ಈ ಬಗೆಟ್ಟ್ ಕಾನೂನು ತಜ್ಞೆರ್ನ ಅಭಿಪ್ರಾಯನ್ ಪಡೆಯೊಂದ್ ಸೆಕ್ಷನ್ 324 ಅಂಚನೆ 504 ದ ಅಡಿಟ್ಟ್ ಪ್ರಕರಣ ದಾಖಲಾತ್ಂಡ್. ಘಟನೆಗ್ ಸಂಬಂಧಿಸಾದ್ ಕಾಲೇಜ್ ದ ಸಿಸಿಟಿವಿ ಫೂಟೇಜ್, ಶಿಕ್ಷಕ ವೃಂದದ ಹೇಳಿಕೆ, ಅಂಚನೆ ಬೇತೆ ಬೇತೆ ಸಾಕ್ಷಿದ ತನಿಖೆಗ್ ಸಹಕರಿಸಾದ್ ನೋಟಿಸ್ ಕೊರ್ದ್ ತನಿಖೆ ಮಲ್ತೊಂದ್ಂಡು. ಉಂದುವೇ ಪೊರ್ತುಡ್ ವಿದ್ಯಾರ್ಥಿ ಪಂಡಿನ ಪುದರ್ ದ ವಿದ್ಯಾರ್ಥಿನಿ ಮಿತ್ತ್ ಸಾಮಾಜಿಕ ಜಾಲತಾಣಡ್ ಬೊಡ್ಚಾಂದಿನ ಪೋಸ್ಟ್ ಲೆನ್ ಮಲ್ತ್ ದಿನ ಬಗೆಟ್ಟ್ ಸೆನ್ ಠಾಣೆಡ್ ದೂರು ಒಂಜಿ ದಾಖಲಾತ್ಂಡ್. ಉಂದುವೇ ಪೊರ್ತುಡ್ ಅವ್ವೆ ಕಾಲೇಜ್ ದ ವಿದ್ಯಾರ್ಥಿನಿ ಅಂಚನೆ ಬೇತೆ ವಿದ್ಯಾರ್ಥಿಲು ಸೇರ್ದ್ ಉಪದ್ರನ್ ಮಲ್ತ್ ದ್, ಕಾನೂನ್ ದ ರೀತಿಡ್ ಆಕ್ಷೇಪಾರ್ಹ ರೀತಿಡ್ ವರ್ತನೆ ಮಲ್ದಿನೆಕ್ಕ್ ದೂರು ದಾಖಲಾತ್ಂಡ್. ಈ ಮೂಜಿ ಪ್ರಕರಣಡ್ ಕಾನೂನು ತಜ್ಞೆರ್ನ ಅಭಿಪ್ರಾಯನ್ ಪಡೆದ್ ಪೆರಿಯ ಅಧಿಕಾರಿಲೆನ ಮೇಲ್ವಿಚಾರಣೆಡ್ ತನಿಖೆ ಆವೊಂದ್ಂಡು ಪಂದ್ ಪೊಲೀಸ್ ಆಯುಕ್ತೆರ್ ಎನ್.ಶಶಿಕುಮಾರ್ ತೆರಿಪಾಯೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಆನ್ ಲೈನ್ ಲೋನ್ ದ ಬಲೆಕ್ಕ್ ಬೂರಡೆ !

Jan 12, 2022

ಕುಡ್ಲ : ಸುರತ್ಕಲ್ ಸ್ಟೇಷನ್ ವ್ಯಾಪ್ತಿಡ್ ಸುಶಾಂತ್ (26 ವರ್ಷ ) ಪನ್ಪಿನ ಜವಣೆ ಜ. 10 ತಾರೀಕ್ ದಾನಿ ತಾನ್ ಬೇಲೆ ಮಲ್ಪುನ ಜಾಗೆಡ್ ಬಲ್ಲ್ ಪಾರ್ದ್ ತೀರ್ ಪೋಯಿನ ಘಟನೆ ನಡದ್ಂಡ್. ಆನ್ ಸಾಲದಕುಲು ಕೇಂಡೆರ್ಡ ಯಾನ್ ಸೈತ್ ದೆ ಪಂದ್ ಪನ್ಲೆ ಪಂದ್ ಸುಶಾಂತ್ ಡೆತ್ ನೋಟ್ ಬರೆದ್ ದೀದಿತ್ತೆರ್.

ಒಡಿಪುಡು ಇಂಚೊಗು ನಡತಿನ ಇಂಚಿನನೇ ಘಟನೆ ಸೇರ್ದ್ ಆನ್ ಲೈನ್ ಸಾಲೊಗು ಜೂವ ದೆತ್ತೊನೊಡಾಯಿನ ರಡ್ಡನೆ ಪ್ರಕರಣ ಉಂದು.

ಉಂದೆನ್ ಗಂಭೀರವಾದ್ ದೆತೊನಿನ ಪೊಲೀಸ್ ಇಲಾಖೆದಕುಲು ನನ ಇಂಚಿನ ಘಟನೆ ನಡಪರೇ ಬಲ್ಲಿ ಪನ್ಪಿನ ನಿಲೆಟ್ಟ್ ಕಟ್ಟ್ ನಿಟ್ಟ್ ದ ಕ್ರಮ ದೆತೊನುನ ನೆಲೆಟ್ಟ್ ಜನಕ್ಲೆಗ್ ನೆತ್ತ ಬಗ್ಗೆ ಎಚ್ಚೆರ್ಗೆ ಕೊರ್ತೆರ್.

ಈ ಪ್ರಕರಣಡ್ ತಾನ್ ಡೆತ್‌ನೋಟ್‌ಡ್ ಸಾಲ ಮಲ್ದೆ ಪಂದ್ ಸುಶಾಂತ್ ಬರೆತೆರ್.
ಆನ್‌ಲೈನ್ ಲೋನ್ ಆ್ಯಫ್‌ ದಕುಲು ಕಿರಿಕಿರಿ ಮಲ್ದೆರ್, ಈ ಬಗ್ಗೆ ಸುರತ್ಕಲ್ ಠಾಣೆಡ್ ಮೊ.ನಂ 04-2022 ಕಲಂ 306,384 ಐಪಿಸಿ ಬೊಕ್ಕ 66 ಸಿ ಬೊಕ್ಕ 66 ಡಿ ಐಟಿ ಆಕ್ಟ್ ನೇ ದ ಅಡಿಟ್ ಪ್ರಕರಣ ದಾಖಲ್ ಮಲ್ದೆರ್ .

ಲೋನ್ ಆ್ಯಫ್ ಸುರುಟ್ಟು ಚೈನಾ ಆ್ಯಪ್ ಸುರು ಆತಿನವು , ನ್ಯೂಯ್ದ ಲೋನ್ ಆ್ಯಫ್ ಪನ್ಪಿನ ಆ್ಯಪ್ ಲಾ ಚಾಲನೆಡ್ ಇತ್ತ್oಡ್ ಆಂಡ ಆ ಆ್ಯಪ್‌ನ್ ಇನ್‌ಸ್ಟಲ್‌ ಮಲ್ಪುನಗ ಬತ್ತಲೆ ಫೋಟೋನ್ ಪಡೆಯೊಂದು ಇತ್ತುಂಡು , ಒಂಜಿ ವೇಳೆ ಸರಿಯಾದ್ ಲೋನ್ ಕಟ್ಟ್ ಜಿಂಡ ಬೇತಕ್ಲೆಗ್ ಕಡಪಾವ ಪಂದ್ ಪೋಡಿಗೆ ಕಟ್ಟಾವೊಂದು ಇತ್ತೆರ್ .

ಭಾರತೊಡು ಸುಮಾರ್ 600ರ್ದ್ ಜಾಸ್ತಿ ಲೋನ್ ಆಫ್‌ ಉಂಡು , ನೆಕ್ಕ್ ಒವ್ವೆ ರೀತಿಡ್ ಆರ್‌ಬಿಐರ್ದ್ ಮಾನ್ಯತೆ ಇಜ್ಜಿ . ಉಂದು ಮಾತಾ ಪ್ಲೇಸ್ಟೋರ್‌ಡ್ ಡೌನ್‌ಲೋಡ್ ಮಲ್ಪುನ ಆ್ಯಪ್‌, ಇನ್‌ಸ್ಟಲ್‌ ಮಲ್ಪುನಗ ಮಸ್ತ್ ರೀತಿದ ಅನುಮತಿನ್ ಕೇನುoಡು . ಉದಾರ್ಮೆಗ್ ಕಾಂಟಾಕ್ಟ್, ವಿಡಿಯೋ ಫೋಟೋ ಕ್ಯಾಮರ, ಇಂಚ ಅನುಮತಿ ಕೇನುoಡು. ಮಾತೆಕ್ಕ್ ಲಾ ಎಸ್ ಎಸ್ ಪಾರ್ದ್ ಇನ್ಸಸ್ಟಾಲ್ ಮಲ್ತಿ ಬೊಕ್ಕ ಎಲ್ಯ ಪಣವು ಪಂಡ ರೂ 3000/- ಅತ್ತುಂಡ 5000/- ಕಾಸ್ ಕೊರ್ಪೆರ್ . ಐರ್ದ್ ಬೊಕ್ಕ ಸಾಲನ್ ಪಿರ ಕೊರ್ನಗ 30 ರ್ದ್ 60 % ಬಡ್ಡಿನ್ ಪಾರ್ದ್ ಸಾಲ ಮನ್ನ ಮಲ್ಪರೆ ಪನ್ಪೆರ್ ಒಂಜಿ ವೇಳೆ ಕುಡ ಮನ್ನಾ ಮಲ್ತಿಜಿಂಡ ಅಕ್ಲೆನ ಕಂಟಾಕ್ಟ್ ನಂಬರ್ ಗ್ ಪೋನ್ ಮಲ್ತ್ ಲೋನ್ ಪಡೆಯಿನಕ್ಲೆನ ಬಗ್ಗೆ ಪನ್ಪ ಪೋಟೋ , ವಿಡಿಯೋ ನ್ ಸಾಮಾಜಿಕ ಜಾಲಾತಣಡ್ ವೈರಲ್ ಮಲ್ಪುವ ಪಂದ್ ಪೋಡಿಪಾವೆರ್ . ಬೊಕ್ಕ ಕ್ರೆಡಿಟ್ ರೇಟ್ ಕಮ್ಮಿ ಆಪುಂಡು ನಿಕ್ಲೆನ ಮಿತ್ತ್ 420, ಚೀಟಿಂಗ್ ಕೇಸ್ ಪಾಡುವ ಪಂದ್ ಪನ್ಪೆರ್ . ಕೆಲವೊರ ಕೇಸ್ ದಾಖಲಾತ್ಂಡ್ ಪಂದ್ ನಕಲಿ ಎಫ್‌ಐಆರ್‌ ಕಡಪಾವೆರ್ . ನನ ನಿಕ್ಲೆಗ್ ದುಂಬುಡು ಒವ್ವೆ ಬ್ಯಾಂಕ್ದ ಸಾಲ ತಿಕ್ಕುಜಿ ಪಂದ್ ಪೋಡಿಗೆ ಕಟ್ಟಾವೆರ್.

ಸಾರ್ವಜನಿಕೆರ್ ಇಂಚಿನ ಲೋನ್‌ ಆ್ಯಪ್‌ನ್ ಡೌನ್‌ಲೋಡ್ ಮಲ್ಪರೆ ಬಲ್ಲಿ . ಇಂಚಿನ ಒವ್ವೆ ಆ್ಯಪ್ ಡೌನ್‌ಲೋಡ್‌ ಮಲ್ತುಂಡಲ ನಿಕ್ಲೆನ ಕಾಂಟ್ಯಾಕ್ಟ್, ವಿಡಿಯೋ, ಪೊಟೋಸ್ ತೂಯೆರೆ ಅನುಮತಿನ್ ಕೊರಿಯೆರೆ ಬಲ್ಲಿ . ಒವ್ವೆ ಲೋನ್ ಆಪ್ ನ್ ಇನ್ ಸ್ಟಲ್ ಮಲ್ಪುನಗ ಎಸ್ ಎಸ್ ಪಂದ್ ಮಾತೆಕ್ಕ್ಲಾ ಅನುಮತಿ ಕೊರ್ದು ಬಂಗಡ್ ಬೂರೊಚ್ಚಿ . ಮಸ್ತ್ ಕಮ್ಮಿ ಕಾಸ್ ಕೊರ್ದು ಜಾಸ್ತಿ ಬಡ್ಡಿ ಸಮೇತ ದೆತೊನುನು ಒಂಜಿ ವೇಳೆ ಲೋನ್ ಕಟ್ಟೆರೆ ಆಯಿಜಿಂಡ ನಿಕ್ಲೆನ ಮೊಬೈಲ್‌ಡ್ ಉಪ್ಪುನ ಮಾತಾ ಮಾಹಿತಿನ್ ದೀಯೊಂದು ಪೋಡಿಗೆ ಕಟ್ಟಾವುನ, ಬ್ಲಾಕ್‌ಮೇಲ್ ಮಾಡಿ ಹಣವನ್ನು ವಸಲು ಮಲ್ತ್ ಕಾಸ್ ದೆತೊನುನ ಇಚಾರಡ್ ಜನಕುಲು ಜಾಗ್ರತೆಡ್ ಉಪ್ಪೊಡು ಪಂದ್ ಪೊಲೀಸ್ ದಕುಲು ಮಾಹಿತಿ ಕೊರ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ ನಗರ ಪೊಲೀಸ್ ವಾರ್ಷಿಕ ಕ್ರೀಡಾಕೂಟಗ್ ಚಾಲನೆ

Jan 6, 2022

ಕುಡ್ಲದ ನಗರ ಪೊಲೀಸ್ ಘಟಕದ ವಾರ್ಷಿಕ ಕ್ರೀಡಾಕೂಟ 2021 ಕುಡ್ಲದ ಜಿಲ್ಲಾ ಪೊಲೀಸ್ ಕವಾಯತು ಮೈದಾನಡ್ ಇನಿ ಕಾಂಡೆ 9 ಗಂಟೆಗ್ ಸರಿಯಾದ್ ನಡತ್ಂಡ್. ದಕ್ಷಿಣ ಕನ್ನಡ ಜಿಲ್ಲಾ ಪ್ರಧಾನ ಬೊಕ್ಕ ಸತ್ರ ನ್ಯಾಯಾಧೀಶೆರ್ ಆಯಿನ ಮುರಳೀಧರ ಪೈ ಬಿ. ಲೇಸ್ ನ್ ಉದಿಪನ ಮಲ್ತೆರ್.

ಈ ಪೊರ್ತುಡ್ ಪಾತೆರ್ದಿನ ಆರ್, ಕ್ರೀಡಾಕೂಟ ಪೊಲೀಸ್ ಇಲಾಖೆಡ್ ಇತ್ತಿನ ಪ್ರತಿಭೆಲೆನ್ ಗುರ್ತಿಸಾದ್ ರಾಷ್ಟ್ರೀಯ, ಅಂತಾರಾಷ್ಟ್ರೀಯ ಮಟ್ಟಡ್ ಬೊಳೆಪಾವರೆ ಸಾಕಾರ ಆಪುಂಡ್ ಪಂದ್ ಪಂಡೆರ್.

ಕರ್ನಾಟಕ ಬ್ಯಾಂಕ್ ದ ವ್ಯವಸ್ಥಾಪಕ ನಿರ್ದೇಶಕೆರ್ ಬೊಕ್ಕ ಮುಖ್ಯ ಕಾರ್ಯ ನಿರ್ವಾಹಣಾಧಿಕಾರಿಲು ಆಯಿನ ಮಹಾಬಲೇಶ್ವರ ಎಂ.ಎಸ್ ಲೇಸ್ ಡ್ ಬಿನ್ನೆರಾದ್ ಪಾಲ್ ಪಡೆದ್ ಕ್ರೀಡಾಕೂಟಡ್ ಪಾಲ್ ಪಡೆಯೊಂದ್ ಇಪ್ಪುನಕ್ಲೆಗ್ ಎಡ್ಡೆಪು ಬಯಕ್ಯೆರ್.

ಇಂಚಿಪ್ಪಗ್ ಏಷ್ಯನ್ ಪವರ್ ಲಿಫ್ಟಿಂಗ್ ಚಾಂಪಿಯನ್ ಶಿಪ್ ಡ್ ಆಜಿ ಬಂಗಾರ್ ದ ಪದಕನ್ ಗೆಂದಿನ ದೀಪಾ ವಾಸುದೇವ್ ಭಟ್ ಲೇಸ್ ಡ್ ಬಿನ್ನೆರಾದ್ ಪಾಲ್ ಪಡೆದಿತ್ತೆರ್ ಅಂಚನೆ ಅರೆನ್ ಮಿತ್ತರ್ಮೆಡ್ ಮಾನಾದಿಗೆ ಮಲ್ತೆರ್.

ಕರ್ನಾಟಕ ಬ್ಯಾಂಕ್ ಮುತಾಲಿಕೆಡ್ 18 ಲಕ್ಷ ಬಜೆಟ್ ಡ್ ರಿನೋವೇಷನ್ ಆಯಿನ ಪೊಲೀಸ್ ಕ್ಯಾಂಟೀನ್ ನ್ ಮಹಾಬಲೇಶ್ವರ ಎಂ.ಎಸ್ ಉದಿಪನ ಮಲ್ತೆರ್.

ಈ ಪೊರ್ತುಡ್ ಕುಡ್ಲದ ಕಮಿಷನರ್ ಎನ್ ಶಶಿಕುಮಾರ್, ಆರ್ಥರ್ ಡಿಸೋಜ, ಡಿಸಿಪಿ ಆಯಿನ ದಿನೇಶ್ ಕುಮಾರ್ ಬಿ.ಪಿ, ಚನ್ನವೀರಪ್ಪ ಹಡವದ್ ಲೇಸ್ ಡ್ ಇತ್ತೆರ್.