ನಿಶ್ಚಿತ ಗುರಿ, ಯೋಜಿತ ಓದುನೆರ್ದ್ ಜೋಕ್ಲೆಗ್ ಯಶಸ್ : ಡಾ. ರಾಜೇಂದ್ರ

ಕುಡ್ಲ : ಜೋಕುಲು ತಮ್ಮ ಭವಿಷ್ಯದ ಬಗ್ಗೆ ನಿಶ್ಚಿತ ಗುರಿ ದೀದ್ , ಯೋಜಿತವಾದ್ ಕಲ್ತುಂಡ ತಮ್ಮ ಕನನ್ ನನ ಮಲ್ಪರೆ ಸಾಧ್ಯ ಪಂದ್ ಜಿಲ್ಲಾಧಿಕಾರಿ ಡಾ. ಕೆ.ವಿ. ರಾಜೇಂದ್ರ ಪಂಡೆರ್ .

ಮೇರ್ ಸೆ.21ನೆ ಅಂಗಾರೆ ಪೇಂಟೆದ ಡಾ. ಪಿ. ದಯಾನಂದ ಪೈ-ಪಿ.ಸತೀಶ ಪೈ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜ್ ಡ್ ಉದ್ಯೋಗಕೋಶ ಬೊಕ್ಕ ಆಂತರಿಕ ಗುಣಮಟ್ಟ ಭರವಸಾ ಕೋಶದ ಸಹಯೋಗಡ್ ನಡತಿನ “ಅಂತಿಮ ವರ್ಷದ ಸ್ನಾತಕ ಬೊಕ್ಕ ಸ್ನಾತಕೋತ್ತರ ಪದವಿ ಜೋಕ್ಲೆಗ್ ಸ್ಪರ್ಧಾತ್ಮಕ ಪರೀಕ್ಷೆನ ಎದುರಿಸಾವುನ ಬಗೆಟ್ ನಡತಿನ ಲೇಸ್ ಉದಿಪನ ಮಲ್ತ್ ಪಾತೆರಿಯೆರ್.

ಒವ್ವೆ ಜೋಕುಲು ಆಂಡಲಾ ತಮ್ಮ ಭವಿಷ್ಯದ ಬಗ್ಗೆ ಸ್ಪಷ್ಟ ಗುರಿ ದೀಪಿನ ಅಗತ್ಯ . ಸ್ಪರ್ಧಾತ್ಮಕ ಪರೀಕ್ಷೆಡ್ ಯಶಸ್ ಸಾಧಿಸಾಯೆರೆ ಮಸ್ತ್ ಪೂರ್ವ ತಯಾರಿ ಬೋಡು ನಿರಂತರ ಅಧ್ಯಯನ ಬೊಕ್ಕ ಆತ್ಮಸ್ಥೈರ್ಯರ್ದ್ ಪರೀಕ್ಷೆ ಎದುರಿಸಾಂಡ ಖಂಡಿತವಾದ್ ಲ ಯಶಸ್ಸು ಸಾಧ್ಯ ಪಂದ್ ಪಂಡೆರ್.ಈ ಪೊರ್ತುಡು
ಕಾಲೇಜು ಶಿಕ್ಷಣ ಇಲಾಖೆದ ವಿಶೇಷಾಧಿಕಾರಿ ಡಾ. ಜಯಕರ ಭಂಢಾರಿ ಎಂ, ಉದ್ಯೋಗ ಕೋಶದ ಸಂಚಾಲಕ ಪ್ರೊ. ಅಶ್ವಿತ ಕರ್ಕೇರ.ಎನ್, ಕಾಲೇಜ್ ದ ಉಪ ಪ್ರಾಂಶುಪಾಲ ಡಾ. ಪ್ರಕಾಶ್‍ಚಂದ್ರ, ಐಕ್ಯೂಎಸಿ ಸಂಯೋಜಕ ಡಾ. ತೆರೇಸ್ ಪಿರೇರಾ, ಉದ್ಯೋಗ ಕೋಶದ ಸಂಯೋಜಕ ಪ್ರೊ. ರಘುಪತಿ ಬೊಕ್ಕ ಅಂತಿಮ ವರ್ಷದ ಸ್ನಾತಕ ಬೊಕ್ಕ ಸ್ನಾತಕೋತ್ತರ ವಿಭಾಗದ ಜೋಕುಲು ಪಾಲ್ ಪಡೆದಿತ್ತೆರ್ .