September 11, 2021

ರೇಡಿಯೋ ಮಣಿಪಾಲ್ 90.4 Mh : -ದೇಸಿ ಸೊಗಡು ಸಮುದಾಯ ಬಾನುಲಿ

Sep 11, 2021

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ಸೆಪ್ಟೆಂಬರ್ ತಿಂಗೊಲ್ ದ ತಾರೀಖ್ 11 ನೆ ಶನಿವಾರ ಬಯ್ಯಗ್ 6 ಗಂಟೆಗ್ ರಾಸಾಯನಿಕ ಮುಕ್ತ ಪರ್ಬೊದ ಆಚರಣೆ ಬೊಕ್ಕ ಜಲಮೂಲಗಳು ಪನ್ಪಿನ ನುಡಿಚಿತ್ರಲ್ ಬಗ್ಗೆ ಕಾರ್ಯಕ್ರಮ ಪ್ರಸಾರ ಆಯರೇ ಉಂಡು .ಕರ್ನಾಟಕ ರಾಜ್ಯ ವಿಜ್ಞಾನ ಪರಿಷತ್ ದ ಸಂಪನ್ಮೂಲ ವ್ಯಕ್ತಿಲಾಯಿನ ಡಾ.ಎನ್.ನಾಗಭೂಷಣ್ ಅಂಚನೆ ಭಾರತೀಯ ವಿಕಾಸ ಟ್ರಸ್ಟ್ ದ ಕಾರ್ಯಕ್ರಮ ವ್ಯವಸ್ಥಾಪಕೆರಾಯಿನ ಜೀವನ್ ಕೊಲ್ಯ ಪಾಲ್ ಪಡೆಯರೇ ಉಲ್ಲೆರ್.

ಸೆಪ್ಟೆಂಬರ್ 12 ತಾರೀಖ್ ಗ್ ಮಧ್ಯಾಹ್ನ 2 ಗಂಟೆಗ್ ನೆತ್ತ ಮರುಪ್ರಸಾರ ಉಂಡು .

ಸಾಕಾರ : ಒಡಿಪು ಜಿ.ಪಂ

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲಡ್ ಇನಿ ಬೇಕರ್ಸ್ ಕ್ರೌನ್ ಪನ್ಪಿನ ಕೇಕ್ ದ ಅಂಗಡಿದ ಉದಿಪನದ ಲೇಸ್

Sep 11, 2021

ತುಳುನಾಡ್ ದ ಜನೊಕ್ಲೆನ ಆಶೀರ್ವಾದಡ್ ಇನಿ ಬೇಕರ್ಸ್ ಕ್ರೌನ್ ಪನ್ಪಿನ ಕೇಕ್ ದ ಅಂಗಡಿ ಕುಡ್ಲದ ಪದವಿನಂಗಡಿದ ಏರ್ಪೋರ್ಟ್ ರೋಡ್ ದ ಕೈತಲ್ ಇಪ್ಪುನ ರೋಬನ್ ಪ್ಲಾಸ ಬಿಲ್ಡಿಂಗ್ ಡ್ 11 ಸೆಪ್ಟೆಂಬರ್ 2021 ಕ್ ಉದಿಪನ ಆವೊಂದ್ ಉಂಡು.

ನಿಕ್ಲೆನ ಚೀಪೆದೆ ದಿನೊಕ್ಲೆನ್ ನಾನತ್ ಪೊರ್ಲು ಮಲ್ಪರೆ ಬೇಕರ್ಸ್ ಕ್ರೌನ್ ಗ್ ಬಲೆ.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಯುವವಾಹಿನಿ (ರಿ.) ಹೆಜಮಾಡಿ ಘಟಕ : ಪೊಸ ಪದುಕೆರ್ನ ಆಯ್ಕೆ

Sep 11, 2021

ಹೆಜಮಾಡಿ :ಹೆಜಮಾಡಿ ಬಿರುವೆರೆ ಸಂಘ (ರಿ.) ನೆತ್ತ ಒಟ್ಟು ಸೇರಿಗೆಡ್ ಯುವವಾಹಿನಿ (ರಿ.) ಹೆಜಮಾಡಿ ಘಟಕ ನೆತ್ತ 2021-2022 ಸಾಲ್ ದ ಪೊಸ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ತಾರೀಖ್ 06/09/2021 ನೆ ಸೋಮಾರ ದಾನಿ ಹೆಜಮಾಡಿ ಬಿರುವೆರೆ ಸಂಘದ ಜಯ. ಸಿ. ಸುವರ್ಣ ಸಭಾಂಗಣಡ್ ನಡತುಂಡು .

ಲೇಸ್ ದ ಗುರ್ಕಾರ್ಮೆನ್ ಯುವವಾಹಿನಿ ಹೆಜಮಾಡಿ ಘಟಕದ ಗುರ್ಕಾರ್ಲಾಯಿನ ಧೀರಜ್ ಹೆಜಮಾಡಿ ವಹಿಸ್ ದಿತ್ತೆರ್ . ಬಹರೈನ್ ಕನ್ನಡ ಸಂಘದ ಸದಸ್ಯ ಬೊಕ್ಕ ಗೋಕರ್ಣನಾಥ ಕೋ -ಆಪರೇಟಿವ್ ಬ್ಯಾಂಕ್ ಹಂಪನಕಟ್ಟೆ ಶಾಖಾಧೀಕಾರಿ ಅಶೋಕ್ ಕುಮಾರ್ ಕಟೀಲ್ ಮೇರ್ ತುಡರ್ ಅರ್ಲಾದ್ ಲೇಸ್ ಉದಿಪನ ಮಲ್ತೆರ್.

ಯುವವಾಹಿನಿ ಕೇಂದ್ರ ಸಮಿತಿದ ಗುರ್ಕಾರ್ಲಾಯಿನ ಡಾ: ರಾಜರಾಮ್ ಕೆ.ಬಿ ಮೇರ್ ಪೊಸ ಪದಾಧಿಕಾರಿಲೆಗ್ ಪ್ರತಿಜ್ಞಾ ವಿಧಿ ಭೋದಿಸಾಯೆರ್ ಅಂಚನೇ ಪೊಸ ಗುರ್ಕಾರ್ಲಾದ್ ಆಯ್ಕೆಯಾಯಿನ ರಾಜೇಶ್ ಸನಿಲ್ ಬೊಕ್ಕ ಆರ್ನ ಕೂಟಗ್ ಎಡ್ಡೆಪ್ಪುನು ಬಯಕಿಯೆರ್.

ಲೇಸ್ ಡ್ ಯುವವಾಹಿನಿ ಹೆಜಮಾಡಿ ಘಟಕದ ರಜತ ವರ್ಷದ ಪ್ರಯುಕ್ತ ಘಟಕದ ಗುರ್ಕಾರ್ಲಾದ್ ಬೇಲೆ ಮಲ್ದಿನ 25 ಗುರ್ಕಾರ್ಲೆನ್ ಘಟಕದ ಪರವಾದ್ ಮಾನದಿಗೆ ಮಲ್ತೆರ್ ಅಂಚನೇ ಪೊಸ ಪಂಚಾಯತ್ ಸದಸ್ಯರಾದ್ ಆಯ್ಕೆಯಾಯಿನ ನಮ್ಮ ಘಟಕದ ಸದಸ್ಯೆರೆನ್ ಸೊಲ್ಮೆ ಸಂದೈತ ಮಲ್ತೆರ್ .
ಇಂಚೋಗು ನಮರ್ದ್ ದೂರ ಆಯಿನ ದಿ. ಚಂದ್ರಾವತಿ ಹರೀಶ್ ಮೆರ್ನ ಮಗೆನ ವಿಧ್ಯಾಭ್ಯಾಸಗ್ ಘಟಕದ ವತಿರ್ದ್ ಪಣವುದ ಸಾಕಾರ ಕೊರಿಯೆರ್ .ಲೇಸ್ ಡ್ ಮಲ್ಲ ಬಿನ್ನೆರ್ ಆದ್ ಹೆಜಮಾಡಿ ಬಿಲ್ಲವರ ಸಂಘದ ಗುರ್ಕಾರ್ಲಾಯಿನ ಲೋಕೇಶ್ ಅಮೀನ್, ಹೆಜಮಾಡಿ ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಪ್ರಾಣೇಶ್ ಹೆಜಮಾಡಿ ಪಾಲ್ ಪಡೆದಿತ್ತೆರ್ . ಅಂಚನೇ ಘಟಕದ ಗುರ್ಕಾರ್ಲಾಯಿನ ಧೀರಾಜ್ ಹೆಜಮಾಡಿ, ಕೋಶಾಧಿಕಾರಿ ಭರತ್ ರಾಕೇಶ್, ನೂತಸ ಗುರ್ಕಾರ್ಲಾಯಿನ ರಾಜೇಶ್ ಸನಿಲ್ ಬೊಕ್ಕ ಪೊಸ ಕಾರ್ಯದರ್ಶಿ ವಿಜಯ ಅನಿಲ್,
ಸ್ಥಾಪಕ ಗುರ್ಕಾರ್ಲಾಯಿನ ಪ್ರಭೋಧ್ ಚಂದ್ರ ಹೆಜಮಾಡಿ ಪ್ರಾಸ್ತಾವಿಕವಾದ್ ಪಾತೆರಿಯೆರ್ . ಧೀರಜ್ ಹೆಜಮಾಡಿ ಎದುಕೊಂಡೆರ್ . ಭರತ್ ರಾಕೇಶ್ ವಾರ್ಷಿಕ ವರದಿ ಮಂಡನೆ ಮಲ್ತೆರ್ . ಅನ್ವಿತ ಬೊಕ್ಕ ವ್ರಶಾಂಕ ಪ್ರಾರ್ಥನೆ ಮಲ್ತೆರ್ .ಮನೋಹರ್ ಹೆಜಮಾಡಿ ಲೇಸ್ ನಡಪಾದ್ ಕೊರಿಯೆರ್. ಪೊಸ ಕಾರ್ಯದರ್ಶಿ ವಿಜಯ ಅನಿಲ್ ಸೊಲ್ಮೆ ಸಂದೈತ ಮಲ್ತೆರ್ .

ಗಣೇಶ” ಪುದರ್ ಉಪ್ಪುನಕ್ಲೆಗ್ ಬಂಪರ್ ಆಫರ್ – ವಂಡರ್ ಲಾರ್ದ್ 100 ಜನಕ್ ಉಚಿತ ಪಾಸ್

Sep 11, 2021

ಬೆಂಗ್ಳೂರು: ಚೌತಿ ಪರ್ಬದ ಪ್ರಯುಕ್ತ ಬೆಂಗ್ಳೂರುದ ಮೈಸೂರು ಮಾರ್ಗಡ್ ಉಪ್ಪುನ ವಂಡರ್ ಲಾ ರ್ದ್ ಈ ಸಲ ಚೌತಿ ಪರ್ಬಗ್ ಬಂಪರ್ ಆಫರ್ ಕೊರ್ತುಂಡು .

ಚೌತಿ ಪರ್ಬದ ಪರವಾದ್ ವಂಡರ್ ಲಾ ವತಿರ್ದ್ ವಿಶೇಷ ಕೊಡುಗೆ ಕೊರ್ತೆರ್ . ಭಗವಾನ್ ಶ್ರೀ ಗಣೇಶನ 108 ಹೆಪುದರ್ ದ ಪೈಕಿ ಒವ್ವೆ ಪುದರ್ ನಿಕುಲು ದೀದ್ ಇತ್ತುಂಡ , ಅಕ್ಲೆಗ್ ಸೆಪ್ಟೆಂಬರ್ 10 ತಾರೀಖ್ ದಾನಿ ಉಚಿತ ಪಾಸ್ ಕೊರೊಂದು ಉಂಡು . ಇಂಚಿನ 100 ಪಾಸ್ ಕೊರಿಯರೆ ತೀರ್ಮಾನ ಮಲ್ದೆರ್ .

ಎಚ್ಚದ ಮಾಹಿತಿಗಾದ್ ಲೆಪ್ಪು ಕೊರ್ಲೆ 080-37230333, 080-35073966.

ಹಂಪಿ‌ಡ್ ಪ್ರವಾಸಿಗೆರೆಗ್ ಮುಕ್ತ – ಡಿಸಿ ಪವನ್ ಕುಮಾರ್ ಆದೇಶ

Sep 11, 2021

ಬಳ್ಳಾರಿ: ವಿಶ್ವವಿಖ್ಯಾತ ಹಂಪಿಯ ಸ್ಮಾರಕದ ವೀಕ್ಷಣೆಗ್ ಮುಕ್ತ ಅವಕಾಶ ಕೊರ್ದು ಬಳ್ಳಾರಿ ಜಿಲ್ಲಾಧಿಕಾರಿ ಪವನಕುಮಾರ್ ಮಾಲಪಾಟಿ ಆದೇಶ ಕೊರ್ತೆರ್ .

ಕೊರೊನಾ ಜಾಸ್ತಿ ಆಪುನ ಸಂಭವ ನೆಲೆಟ್ಟ್ ಕರಿನ ತಿಂಗೊಲ್ 14 ಗ್ ಪಾಡಿನ ವೀಕೆಂಡ್ ಕರ್ಫ್ಯೂ ತೆರವು ಮಲ್ದೆರ್ . ನೆತ್ತ ದುಂಬು ಪ್ರತಿ ಶನಿವಾರ, ಐತಾರ ಬೊಕ್ಕ ಸೋಮವಾರ ದಾನಿ ಪ್ರವಾಸಿಗೆರ್ನ ವೀಕ್ಷಣೆಗ್ ನಿರ್ಬಂಧ ಪಾಡ್ದೆರ್ . ಇಂಚಾದ್ ಹಂಪಿಗ್ ಬರ್ಪಿನ ಪ್ರವಾಸಿಗೆರ್ನ ಸಂಖ್ಯೆಡ್ ಕಮ್ಮಿ ಆತುಂಡು . ಅಂಚಾದ್ ಸ್ಮಾರಕದ ವೀಕ್ಷಣೆಗ್ ಪಾಡ್ದಿನ ನಿರ್ಬಂಧ ದೈದೆರ್

ಅಪ್ಘಾನ್ ಡ್ ಸರ್ಕಾರ ರಚನೆ ಮಲ್ತಿನ ತಾಲಿಬಾನ್ ಉಗ್ರೆರ್ ಪ್ರಧಾನಿಯಾದ್ ಹಸನ್ ಅಖುಂದ್

Sep 11, 2021

ಕಾಬೂಲ್ : ಆಫ್ಘಾನಿಸ್ತಾನಡ್ ತಾಲಿಬಾನ್ ಪೊಸ ಸರ್ಕಾರ ರಚನೆಯಾತುಂಡು , ಪ್ರಧಾನಿಯಾದ್ ಮುಲ್ಲಾ ಮೊಹಮ್ಮದ್ ಹಸನ್‌ ಅಖುಂದ್‌ ನೇಮಕ ಆತೆ .

ನನ ಈ ಪೊಸ ಸರ್ಕಾರಡ್ ಹಕ್ಕಾನಿಲೆಗ್ ಪ್ರಮುಖ ಖಾತೆ ಕೊರ್ತೆರ್ . ಸಿರಾಜುದ್ದೀನ್‌ ಹಕ್ಕಾನಿಗ್ ಒಳಾಡಳಿತ ಸಚಿವ ಸ್ಥಾನ ಕೊರ್ತೆರ್ .

ಅಫ್ಘಾನಿಸ್ತಾನಡ್ ಉಗ್ರವಾದಿಲೆನ ತಾಲಿಬಾನ್ ಸರ್ಕಾರ ರಚನೆಯಾತುಂಡು , ಮುಲ್ಲಾ ಮೊಹಮ್ಮದ್ ಹಸನ್ ಅಖುಂದ್ ಅಫ್ಘಾನಿಸ್ತಾನದ‌ ಚುಕ್ಕಾಣಿ ಪತ್ತ್ದೆ . ನನ ಈ ಮಧ್ಯಂತರ ಸರ್ಕಾರಡ್ , ಸಿರಾಜ್ ಹಕ್ಕಾನಿನ್ ಆಂತರಿಕ ವ್ಯವಹಾರದ ಸಚಿವೆಯಾದ್ ಮಲ್ದೆರ್.

ಲಾರಿ- ಬೈಕ್ ಮುಖಾಮುಖಿ ಢಿಕ್ಕಿ ರಡ್ಡ್ ಸ್ಪಾಟ್ ಔಟ್

Sep 11, 2021

ಚಿಕ್ಕಮಗಳೂರು: ಪೇಂಟೆದ ಉದ್ದೇಬೋರನಹಳ್ಳಿದ ಕೈತಲ್ ದ್ವಿಚಕ್ರ ವಾಹನ ಬೊಕ್ಕ ಗ್ಯಾಸ್ ಸಿಲಿಂಡರ್ ಕೊನೊಂದು ಇತ್ತಿನ ಲಾರಿ ನಡುಟು ಮುಖಾಮುಖಿ ಡಿಕ್ಕಿ ಹಾಕ್ ದ್ ಬೈಕ್ ಡ್ ಇತ್ತಿನ ಸವಾರೆರ್ ಜಾಗೆಡೆ ತೀರ್ ಪೋತೆರ್ . ತೀರ್ ಪೋಯಿನಕ್ಲೆನ್ ಜಯಣ್ಣ (58) ಬೊಕ್ಕ ಪುತ್ರಿ ರಕ್ಷಿತಾ (19) ಪಂದ್ ಗುರ್ತಿಸಾದೆರ್ .

ರಾಜೇಶ್ ಆಚಾರ್ಯೆರ್ನ ಇಲ್ಲಡ್ ನಡು ರಾತ್ರಿ ಪೆತ್ತ ಕಂಡಿನ ಕಲ್ವೆರ್

Sep 11, 2021

ಕಾರ್ಲ : ಕಾರ್ಲಾಡ್ ಪೆತ್ತ ಕಂಡುನ ಜಾಸ್ತಿ ಆವೊoದು ಉಪ್ಪುನೆರ್ದಾವರ ಅವೆನ್ ಉಂತಾವುನ ನೆಲೆಟ್ಟ್ ಇತ್ತೆ ಕಾರ್ಕಳ ಬಜರಂಗದಳ ಕಾರ್ಯ ಪ್ರವೃತ್ತವಾತುಂಡು. ಇಂಚಿನ ಪೊರ್ತುಡು ನಿಟ್ಟೆಡ್ ಕುಡೊಂಜಿ ಪ್ರಕರಣ ತೊಜಿದ್ ಬೈದುಂಡು ಗೋಮಾತೆನ್ ಕಳಯೊಂಡಿನಕುಲು ಬಾರಿ ಮಲ್ಲ ಗೊಪ್ರೇಮಿಯಾಯೀನೇರ್ದಾವರ ಇಲ್ಲಡೆ ದೇಶಿ ತಳಿ 30 ರ್ದ್ ಜಾಸ್ತಿ ಉಂಡು .ಇಂದೆನ್ ಗೇನಾಡ್ ದೀನ ಕಲ್ವೇರ್ ಮಾರ್ಗದ ಬರಿಟ್ ಇತ್ತಿನ ಪೆತ್ತನ್ ಕಂಡೊನ್ದು ಇತ್ತೆ ಮೆಕ್ಲೆನ ಇಲ್ಲದ ಬಿತ್ತಿಲ್ ದ ಉಲಯಿ ಪೊಗ್ಗುದೆರ್. ಇಂಚ ಉಪ್ಪುನಗ ಕಲ್ವೇರ್ ಮೆರೆನ ಇಲ್ಲಗೆ ಪೋಗ್ಗುದು ತಲವಾರು ಪಾರ್ದ್ ಪೆತ್ತ ಕಂಡಿನ ಬಾರಿ ಬೇಜಾರ್ ದ ಸಂಗತಿ , ನನ ಒರಿದಿನ ಪೆತ್ತದ ರಕ್ಷಣೆ ಬಗ್ಗೆ ಚಿಂತಾಕ್ರಾಂತರಾದ್ ಕಾನೂನು ಮೊರೆ ಪೋತೆರ್ ವಿಶ್ವಹಿಂದು ಪರಿಷದ್ ಬಜರಂಗದಳ ಬೆರಿ ಸಾಕಾಯಗ್ ಉಂತುದುಂಡು.