ಕೋವಿಡ್ ಲಸಿಕಾ ಕೇಂದ್ರಗ್ ಒಡಿಪು ಜಿಲ್ಲಾಧಿಕಾರಿ ಭೇಟಿ

ಶಿರ್ವ, ಮೇ 29: ಶಿರ್ವ ಸಂತ ಮೇರಿ ಪದವಿ ಪೂರ್ವ ಕಾಲೇಜ್ ಗ್ ಸ್ಥಳಾಂತರ ಮಲ್ತಿನ ಶಿರ್ವ ಸಮುದಾಯ ಆರೋಗ್ಯ ಕೇಂದ್ರದ ಕೋವಿಡ್ ಲಸಿಕಾ ಕೇಂದ್ರಗ್ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ಕೋಡೆ ಭೇಟಿ ಕೊರ್ದು ಪರಿಶೀಲನೆ ನಡಪಾಯೆರ್ .

ಆರೋಗ್ಯ ಕೇಂದ್ರಡ್ ಕೊರೋನಾ ಸೋಂಕು ಪರಡಂದಿ ಲಕ ಸುರಕ್ಷತೆ ಬೊಕ್ಕ ಸಾರ್ವಜನಿಕ ಆರೋಗ್ಯ ಕಾಪಾಡುನ ಹಿತದೃಷ್ಟಿ ರ್ದ್ ಶುಕ್ರವಾರ ಸಮು ದಾಯ ಕೇಂದ್ರಡ್ ಇತ್ತಿನ ಲಸಿಕಾ ಕೇಂದ್ರನ್ ಆಸ್ಪತ್ರೆದ ದುಂಬು ಸಂತ ಮೇರಿ ಪದವಿ ಪೂರ್ವ ಕಾಲೇಜ್ ದ ತರಗತಿ ಕೋಣೆಗ್ ಸ್ಥಳಾಂತರ ಮಲ್ದೆರ್ , ಮುಲ್ಪ 45 ವರ್ಷ ಮಿತ್ತ್ ದ ನಾಗರಿಕೆರೆಗ್ ಸುರುತ್ತ ಹಂತದ ಲಸಿಕೆ ಕೊರ್ಪಿನ ವ್ಯವಸ್ಥೆ ನಡತುಂಡು .

ಕೇಂದ್ರಗ್ ಭೇಟಿ ಕೊರ್ದು ಪರಿಶೀಲನೆ ನಡಪಾಯಿನ ಜಿಲ್ಲಾಧಿಕಾರಿ, ಜಿಲ್ಲೆಡ್ ಸದ್ಯದ ಮಟ್ಟಿಗ್ ಲಸಿಕೆದ ಕೊರತೆ ಇಜ್ಜಿ . ಕೋಡೆ 200 ಜನಕ್ಲೆಗ್ ಮುಲ್ಪ ಲಸಿಕೆ ಕೊರೊಂದು ಉಲ್ಲೆರ್ , ಸುರುತ್ತ ಲಸಿಕೆದ ಲಭ್ಯತೆದ ಬಗ್ಗೆ ಮಾಧ್ಯಮದ ಮುಖೇನ ಮಾಹಿತಿ ಕೊರ್ತೆರ್ .