ಡಿಪು

ಡಯನಾ ವಿಠಲ್ ಪೈ ಮುತಾಲಿಕೆದ ಲಯನ್ಸ್ ಕ್ಲಬ್ ಒಡಿಪುದ ಪದಪ್ರಧಾನ

Sep 3, 2021

ಒಡಿಪು : ಲಯನ್ಸ್ ಸಂಸ್ಥೆ ಸಾರ್ವಜನಿಕ ಸಂಪರ್ಕ, ಸಮಾಜ ಸೇವೆ ಬೊಕ್ಕ ವ್ಯಕ್ತಿತ್ವ ವಿಕಸನಗ್ ವಿಪುಲ ಅವಕಾಶ ಕೊರ್ಪುಂಡು ಪಂದ್ ಮಾಜಿ ಲಯನ್ಸ್ ಜಿಲ್ಲಾ ಗವರ್ನರ್ ಬೊಕ್ಕ ಲಯನ್ಸ್ ಜಿಲ್ಲೆ 317 ಸಿಯ ಮೆಂಟರ್ ಜಯಕರ್ ಶೆಟ್ಟಿ ಇಂದ್ರಾಳಿ ಪಂಡೆರ್ .

ಪ್ರತಿಷ್ಠಿತ ಲಯನ್ಸ್ ಕ್ಲಬ್ ಒಡಿಪುದ ಪೊಸ ಗುರ್ಕಾರ್ ಲಾಯಿನ ಡಯನಾ ಎಂ.ವಿಠಲ್ ಪೈ, ಕಾರ್ಯಂತೇರಾದ್ ಪಿ. ವಿಷ್ಣುದಾಸ್ ಪಾಟೀಲ್, ಕೋಶಾಧಿಕಾರಿಯಾದ್ ಶ್ರೀಧರ ಭಟ್ ಬೊಕ ಅಕ್ಲೆನ ಕೂಟದ ಪದಪ್ರಧಾನ ಲೇಸ್ ಡ್ ಪದಗ್ರಹಣ ಅಧಿಕಾರಿಯಾದ್ ಪಾತೆರಿಯೆರ್ .

ಪೊಸ ಸದಸ್ಯೆರಾದ್ ಸೇರ್ಪಡೆಯಾಯಿನ ಅತುಲ್ ಎಂ. ಭಕ್ತ, ಅಬ್ದುಲ್ ಇಲಿಯಾಸ್ ಬೊಕ್ಕ ರಾಮದಾಸ್ ಪ್ರಭುಗು ಜಯಕರ್ ಶೆಟ್ಟಿ ಇಂದ್ರಾಳಿ ಪ್ರತಿಜ್ಞಾ ವಿಧಿ ಬೋಧನೆ ಮಲ್ತೆರ್ .

ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ಪುದರ್ ಡ್ ನಕಲಿ ಫೇಸ್‌ಬುಕ್ ಖಾತೆ

Jul 21, 2021

ಒಡಿಪು, ಜುಲೈ 21: ಇತ್ತೆ ಮೂಜನೇ ಸಲ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ಪುದರ್ ಡ್ ದುಷ್ಕರ್ಮಿಲು ಫೇಸ್‌ಬುಕ್ ನ ನಕಲಿ ಖಾತೆ ಮಲ್ದೆರ್ .

ಜು.17ಕ್ಕ್ ಅಪರಿಚಿತ ವ್ಯಕ್ತಿಲು ಜಿಲ್ಲಾಧಿಕಾರಿ ಜಿ.ಜಗದೀಶ್ ಪನ್ಪಿನ ನಕಲಿ ಫೇಸ್ಬುಕ್ ಖಾತೆನ್ ಮಲ್ತ್ , ಐತ ಫ್ರೊಪೈಲ್ ಫೋಟೋಗ್ ಡಿಸಿನ ಫೋಟೋನ್ ದುರ್ಬಳಕೆ ಮಲ್ದೆರ್ . ಜಿಲ್ಲಾಧಿಕಾರಿಲೆನ ವೈಯಕ್ತಿಕ ಗೌರವಗ್ ಧಕ್ಕೆ ಕನ್ಪಿನ ಉದ್ದೇಶದಿಂಗ್ ಈ ಖಾತೆನ್ ದೆತ್ದ್ ಕಾಸ್ ಕೇನೊಂದು ಉಪ್ಪುನ ಆರೋಪದ ವಿರುದ್ಧ ಕಾನೂನು ಕ್ರಮ ದೆತೊನೊಡು ಪಂದ್ ಒಡಿಪು ಸೆನ್ ಠಾಣೆಗ್ ದೂರು ಕೊರ್ತೆರ್ .

ಕೋವಿಡ್ ಲಸಿಕಾ ಕೇಂದ್ರಗ್ ಒಡಿಪು ಜಿಲ್ಲಾಧಿಕಾರಿ ಭೇಟಿ

May 29, 2021

ಶಿರ್ವ, ಮೇ 29: ಶಿರ್ವ ಸಂತ ಮೇರಿ ಪದವಿ ಪೂರ್ವ ಕಾಲೇಜ್ ಗ್ ಸ್ಥಳಾಂತರ ಮಲ್ತಿನ ಶಿರ್ವ ಸಮುದಾಯ ಆರೋಗ್ಯ ಕೇಂದ್ರದ ಕೋವಿಡ್ ಲಸಿಕಾ ಕೇಂದ್ರಗ್ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ಕೋಡೆ ಭೇಟಿ ಕೊರ್ದು ಪರಿಶೀಲನೆ ನಡಪಾಯೆರ್ .

ಆರೋಗ್ಯ ಕೇಂದ್ರಡ್ ಕೊರೋನಾ ಸೋಂಕು ಪರಡಂದಿ ಲಕ ಸುರಕ್ಷತೆ ಬೊಕ್ಕ ಸಾರ್ವಜನಿಕ ಆರೋಗ್ಯ ಕಾಪಾಡುನ ಹಿತದೃಷ್ಟಿ ರ್ದ್ ಶುಕ್ರವಾರ ಸಮು ದಾಯ ಕೇಂದ್ರಡ್ ಇತ್ತಿನ ಲಸಿಕಾ ಕೇಂದ್ರನ್ ಆಸ್ಪತ್ರೆದ ದುಂಬು ಸಂತ ಮೇರಿ ಪದವಿ ಪೂರ್ವ ಕಾಲೇಜ್ ದ ತರಗತಿ ಕೋಣೆಗ್ ಸ್ಥಳಾಂತರ ಮಲ್ದೆರ್ , ಮುಲ್ಪ 45 ವರ್ಷ ಮಿತ್ತ್ ದ ನಾಗರಿಕೆರೆಗ್ ಸುರುತ್ತ ಹಂತದ ಲಸಿಕೆ ಕೊರ್ಪಿನ ವ್ಯವಸ್ಥೆ ನಡತುಂಡು .

ಕೇಂದ್ರಗ್ ಭೇಟಿ ಕೊರ್ದು ಪರಿಶೀಲನೆ ನಡಪಾಯಿನ ಜಿಲ್ಲಾಧಿಕಾರಿ, ಜಿಲ್ಲೆಡ್ ಸದ್ಯದ ಮಟ್ಟಿಗ್ ಲಸಿಕೆದ ಕೊರತೆ ಇಜ್ಜಿ . ಕೋಡೆ 200 ಜನಕ್ಲೆಗ್ ಮುಲ್ಪ ಲಸಿಕೆ ಕೊರೊಂದು ಉಲ್ಲೆರ್ , ಸುರುತ್ತ ಲಸಿಕೆದ ಲಭ್ಯತೆದ ಬಗ್ಗೆ ಮಾಧ್ಯಮದ ಮುಖೇನ ಮಾಹಿತಿ ಕೊರ್ತೆರ್ .