ಮುಲ್ಕಿ : ಬ್ರಹ್ಮಶ್ರೀ ನಾರಾಯಣ ಗುರು ಮಹಿಳಾ ಮಂಡಳಿ ಮುಲ್ಕಿ ಉಂದೆತ್ತ ಮಾಜಿ ಕಾರ್ಯದರ್ಶಿ, ಶಿಕ್ಷಕಿ ದಿ. ಚಂದ್ರಾವತಿ ಮೆರೆಗ್ ಕಣ್ಣನೀರ್ ದ ಗೌರವ ಸಂದಾಯ ಮಲ್ಪುನ ಶ್ರದ್ಧಾಂಜಲಿ ಸಭೆ ಶುಕ್ರವಾರ ಮುಲ್ಕಿ ಬಿಲ್ಲವ ಸಂಘದ ಸಭಾಂಗಣೊಡು ನಡತ್ಂಡ್.
ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ಕಿಲ್ಪಾಡಿ ಗ್ರಾಮ ಪಂಚಾಯತ್ ಉಪಾಧ್ಯಕ್ಷೆರ್ ಗೋಪಿನಾಥ ಪಡಂಗ ಪಾತೆರ್ದ್, ಜೀವನ ಪನ್ಪಿನವು ಅಲ್ಪಾಯುಷ್ಯದ. ಈ ಕಡಿಮೆ ಅವಧಿಡ್ ಸಮಾಜದ ಸೇವೆ ಮಲ್ತ್ ದ್ ಸಮಾಜದ ಋಣ ಸಂದಾವೊಡು. ಅಂಚಾಂಡ ಮಾತ್ರ ನಮ ನಾಲ್ ಜನತ್ತ ನೆಂಪುಡು ಒರಿವ. ಉಂದೆಕ್ಕ್ ದಿ. ಚಂದ್ರಾವತಿ ಟೀಚರ್ ಉದಾರ್ಮೆ ಪಂಡೆರ್.
ಚಂದ್ರಾವತಿ ಟೀಚರ್ ಟೈಲರಿಂಗ್ ಶಿಕ್ಷಕಿಯಾದ್ ಏತೋ ಪೊಂಜೊವುಲೆಗ್ ಸ್ವಂತ ಉದ್ಯೋಗ ಮಲ್ಪರೆ ಪ್ರೇರಣೆ ಕೊರ್ತೆರ್. ಅಂಚೆನೆ ಮಹಿಳಾ ಸಂಘಟನೆದ ಬುಲೆಚ್ಚಿಲ್ ಗಾದ್ ಮಸ್ತ್ ಕಷ್ಟ ಬೈದಿನಾರ್ ಪಂಡ್ ದ್ ನೆಂಪು ಮಲ್ತೆರ್.
ಮುಲ್ಕಿ ಬಿಲ್ಲವ ಸಂಘದ ಅಧ್ಯಕ್ಷೆರ್ ರಮೇಶ್ ಅಮೀನ್ ಕೊಕ್ಕರಕಲ್,ಮಾಜಿ ಅಧ್ಯಕ್ಷೆರ್ ಕೆ.ರಾಘು ಸುವರ್ಣ, ಮಹಿಳಾ ಮಂಡಳಿದ ಗೌರವಾಧ್ಯಕ್ಷೆರ್ ಸರೋಜಿನಿ ಸುವರ್ಣ, ಅಧ್ಯಕ್ಷೆರ್ ಅಂಬಾವತಿ ಅಂಚನ್ ಬೊಕ್ಕ ಸದಸ್ಯೆರ್ ಇತ್ತೆರ್.
pallavi shetty