ಊರ್ದ ಸುದ್ದಿ Regional News
ಕುಡ್ಲದ ಸುದ್ದಿ | Mangalore News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ರಪಕ್ಕ ಸುದ್ದಿ Flash News
ಬಿಲ್ಲವ ಸಮಾಜ ಸೇವಾ ಸಂಘ (ರಿ.) ಮುದರಂಗಡಿ: ಪೊಸ ಸಮುದಾಯ ಭವನದ ಉದಿಪನ
ಒಡಿಪು : ಬಿಲ್ಲವ ಸಮಾಜ ಸೇವಾ ಸಂಘ (ರಿ.) ಮುದರಂಗಡಿಡ್ ತಾರಿಕ್ 08-05-2022ನೇ ಐತಾರ ಬ್ರಹ್ಮಶ್ರೀ ನಾರಾಯಣ ಗುರುಮಂದಿರದ ಕೈತಲ್, ಪೊಸ ಸಮುದಾಯ ಭವನದ ಉದಿಪನದ ಲೇಸ್ ನಡಪರೆ ಆಯರೇ ಉಂಡು.
ಈ ನೆಲೆಟ್ಟ್ ತಾರಿಕ್ 04-05-2022ನೇ ಬುಧಾರದಾನಿ ಬಯ್ಯಗ್ 5:00 ಗಂಟೆರ್ದ್ ವಾಸ್ತು ಹೋಮ, ಸುದರ್ಶನ ಹೋಮ ನಡಪರೆ ಉಂಡು.
ತಾರಿಕ್ 05-05-2022ನೇ ಗುರುವಾರ ಕಾಂಡೆ 9:00 ಗಂಟೆರ್ದ್ ಗಣಪತಿ ಹೋಮ, ಗುರುಪೂಜೆ, ತಾರಿಕ್ : 08-05-2022ನೇ ಐತಾರ
ಕಾಂಡೆ 10:00 ಗಂಟೆಗ್ ಸಭಾ ಕಾರ್ಯಕ್ರಮ,
ಮಧ್ಯಾಹ್ನ ಗಂಟೆ 1:00ಕ್ ಅನ್ನಸಂತರ್ಪಣೆ
ಬಯ್ಯಗ್ 7:00 ಗಂಟೆರ್ದ್ ಸಾಂಸ್ಕೃತಿಕ ಲೇಸ್,
ರಾತ್ರಿ 8:00 ಗಂಟೆಗ್ ಸಂಘದ ಸದಸ್ಯೆರೆರ್ದ್ ರಮಾನಂದ ನಾಯಕ್, ಜೋಡುರಸ್ತೆ ರಚನೆ ಮಲ್ತಿನ ತುಳು ಹಾಸ್ಯಮಯ ಸಾಂಸಾರಿಕ ನಾಟಕ “ವಠಾರ” ನಡಪರೆ ಉಂಡು.
ಈ ಪೊರ್ತುಡು ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ಕಿಲ್ಪಾಡಿ ಗ್ರಾಮ ಪಂಚಾಯತ್ ಉಪಾಧ್ಯಕ್ಷೆರ್ ಗೋಪಿನಾಥ ಪಡಂಗ ಪಾತೆರ್ದ್, ಜೀವನ ಪನ್ಪಿನವು ಅಲ್ಪಾಯುಷ್ಯದ. ಈ ಕಡಿಮೆ ಅವಧಿಡ್ ಸಮಾಜದ ಸೇವೆ ಮಲ್ತ್ ದ್ ಸಮಾಜದ ಋಣ ಸಂದಾವೊಡು. ಅಂಚಾಂಡ ಮಾತ್ರ ನಮ ನಾಲ್ ಜನತ್ತ ನೆಂಪುಡು ಒರಿವ. ಉಂದೆಕ್ಕ್ ದಿ. ಚಂದ್ರಾವತಿ ಟೀಚರ್ ಉದಾರ್ಮೆ ಪಂಡೆರ್.
ಜಯ ಸುವರ್ಣ ರೆನೆ ಧರ್ಮ ಪತ್ನಿ ಲೀಲಾವತಿ ಸುವರ್ಣ, ಜೋಕುಲಾಯಿನ ಸೂರ್ಯ ಸುವರ್ಣ, ಸುಭಾಷ್ ಸುವರ್ಣ, ದಿನೇಶ್ ಸುವರ್ಣ ಬೊಕ್ಕ ಯೋಗೀಶ್ ಸುವರ್ಣ ಪುಷ್ಪ ಅಂಜಲಿ ಅರ್ಪಿಸಾಯೆರ್