ಸರಳ ರೀತಿಡ್ ನಡಪರೆ ಉಪ್ಪುನ ಅನಿರುದ್ಧ ಸರಳತ್ತಾಯನ ಸನ್ಯಾಸ ಸ್ವೀಕಾರ ಬೊಕ್ಕ ಶಿರೂರು ಮಠದ ಯತಿಯಾದ್ ಪಟ್ಟಾಭಿಷೇಕ ಕಾರ್ಯಕ್ರಮ

ಓಡಿಪು , ಮೇ 10: ಶ್ರೀಲಕ್ಷ್ಮೀವರತೀರ್ಥ ಶ್ರೀಪಾದೆರ್ನ ನಿಧನಆದ್ ತೆರವಾಯಿನ ಉಡುಪಿ ಅಷ್ಟಮಠಟ್ ಒಂಜಾಯಿನ ಶಿರೂರು ಮಠಕ್ ಉತ್ತರಾಧಿಕಾರಿಯಾಗದ್ ನೇಮಕ ಆಯಿನ ಒಡಿಪುದ ಅನಿರುದ್ಧ ಸರಳತ್ತಾಯ (16)ನ ಸನ್ಯಾಸ ಸ್ವೀಕಾರ ಬೊಕ್ಕ ಶಿರೂರು ಮಠದ ಯತಿಯಾದ್ ಪಟ್ಟಾಭಿಷೇಕ ಕಾರ್ಯಕ್ರಮ ಮೇ 11ರ್ದ್ 14 ತಾರೀಖ್ ಮುಟ ಹಿರಿಯಡ್ಕ ಕೈತಲ್ ದ ಶಿರೂರು ಮೂಲಮಠಟ್ ನಡಪರೆ ಉಂಡು .

ಶಿರೂರು ಮಠಕ್ ಉತ್ತರಾಧಿಕಾರಿನ್ ನೇಮಿಸಾವುನ ಜವಾಬ್ದಾರಿ ಉಪ್ಪುನ ಶಿರೂರು ಮಠದ ದ್ವಂದ್ವ ಮಠವಾಯಿನ ಸೋದೆ ವಾದಿರಾಜ ಮಠದ ಶ್ರೀವಿಶ್ವವಲ್ಲಭ ತೀರ್ಥ ಶ್ರೀಪಾದೆರ್ ಈ ನಿರ್ಧಾರನ್ ದೆತೊನ್ದೆರ್ ಪಂದ್ ಶಿರೂರು ಮಠದ ವ್ಯವಸ್ಥಾಪಕೆರ್ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್ .