ಕುಡ್ಲ, ಮೇ 05 : ದಕ್ಷಿಣ ಕನ್ನಡ ಜಿಲ್ಲೆಡ್ ಕೊರೋನ ಸೋಂಕು ವ್ಯಾಪಕವಾದ್ ಪರಡೊಂದು ಉಂಡು , ರೋಗಿಲೆನ ಸಂಖ್ಯೆ ದಿನೇ ದಿನೇ ಜಾಸ್ತಿ ಆವೊಂದು ಉಂಡು . ಈ ನೆಲೆಟ್ಟ್ ‘ಮಂಗಳೂರು ಮಸ್ಜಿದ್ಸ್ ಅಸೋಸಿಯೇಶನ್’ ವತಿರ್ದ್ ಮಸೀದಿದ ಸ್ವಯಂ ಸೇವಕೆರೆಗ್ ಕೊರೋನ ನಿರ್ವಹಣೆದ ಬಗ್ಗೆ ತರಬೇತಿನ್ ಅಟ್ಟನೆ ಮಲ್ದೆರ್ .
ಈ ತರಬೇತಿಡ್ ಕೊರೋನ ಸೋಂಕು ನಿರ್ವಹಣೆಗ್ ಜಮಾಅತ್ ಹಂತಡ್ ಮಲ್ಪೊಡಾಯಿನ ಪೂರ್ವ ಸಿದ್ಧತೆಲು , ರೋಗಗ್ ಪ್ರಥಮ ಹಂತದ ಚಿಕಿತ್ಸೆಲು , ರೋಗಿಲು ಬೊಕ್ಕ ಅಕ್ಲೆನ ಸಂಬಂಧದಕ್ಲೆಗ್ ಎಂಚ ಕೌನ್ಸೆಲಿಂಗ್ ಮಲ್ಪೊಡು ? ಮಸೀದಿಡ್ ಕೋವಿಡ್ ಹೆಲ್ಪ್ ಲೈನ್ ಸುರು ಮಲ್ಪುನು ಎಂಚ ? ಇಂಚ ಕೊರೋನ ಸಂಕಷ್ಟನ್ ಸಮರ್ಥವಾದ್ ಎದುರಿಸಾವುನ ಬಗ್ಗೆ ಎಂಚ ತಯಾರ್ ಮಲ್ಪೊಡು ಪಂದ್ ತಜ್ಞ ವೈದ್ಯೆರ್ ಬೊಕ್ಕ ಆಪ್ತ ಸಮಾಲೋಚಕರೆರ್ದ್ ತರಬೇತಿ ಕೊರ್ಪ ಪಂದ್ ಪಂಡೆರ್ .
pallavi shetty