ಪುತ್ತೂರು, ಮೇ 01: ಕೋವಿಡ್ ಪಸರುನೆನ್ ತಡೆಯರೇ ಪ್ರತಿ ಒರಿಲಾ ಕಡ್ಡಾಯವಾದ್ ಮಾಸ್ಕ್ ಪಾಡೋಡು , ಅಂತರ ಕಾಪೋಡು ಪಂದ್ ಯೇತ್ ಪಂಡಲಾ ಜನಕುಲು ಕೆಬಿಕ್ ದೆತೊನೊಂದು ಇಜ್ಜೆರ್ ಆಂಡ ಪುತ್ತೂರು ಡು ಒರಿ ತನ್ನ ಮೋಕೆದ ಶ್ವಾನಗ್ಲಾ ಮಾಸ್ಕ್ ಪಾಡುನ ಮುಖೇನ ಜಾಗೃತಿದ ಸಂದೇಶ ಕೊರ್ತೆರ್ .
ಕೋವಿಡ್ ಕರ್ಫ್ಯೂ ಪೊರ್ತು ಕಾಂಡೆ 6 ಗಂಟೆರ್ದ್ 10 ಗಂಟೆ ಮುಟ ಅಗತ್ಯ ವಸ್ತುಲೆನ ಖರೀದಿಗ್ ಅವಕಾಶ ಕೊರ್ತೆರ್ , ಈ ಪೊರ್ತುಡು ಪುತ್ತೂರು ಪೇಂಟೆದ ದರ್ಬೆಡ್ ಪುತ್ತೂರು ನಗರ ಠಾಣೆದ ಪೊಲೀಸೆರ್ ಅನಗತ್ಯ ಓಡಾಟದ ವಾಹನಲೆನ್ ಉಂತಾವುನ ಸಲುವಾದ್ ವಾಹನ ತಪಾಸಣೆ ಮಲ್ತೊಂದು ಇತ್ತಿನ ಪೊರ್ತುಡು ದಿಚಕ್ರ ವಾಹನಡ್ ಇತ್ತಿನ ಶ್ವಾನಗ್ಲಾ ಮಾಸ್ಕ್ ಧಾರಣೆ ಮಲ್ದಿನ ತೊಜಿದ್ ಬತ್ತುಂಡು.
ದರ್ಬೆ ಪ್ರವೀಣ್ ಡ್ರೈವಿಂಗ್ ಸ್ಕೂಲ್ ಸಂಸ್ಥೆದ ಮಾಲೀಕೆರಾಯಿನ ಪ್ರವೀಣ್ ಡಿಸೋಜ ಮೇರ್ ತನ್ನ ರಡ್ಡರೆ ವರ್ಷ ಪ್ರಾಯದ ಶ್ವಾನದ ಮೋನೆಗ್ ಮಾಸ್ಕ್ ಪಾರ್ದಿನ ಶ್ಲಾಘನೀಯ.
Editorial