ಉಳ್ಳಾಲ ಸಮುದಾಯ ಆರೋಗ್ಯ ಕೇಂದ್ರಡ್ 50 ಆಕ್ಸಿಜನ್‌ ಬೆಡ್‌ ತಯಾರ್

ಉಳ್ಳಾಲ, ಎಪ್ರಿಲ್ 30 : ಕೋವಿಡ್‌ 2ನೇ ಆಲೆರ್ದ್ ಬೆಂಗಳೂರು ಸೇರಿನoಚ ಬೇತೆ ಬೇತೆ ಜಿಲ್ಲೆಡ್ ಆಕ್ಸಿಜನ್‌ ಕೊರತೆರ್ದ್ ಸೈಯೊಂದು ಉಪ್ಪುನಕ್ಲೆನ ಸಂಖ್ಯೆ ಜಾಸ್ತಿ ಆವೊಂದು ಉಂಡು . ಆಂಡ ದಕ್ಷಿಣ ಕನ್ನಡ ಜಿಲ್ಲೆಡ್ ಸರಕಾರ ಆಸ್ಪತ್ರೆ ಸೇರಿನಂಚ ಖಾಸಗಿ ವೈದ್ಯಕೀಯ ಆಸ್ಪತ್ರೆಲು ಜಾಸ್ತಿ ಆಯಿನ ಕಾರಣರ್ದ್ ಕೋವಿಡ್‌ ರೋಗಿಲೆಗ್ ಆಕ್ಸಿಜನ್‌ ಸಮಸ್ಯೆ ಜಾಸ್ತಿ ಆಪಿನ ಸಾಧ್ಯತೆ ಕಮ್ಮಿ . ಇಂಚಿನ ಸ್ಥಿತಿ ದುಂಬು ಬತ್ತುಂಡ ಉಳ್ಳಾಲ ತಾಲೂಕು ಆಸ್ಪತ್ರೆ ಆದ್ ಮೇಲ್ದರ್ಜೆಗ್ ಉಳ್ಳಾಲ ಸಮುದಾಯ ಆರೋಗ್ಯ ಕೇಂದ್ರಡ್ 50 ಆಕ್ಸಿಜನ್‌ ಬೆಡ್‌ಲೆನ್ ತುರ್ತು ಸ್ಥಿತಿಗಾದ್ ತಯಾರ್ ಮಲ್ದೆರ್ , ಸುರುಟ್ಟು 30 ಬೆಡ ತಯಾರ್ ಆತುಂಡು , ಅಂಗಾರೆ ಆರಂಭಿಕ ಪ್ರಾತ್ಯಕ್ಷಿತೆನ್ ಆಸ್ಪತ್ರೆಡ್ ನಡಪಾವೊಂದು ಉಲ್ಲೆರ್.

ಜಿಲ್ಲೆಡ್ ಸರಕಾರಿ ಆಸ್ಪತ್ರೆಲು , ವೈದ್ಯಕೀಯ ಕಾಲೇಜ್ ಆಸ್ಪತ್ರೆಲು , ಖಾಸಗಿ ಆಸ್ಪತ್ರೆಲು ಸೇರಿನಂಚ ಒಟ್ಟು 4,000 ಬೆಡ್‌ ಪೇಂಟೆಡ್ ಉಂಡು .