ಲಾಕ್‌ಡೌನ್-ಕರ್ಫ್ಯೂ ಡ್ ಜಿಲ್ಲಾಡಳಿತ ಪ್ರತ್ಯೇಕ ಪಾಸ್ ವ್ಯವಸ್ಥೆ ಇಜ್ಜಿ : ಡಾ.ರಾಜೇಂದ್ರ ಕೆ.ವಿ.

ಕುಡ್ಲ , ಎ.28: ಕೊರೋನ ನಿಯಂತ್ರಣ ಮಲ್ಪುನ ಸಲುವಾದ್ ರಾಜ್ಯಾದ್ಯಂತ ಮೇ 12 ನೇ ಕಾಂಡೆ 6 ಗಂಟೆ ಮುಟ ಲಾಕ್‌ಡೌನ್-ಕರ್ಫ್ಯೂ ಪಾಡ್ದೆರ್ . ಈ ಮಧ್ಯೆ ಅಗತ್ಯ ವಸ್ತುದ ಖರೀದಿಗ್ ಕಾಂಡೆ 6 ಗಂಟೆರ್ದ್ 10 ಗಂಟೆ ಮುಟ ಅವಕಾಶ ಕೊರ್ತೆರ್ . ತುರ್ತು ಆರೋಗ್ಯ ಸೇವೆ, ಮದಿಮೆದ ಲೇಸ್ ಡ್ ಪಾಲ್ ಪಡೆಯರೆ ಅಂಚನೇ ಪರೀಕ್ಷೆ ಹಾಜರಾಯಾರೆ ಜಿಲ್ಲಾಡಳಿತ ಪ್ರತ್ಯೇಕ ಪಾಸ್ ವ್ಯವಸ್ಥೆ ಮಲ್ದುಜಿ. ಪೂರಕ ದಾಖಲೆಪತ್ರದೊಟ್ಟುಗು ಪ್ರಯಾಣ ಮಲ್ಪರೆ ಅವಕಾಶ ಕೊರ್ತೆರ್ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ತೆರಿಪಾದೆರ್ .

ದ.ಕ.ಜಿಲ್ಲಾಧಿಕಾರಿ ಕಚೇರಿದ ಸಭಾಂಗಣಡ್ ಅಂಗಾರೆ ಸುದ್ದಿಗೋಷ್ಠಿಡ್ ಪಾತೆರಿನ ಮೇರ್ 14 ದಿನ ಕರ್ಪ್ಯೂ ಮಾರ್ಗಸೂಚಿಲು ಬೊಕ್ಕ ನಿರ್ಬಂಧಲು ಕಟ್ಟುನಿಟ್ಟಾದ್ ಅನುಷ್ಠಾನ ಆಯರೇ ಉಂಡು ಪಂದ್ ಪಂಡೆರ್ .