ಒಡಿಪುಡು ಐತಾರ ಶೂನ್ಯ ನಿರೆಲ್ದ ದಿನ ವೀಕ್ಷಣೆ

ಒಡಿಪು , ಎ.26: ಶೂನ್ಯ ನಿರೆಲ್ದ ದಿನನ್ ಕುಡ್ಲಡ್ ಎ24ಕ್ಕ್ ಮಧ್ಯಾಹ್ನ 12.28ಕ್ಕ್ ವೀಕ್ಷಣೆ ಮಲ್ತುಂಡ, ಒಡಿಪುಡು ಎ.25ಕ್ಕ್ ಮಧ್ಯಾಹ್ನ 12.29ಕ್ಕ್ ಒಡಿಪುದ ಪೂರ್ಣಪ್ರಜ್ಞ ಹವ್ಯಾಸಿ ಖಗೋಳ ವೀಕ್ಷಕೆರ್ನ ಸಂಘದ ಸದಸ್ಯೆರ್ ವೀಕ್ಷಣೆ ಮಲ್ತೆರ್.

ಈ ಶೂನ್ಯ ನಿರೆಲ್ದ ಕ್ಷಣನ್ ಕುಡ್ಲರ್ದ್ 12.15ರ್ದ್12.35 ಮುಟ ಯೂ ಟ್ಯೂಬ್ ಚಾನೆಲ್ ಬೊಕ್ಕ ಒಡಿಪುರ್ದು ಫೇಸ್ಬುಕ್ ಪೇಜ್ ದ್ ಸೀದಾ ಪ್ರಸಾರ ಮಲ್ತೆರ್.ಕುಂದಾಪುರ ಬೊಕ್ಕ ಬ್ರಹ್ಮಾವರದ ಜನಕುಲು ಈ ವಿದ್ಯಮಾನನ್ ಏಪ್ರಿಲ್ 26ಕ್ಕ್ 12.20 ರ್ದ್ 12.30ತ ಉಲಯಿ ತೂವೊಲಿ ಪಂದ್ ಸಂಘ ತೆರಿಪಾದುಂಡು..