ಲಸಿಕೆರ್ದ್ ದುಂಬಾವಡ್ ನೆತ್ತೆರ್ ದಾನ

ಆಸ್ಪತ್ರೆಲೆಡ್ ನೆತ್ತೆರ್ ದ ಅಗತ್ಯ ಪೂರೈಸುನ ಬಗ್ಗೆ ಆರೋಗ್ಯವಂತ ನಾಗರಿಕೆರ್ ಲಸಿಕೆ ದೆತೊನುನ ದುಂಬೇ ನೆತ್ತೆರ್ ದಾನ ಮಲ್ಪುಲೇ ಪಂದ್ ಈ ಮುಖೇನ ಬಿನ್ನಾಪು ಮಲ್ತೊಂದು ಉಲ್ಲ.

ಕೇಂದ್ರ ಸರಕಾರ ಕೋವಿಡ್ 19ರ ನಿಯಂತ್ರಣದ ನೆಲೆಟ್ಟ್ ಮೇ 1 ತಾರೀಖ್ ರ್ದ್ 18 ವರ್ಷ ಮಿತ್ತ್ ದ ಮಾತೆರೆಗ್ಲಾ ಕೋವಿಡ್ ನಿರೋಧಕ ಲಸಿಕೆ ದೆತೊನೆರೆ ಮುಕ್ತ ಅವಕಾಶ ಕೊರ್ತೆರ್ . ಸರಕಾರರ್ದ್ ಕೋವಿಡ್ ನಿಯಂತ್ರಣಗ್ ಉಂದೊಂಜಿ ಮಾಮಲ್ಲ ಪಜ್ಜೆ ಆತ್oಡ್.ಕೋವಿಡ್ ನಿರೋಧಕ ಲಸಿಕೆ ಅಭಿಯಾನ ಮೇ 1ರ್ದ್ 18ರ್ದ್ 45 ವರ್ಷದಕ್ಲೆಗಾದ್ ಸುರು ಆಪುಂಡು . ರಾಷ್ಟ್ರಿಯ ರಕ್ತ ಸಂಚರಣ ಪರಿಷತ್ (ಎಬಿಟಿಸಿ) ಪ್ರಕಾರ ಒವ್ವೆ ಲಸಿಕೆ ದೆತೊoಡಿನ ನಾಲ್ ವಾರ ಮುಟ್ಟ ನೆತ್ತೆರ್ ದಾನ ಮಲ್ಪರೆ ಅವಕಾಶ ಇಜ್ಜಿ. ಕೋವಿಡ್ ಲಸಿಕೆ ರಡ್ಡ್ ಹಂತಡ್ ಪಡೆಯೊಡು. ಈ ಹಂತಡ್ ದೇಶಡ್ ನೆತ್ತೆರ್ ದ ಕೊರತೆ ಆಪಿನ ಬಾರಿ ಎಚ್ಚದ ಸಾಧ್ಯತೆ ಉಂಡು. ಕೊರೊನಾ ಪೋಡಿಗೆಡ್ ದುಂಬೇ ರಕ್ತದಾನಿಲೆನ ಕೊರತೆ ಉಂಡು .ಈ ನೆಲೆಟ್ಟ್ 18 ವರ್ಷ ಮಿತ್ತ್ ಪ್ರಾಯದ ಜವನ್ಯೆರ್ ಆಯಿನಾತ್ ಮಲ್ಲ ಮಟ್ಟ್ ಡ್ ನೆತ್ತೆರ್ ದಾನ ಮಲ್ಪುಲೇ.

ಸಮುದಾಯ ಮನಸ್ ಮಲ್ತುಂಡ ಜೀವ ಒರಿಪಾವೊಲಿ . ಲಸಿಕೆರ್ದ್ ದುಂಬು ನೆತ್ತೆರ್ ದಾನ ಮಲ್ತ್ ಜೀವ ಒರಿಪಾಯರೇ ಕೈ ಜೋಡಾಲೆ.