ಕುಡ್ಲ ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಸೆ.144 ಜಾರಿ

ಕುಡ್ಲ , ಎ.22: ಕೊರೋನ ಸೋಂಕು ಪರಡುನೆನ್ ಉಂತಾವುನ ಸಲುವಾದ್ ಅಂಚನೇ ಸಾರ್ವಜನಿಕೆರ್ನ ಆರೋಗ್ಯದ ಹಿತದೃಷ್ಟಿರ್ದ್ ರಾಜ್ಯ ಸರಕಾರ ಕೊರಿನ ಆದೇಶಗ್ ಪೂರಕವಾದ್ ಕುಡ್ಲ ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಸೆ.144 ಜಾರಿ ಮಲ್ಪೊಡು ಪಂದ್ ಪೊಲೀಸ್ ಕಮಿಷನರ್ ಶಶಿಕುಮಾರ್ ಆದೇಶ ಕೊರ್ತೆರ್ .

ಎ.21ರ್ದ್ ರಾತ್ರಿ 9 ಗಂಟೆರ್ದ್ ಮೇ 4 ಮುಟ ಪಂಡ ನನ ದುಂಬುದ ರಡ್ಡ್ ವಾರ ಪ್ರತಿ ದಿನ ರಾತ್ರಿ 9 ಗಂಟೆರ್ದ್ ಕಾಂಡೆ 6ಗಂಟೆ ಮುಟ ರಾತ್ರಿ ನಿಷೇಧಾಜ್ಞೆನ್ ಅಂಚನೇ ಪ್ರತಿ ಶುಕ್ರವಾರ ರಾತ್ರಿ 9 ಗಂಟೆರ್ದ್ ಸೋಮವಾರ ಕಾಂಡೆ 6 ಗಂಟೆ ವಾರಂತ್ಯದ ಸಂಪೂರ್ಣ ನಿಷೇಧಾಜ್ಞೆ ಪಾಡ್ದೆರ್ .