ಒಡಿಪು , ಎ.21: ಸಂವಿಧಾನ ಶಿಲ್ಪಿ, ಭಾರತ ರತ್ನ ಡಾ.ಬಿ.ಆರ್. ಅಂಬೇಡ್ಕರ್ ಮೆರ್ನ 130ನೇ ಪುಟ್ಟು ಪರ್ಬದ ಪ್ರಯುಕ್ತ ಕೆಮ್ಮಣ್ಣು ಗ್ರಾಪಂ ವತಿರ್ದ್ ಸ್ವಚ್ಛತಾ ಕಾರ್ಯ ಬೊಕ್ಕ ಭಾರತ ಭಾಗ್ಯವಿಧಾತ ಚಿತ್ರ ಪ್ರದರ್ಶನನ್ ಅಟ್ಟನೆ ಮಲ್ತಿತ್ತೆರ್ .
ಕಚೇರಿಡ್ ಗ್ರಾಪಂ ಗುರ್ಕಾರ್ದಿ ಲತಾ, ಅಂಬೇಡ್ಕರ್ ಭಾವಚಿತ್ರಗ್ ತುಡರ್ ಅರ್ಲಾದ್ ಪುಷ್ಪ ನಮನ ಮಲ್ತೆರ್ . ಈ ಪೊರ್ತುಡು ಗ್ರಾಪಂ ಒತ್ತುಗುರ್ಕಾದಿ ಆಯಿನ ನಿತ್ಯಾನಂದ ಕೆಮ್ಮಣ್ಣು, ಸದಸ್ಯಯೆರಾಯಿನ ಆಶಾ, ಕುಸುಮ ಬೊಕ್ಕ ಮಹಮ್ಮದ್ ಇದ್ರೀಸ್, ಸಂವಿಧಾನದ ಮಹತ್ವ ಬೊಕ್ಕ ಅಂಬೇಡ್ಕರ್ ಬಗ್ಗೆ ಪಾತೆರಿಯೆರ್.
ಗ್ರಾಪಂ ಸದಸ್ಯೆರಾಯಿನ ವಿಜಯ, ಪ್ರಶಾಂತ್ ಕೆಮ್ಮಣ್ಣು, ಪುರಂದರ ಟಿ. ಕುಂದರ್, ಯಶೋದಾ, ವತ್ಸಲ ವಿನೋದ್, ಮುಮ್ತಾಜ್, ಮಾಜಿ ಉಪಾಧ್ಯಕ್ಷ ಉಸ್ತಾದ್ ಸಾದಿಕ್, ಗ್ರಾಪಂ ಸಿಬ್ಬಂದಿಲಾಯಿನ ಶಾಂತ, ಪೂರ್ಣಿಮಾ, ದೀಕ್ಷಿತಾ, ಸಂತೋಷ್ ಪಾಲ್ ಪಡೆದಿತ್ತೆರ್ .
pallavi shetty