ಒಡಿಪು , ಎ.16: ಒಡಿಪು ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಒಟ್ಟು ಸೇರಿಗೆಡ್ ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಒಡಿಪು ಶಾಖೆದ ಒಟ್ಟು ಸೇರಿಗೆಡ್ ಪ್ರತಿದಿನ ಇಲ್ಲ ಇಲ್ಲಗ್ ಪತ್ರಿಕೆನ್ ಪಟ್ಟುನ ಬಡ ಪತ್ರಿಕಾ ವಿತರಕೆರೆಗ್ ಆಹಾರ ಕಿಟ್ ವಿತರಣಾ ಲೇಸ್ ಗುರುವಾರ ಒಡಿಪುದ ಪತ್ರಿಕಾ ಭವನಡ್ ನಡತ್oಡ್ .
ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆಯಿನ ಒಡಿಪು ಜಿಲ್ಲಾಧಿಕಾರಿ ಜಿ.ಜಗದೀಶ್ ಸಾಂಕೇತಿಕವಾದ್ ಕಿಟ್ಲೆನ್ ಪಟ್ಟಿಯೆರ್.ಒಡಿಪು ಜಿಲ್ಲೆದ ಒಟ್ಟು 40 ಜನ ಬಡ ಫಲಾನುಭವಿಲೆಗ್ ಆಹಾರ ಕಿಟ್ಲೆನ್ ಇಂದುವೇ ಪೊರ್ತುಡು ಕೊರಿಯೆರ್.
ಲೇಸ್ ದ ಗುರ್ಕಾರ್ಮೆನ್ ಜಿಲ್ಲಾ ಕಾರ್ಯನಿರತ ಪತ್ರಕರ್ತೆರ್ನ ಸಂಘದ ಗುರ್ಕಾರ್ಲಾಯಿನ ಅಲೆವೂರು ರಾಜೇಶ್ ಶೆಟ್ಟಿ ಪಾಲ್ ಪಡೆದಿತ್ತೆರ್ . ಈ ಪೊರ್ತುಡು ಮಲಬಾರ್ ಗೋಲ್ಡ್ ಆ್ಯಂಡ್ ಡೈಮಂಡ್ಸ್ ಒಡಿಪು ಶಾಖೆದ ಗುರ್ಕಾರ್ಲಾಯಿನ ಹಫೀಝ್ ರೆಹಮಾನ್, ಗೆಸ್ಟ್ ರಿಲೇಷನ್ ಮೆನೇಜರ್ ರಾಘವೇಂದ್ರ ನಾಯಕ್, ತಂಝೀಮ್ ಶಿರ್ವ, ಪ್ರೆಸ್ಕ್ಲಬ್ ಸಂಚಾಲಕೆರಾಯಿನ ಸುಬಾಷ್ ಚಂದ್ರ ವಾಗ್ಳೆ ಪಾಲ್ ಪಡೆದಿತ್ತೆರ್ .
ಸಂಘದ ಪ್ರಧಾನ ಕಾರ್ಯದರ್ಶಿ ನಝೀರ್ ಪೊಲ್ಯ ಎದುಕೊಂಡೆರ್ . ಕೋಶಾಧಿಕಾರಿ ಉಮೇಶ್ ಮಾರ್ಪಳ್ಳಿ ಸೊಲ್ಮೆ ಸಂದೈತ ಮಲ್ತೆರ್ . ಚೇತನ್ ಮಟಪಾಡಿ ಲೇಸ್ ನಡಪಾದ್ ಕೊರಿಯೆರ್.
pallavi shetty