ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ ಬೊಕ್ಕ ಸ್ನೇಹಿತ ಯುವ ಸಂಘ ಕಾನಂಗಿ ಮೆಕ್ಲೆನ ಒಟ್ಟು ಸೇರಿಗೆಡ್ ಬೃಹತ್ ಚಿತ್ರಕಲಾ ಪಂತೋ ಬೊಕ್ಕ  ಪೆರಿಯ ಚಿತ್ರ ಕಲಾವಿದೆರೆಗ್ ಮಾನಾದಿಗೆ

ಒಡಿಪು, ಎಪ್ರಿಲ್ 13: ಒಡಿಪು ನಗರಸಭೆತ ಕೊಡವೂರು ವಾರ್ಡ್ದ ನಗರಸಭಾ ಸದಸ್ಯೆರಾಯಿನ ಶ್ರೀಯುತ ವಿಜಯ್ ಕೊಡವೂರು ಮೆರ್ನ ಮುತಾಲಿಕೆಡ್ ಕೈತಲ್ ದ ಸಂಘ ಸಂಸ್ಥೆಲೆನ್ ಒಟ್ಟು ಸೇರಾದ್ ಅವ್ವೆತೋ ಜನಪರ ಕಾರ್ಯಕ್ರಮಲು ನಿರಂತರವಾದ್ ನಡತೊಂದು ಬೈದುಂಡು, ಬೇತೆ ಬೇತೆ ಕ್ಷೇತ್ರಡ್ ಸಾಧಕೆರೆನ್ ಗುರ್ತಿಸಾವುನ ಕಾರ್ಯ ನಡತೊಂದು ಉಂಡು , ಈ ನೆಲೆಟ್ಟ್ ಇತ್ತೆ , ವೈದ್ಯೆರ್ , ಶಿಕ್ಷಕೆರ್ ,ಇಂಜಿನೀಯರ್ ನಕುಲು , ಕೃಷಿಕೆರ್ , ಜೋಕುಲು , ಗೋ ಸಾಂಕುನಕುಲು,ಕಾರ್ಮಿಕೆರ್ ಇಂಚ ಬೇತೆ ಬೇತೆ ದಿನತಾನಿ ಮೆಕ್ಲೆನ್ ಗುರ್ತಿಸಾದ್ ಮನಾದಿಗೆ ಮಲ್ಪುನೆತ್ತ ಒಟ್ಟುಗು ಜೋಕ್ಲೆಗ್ ಪ್ಲಾಸ್ಟಿಕ್ ರ್ದ್ ಇಕೋ ಬ್ರಿಕ್ಸ್ ಲೆನ್ ತಯಾರ್ ಮಲ್ಪುನ ಕಾರ್ಯಗಾರ ಮಕ್ಕಳ ಹಕ್ಕು ಕಾರ್ಯ ಕ್ರಮ, ವಿಕಲಾಂಗೆರೆನ್ ಬೊಕ್ಕ ಅಶಕ್ತರೆನ್ ಗುರ್ತಿಸಾದ್ ಸಹಾಯ ಹಸ್ತ ಕೊರ್ಪಿನ ಕಾರ್ಯಕ್ರಮ ನಡತೊಂದು ಉಂಡು .

ಅಂಚನೇ , ಕೊಡವೂರು ವಾರ್ಡ್ ಅಭಿವೃದ್ದಿ ಸಮಿತಿ ಬೊಕ್ಕ ಸ್ನೇಹಿತ ಯುವ ಸಂಘ ಕಾನಂಗಿ ಮೆಕ್ಲೆನ ಒಟ್ಟು ಸೇರಿಗೆಡ್ ಚಂದ್ರಚಿತ್ರ ಮೆರ್ನ ಮಾರ್ಗದರ್ಶನಡ್ ಬೃಹತ್ ಚಿತ್ರಕಲಾ ಸ್ಪರ್ಧೆ ಬೊಕ್ಕ ಪೆರಿಯ ಚಿತ್ರ ಕಲಾವಿದೆರೆಗ್ ಮಾನದಿಗೆ ಮಲ್ಪುನ ಲೇಸ್ ಕೊಡವೂರುದ ಮುಖ್ಯಪೇಂಟೆಡ್ ನಡತುಂಡು.

ಬಾರಿ ವಿನೂತನವಾದ್ ನಡತಿನ ಈ ಲೇಸ್ ಡ್ ಮುಖ್ಯ ರಸ್ತೆಯ ಇಕ್ಕೆಲದ ಪರಾ ಕಟ್ಟಡ ದ ಗೋಡೆಲು , ಕಂಪೌಂಡ್ ವಾಲ್, ಬೊಕ್ಕ ವಿದ್ಯುತ್ ಕಂಬಡ್ ಚಿತ್ರಕಲಾ ಸ್ಪರ್ದಿಲು ನಮ್ಮ ಕಲೆ, ಸಂಸ್ಕೃತಿ, ಪರಿಸರಗ್ ಸಂಬಂಧ ಪಟ್ಟಿನ ಬಣ್ಣ ಬಣ್ಣದ ಚಿತ್ತಾರಲೆನ್ ಬುಡ್ಪಾದ್ ಲೇಸ್ ನಡಪಾದ್ ಕೊರಿಯೆರ್ ಕೈತಲ್ ದ ಸ್ಪರ್ದಿಲೆನ ಒಟ್ಟುಗು ಧರ್ಮಸ್ಥಳ, ಕೋಟೇಶ್ವರ, ಬ್ರಹ್ಮಾವರ, ಕಾಪು, ಉಡುಪಿ ಇಂಚ ದೂರದ ಊರುರ್ದು ಬೈದಿನ 10 ವರ್ಷ ಪ್ರಾಯದ ಜೋಕ್ಲೆನೆರ್ದ್ ಪತ್ತಿನ 15 ವರ್ಷ ರ್ದ್ ಜಾಸ್ತಿ ಪ್ರಾಯದ ಪಂತಾರ್ತಿಲು ಬಾರಿ ಕುಸಿಟ್ ಪಾಲ್ ಪಡೆಯೆರ್.

ಕೈತಲ್ ದ ಅಂಗಡಿ ಮಾಲಕೆರ್ ಪಂತಾರ್ತಿಲೆಗ್ ಫಲಜೂಸ್ , ಐಸ್ ಕ್ರೀಮ್, ಚಾಕೋಲೇಟ್ ಕೊರ್ದು ಪ್ರೋತ್ಸಾಹ ಕೊರಿಯೆರ್ . ಕೈತಲ್ ದ ಮಹಾಗಣಪತಿ ಪೈಂಟಿಂಗ್ ಕಾಂಟ್ರಾಕ್ಟರ್ ಸುರೇಶ್ ಮೇರ್ ನೆಕ್ಕ್ ಬೋಡಾಯಿನ ಪೈಂಟ್ ದ ವ್ಯವಸ್ಥೆನ್ ಮಲ್ತೆರ್ , ಪಂತಾರ್ತಿಲೆಗ್ ಉಪಹಾರ ಬೊಕ್ಕ ವನಸ್ ದ ವ್ಯವಸ್ಥೆನ್ ಮಲ್ತಿತ್ತೆರ್.ಬೈಯ್ಯ ನಡತಿನ ಮುಗಿತಲದ ಲೇಸ್ ಡ್ ಪೆರಿಯ ಚಿತ್ರ ಕಲಾವಿದೆರೆಗ್ ಮಾನದಿಗೆ ಮಲ್ತ್ ದ್, ಮಾತಾ ಪಂತಾರ್ತಿಲೆಗ್ ಸ್ಮರಣಿಕೆ ಕೊರ್ದು , ಗೆಂದಿನಕ್ಲೆಗ್ ಮನಾದಿಗೆ ಮಲ್ತೆರ್.