ಒಡಿಪು , ಎ.3: ನಿವೃತ್ತ ಪೊಲೀಸೆರೆಗ್ ಪೇಂಟೆದ ಪ್ರಮುಖ ಆಸ್ಪತ್ರೆಡ್ ಆರೋಗ್ಯ ಭಾಗ್ಯ ಯೋಜನೆದ ಪ್ರಯೋಜನ ತಿಕ್ಕೊಡು ಪಂದ್ ಸಶಸ್ತ್ರ ಮೀಸಲು ಪಡೆತ ನಿವೃತ್ತ ಸಹಾಯಕ ಪೊಲೀಸ್ ಉಪನಿರೀಕ್ಷಕೆರಾಯಿನ ಎ. ಚಂದ್ರಶೇಖರ್ ಪಂಡೆರ್ .
ಶುಕ್ರವಾರ ಪೇಂಟೆದ ಪೊಲೀಸ್ ಕವಾಯತು ಮೈದಾನ (ಚಂದು ಮೈದಾನ)ಡ್ ಉಡುಪಿ ಜಿಲ್ಲಾ ಪೊಲೀಸ್ ಇಲಾಖೆರ್ದ್ ನಡತಿನ ಕರ್ನಾಟಕ ರಾಜ್ಯ ಪೊಲೀಸ್ ಧ್ವಜ ದಿನಾಚರಣೆಡ್ ಮಲ್ಲ ಬಿನ್ನೆರ್ ಆದ್ ಪಾಲ್ ಪಡೆದ್ ಮಾನದಿಗೆ ದೆತೊಂದು ಪಾತೆರಿಯೆರ್.
ನಿವೃತ್ತ ಪೊಲೀಸೆರೆಗ್ ಆರೋಗ್ಯ ಭಾಗ್ಯ ಯೋಜನೆ ಕೆಲವು ನಿಗದಿತ ಆಸ್ಪತ್ರೆಡ್ ಮಾತ್ರ ಚಿಕಿತ್ಸೆ ತಿಕ್ಕೊಂದು ಉಂಡು , ಆಂಡ ಮಾತಾ ಆಸ್ಪತ್ರೆಡ್ ಲಾ ಚಿಕಿತ್ಸೆ ಬೋಡು ಪಂಡ ಅವು ಸಾಧ್ಯ ಇಜ್ಜಿ ಈ ನೆಲೆಟ್ಟ್ ಪೊಲೀಸ್ ವರಿಷ್ಠಾಧಿಕಾರಿಲು ಗಮನ ಕೊರೊಡು ಪಂದ್ ಚಂದ್ರಶೇಖರ್ ಬಿನ್ನಾಪು ಮಲ್ತೆರ್.
pallavi shetty