ಅಸ್ಮತ್‌ ಶರ್ಮೀನ್‌ ಟಿ.ಎಸ್‌. ಗ್ ಸಿವಿಲ್‌ ಎಂಜಿನಿಯರಿಂಗ್‌ಡ್ ಸುರುತ್ತ ರ್‍ಯಾಂಕ್‌

ಕುಡ್ಲ ಎಪ್ರಿಲ್ 02: ಬೆಳಗಾವಿದ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾನಿಲಯ ನಡಪಾಯಿನ ಪರೀಕ್ಷೆಡ್ ಸಹ್ಯಾದ್ರಿ ಕಾಲೇಜ್‌ ಆಫ್‌ ಎಂಜಿನಿಯರಿಂಗ್‌ ಬೊಕ್ಕ ಮ್ಯಾನೇಜ್‌ಮೆಂಟ್‌ದ ಅಸ್ಮತ್‌ ಶರ್ಮೀನ್‌ ಟಿ.ಎಸ್‌. ಮೇರ್ ಸಿವಿಲ್‌ ಎಂಜಿನಿಯರಿಂಗ್‌ಡ್ ಸುರುತ್ತ ರ್‍ಯಾಂಕ್‌ ಪಡೆತೆರ್ .

9.42ರ ಸಿಜಿಪಿಎ ದೆತೊoದಿನ ಅಸ್ಮತ್‌ ಒಟ್ಟು 13 ಬಂಗಾರ್ದ ಪದಕ ಪಡೆತೆರ್ . ಎ.3 ತಾರೀಖ್ ಗ್ ಬೆಳಗಾವಿದ ವಿಟಿಯುಡು ನಡಪುನ ಘಟಿಕೋತ್ಸವಡ್ ಮೇರ್ ಕುಲಾಧಿಪತಿ ವಜುಭಾಸಿ ವಾಲಾ ಮೆರೆರ್ದ್ ಪದವಿ ಬೊಕ್ಕ ಪದಕ ಪಡೆಯರೆ ಉಲ್ಲೆರ್ .

ಬೆಳಗಾವಿದ ವಿಟಿಯು 203 ಅಂಗಸಂಸ್ಥೆಡ್ ಸಿವಿಲ್‌ ಎಂಜಿನಿಯರಿಂಗ್‌ಡ್ ಸುರುತ ಸ್ಥಾನ ಪಡೆಯುನ ಮುಖೇನ ಅಸ್ಮತ್‌ ಸಹ್ಯಾದ್ರಿ ಕಾಲೇಜ್‌ ಆಫ್‌ ಎಂಜಿನಿಯರಿಂಗ್‌ ಬೊಕ್ಕ ಮ್ಯಾನೇಜ್‌ಮೆಂಟ್‌ಗ್ ಮಾನದಿಗೆ ಕಂದೆರ್.