ಬೆಳ್ತಂಗಡಿ: ಲಾಯಿಲ ಗ್ರಾಮ ಪಂಚಾಯಿತಿ ಚುನಾವಣೆಡ್ ಪಕ್ಷೇತರ ಅಭ್ಯರ್ಥಿಯಾದ್ ಆಯ್ಕೆಯಾಯಿನ ಪ್ರಸಾದ್ ಶೆಟ್ಟಿ ಎಣಿಂಜೆ ಮೆರೆಗ್ ತುಳುನಾಡ್ ಒಕ್ಕೂಟದ ವತಿರ್ದ್ ಮಾನದಿಗೆ ಮಲ್ತೆರ್ . ಈ ಪೊರ್ತುಡು ತುಳುನಾಡ್ ಒಕ್ಕೂಟದ ಸ್ಥಾಪಕಾಧ್ಯಕ್ಷೇರಾಯಿನ ಶೈಲೇಶ್ ಆರ್. ಜೆ. ಪಾತೆರ್ದ್ ತುಳುನಾಡ್ ಒಕ್ಕೂಟ ಕೇಂದ್ರ ಸಮಿತಿದ ಕಾರ್ಯದರ್ಶಿಯಾದಿತ್ತಿನ ಪ್ರಸಾದ್ ಮೆರ್ನ ಕೊಡುಗೆ ಬಾರಿ ಸಂಘಟನಾತ್ಮಕವಾದ್ ಬೇಲೆ ಮಲ್ತ್ ದ್ ತುಳುನಾಡ್ ಒಕ್ಕೂಟ ಬುಳೆಯರೆ ಕಾರಣಕರ್ತೆರಾತೆರ್ ಆತೇ ಅತ್ತoದೆ ತುಳುನಾಡ್ದ ನೆಲ ಜಲ ಭಾಷೆದ ಬಗ್ಗೆ ನಡತಿನ ಹೋರಾಟಡ್ ಮಲ್ಲ ಪಾತ್ರ ವಹಿಸೊಂದೆರ್. ಮೇರ್ ಇತ್ತೆ ಲಾಯಿಲ ಗ್ರಾಮ ಪಂಚಾಯತ್ ಪಕ್ಷೇತರ ಅಭ್ಯರ್ಥಿಯಾದ್ ಆಯ್ಕೆಯಾತಿನವು ನಮಕ್ ಪೆರ್ಮೆದ ವಿಚಾರ, ನನ ದುಂಬುಗುಲ ತುಳುತ ಪರವಾದ್ ಚಿಂತನೆ ಮಲ್ಪುನ ಮುಖೇನ ಮೂಲಕ ತುಳುನಾಡ್ ದ ಅಭಿವೃದ್ಧಿಗ್ ಬೆನ್ಪಿಲಕ ಆವಡ್ ಪಂದ್ ಪಂಡೆರ್.
ಮಾನದಿಗೆ ದೆತೊಂದು ಪಾತೆರಿನ
ಪ್ರಸಾದ್ ಶೆಟ್ಟಿ ಎಣಿಂಜೆ ತುಳುನಾಡ್ ಒಕ್ಕೂಟ ನೀಡಿದ ಈ ಮಾನದಿಗೆಗ್ ತಾನ್ ಚಿರ ಋಣಿ ನನ ದುಂಬುಗುಲ ತುಳುಪರ ಚಿಂತನೆಲೆನ್ ಮಳ್ತೊಂದು ತುಳುನಾಡ್ ಒಕ್ಕೂಟದ ಲೇಸ್ ಗ್ ಏಪಲಾ ಬೆರಿ ಸಹಾಯ ಕೊರ್ಪೆ ಪಂದ್ ಪಂಡೆರ್.ಈ ಪೊರ್ತುಡು ತುಳುನಾಡ್ ಒಕ್ಕೂಟ ಬೆಳ್ತಂಗಡಿ ತಾಲ್ಲೂಕು ಸಮಿತಿ ಗುರ್ಕಾರ್ಲಾಯಿನ ಸುರೇಂದ್ರ ಕೋಟ್ಯಾನ್, ಕಾನೂನು ಸಲಹೆಗಾರರಾಯಿನ ವಕೀಲ ಪ್ರಶಾಂತ್ ಎಂ., ವಕೀಲ ನವೀನ್ ಬಿ.ಕೆ., ವಕೀಲ ಸತೀಶ್ ಪಿ. ಎಸ್., ಕೇಂದ್ರೀಯ ಘಟಕದ ಪ್ರಧಾನ ಕಾರ್ಯದರ್ಶಿ ವಿನ್ಸೆಂಟ್ ಲೋಬೋ, ತಾಲೂಕು ಘಟಕದ ಪ್ರಧಾನ ಕಾರ್ಯದರ್ಶಿ ರಾಜು ಬಿ.ಎಚ್. , ಕೇಂದ್ರೀಯ ಘಟಕದ ಜೊತೆ ಕಾರ್ಯದರ್ಶಿ ಜಿ. ವಿ. ಹರೀಶ್, ರಾಜೇಶ್ ಕುಲಾಲ್, ನವೀನ್ ಪೂಜಾರಿ ಅಡ್ಕದ ಬೈಲ್ ಸೇರಿನಂಚ ಸಂಘಟನೆದ ಕಾರ್ಯಕರ್ತೆರ್ ಪಾಲ್ ಪಡೆದಿತ್ತೆರ್.
pallavi shetty