February 27, 2021

ಪಂಜ ಶ್ರೀ ಪರಿವಾರ ಪಂಚಲಿಂಗೇಶ್ವರ ದೇವಾಲಯ- ಶ್ರೀ ಆದಿ ಬೈದರ್ಲೆನ ನೇಮೋತ್ಸವ ಸಂಪನ್ನ

Feb 27, 2021

ಪಂಜ ಸೀಮೆದ ಶ್ರೀ ಪರಿವಾರ ಪಂಚಲಿಂಗೇಶ್ವರ ದೇವಾಲಯದ ಗರಡಿಡ್ ಫೆ.26 ತಾರೀಖ್ ಗ್ ರಾತ್ರಿ ಶ್ರೀ ಆದಿ ಬೈದೆರ್ಲೆನ ನೇಮೋತ್ಸವ ನಡತುಂಡು .

ಈ ಪೊರ್ತುಡು ದೇವಳದ ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲಾಯಿನ ಪದ್ಮನಾಭ ರೈ ಅಗೋಳಿ ಬೈಲುಗುತ್ತು, ಮಾಜಿ ಆಡಳಿತಾಧಿಕಾರಿ ಡಾ.ದೇವಿಪ್ರಸಾದ್ ಕಾನತ್ತೂರ್, ವ್ಯವಸ್ಥಾಪನಾ ಸಮಿತಿ ಸದಸ್ಯರಾಯಿನ ಬಾಲಕೃಷ್ಣ ಗೌಡ ಕುದ್ವ, ನಾರಾಯಣ ಗೌಡ ಕೋರ್ಜೆ, ದಿನೇಶ್ ಗರಡಿ, ಶಂಕರ್ ಕುಮಾರ್, ಲಕ್ಷ್ಮಣ ಗೌಡ ಆಕ್ರಿಕಟ್ಟೆ, ರಾಮಚಂದ್ರ ಭಟ್, ಶ್ರೀಮತಿ ಸೌಮ್ಯ ಪಿ ಆರ್, ಶ್ರೀಮತಿ ರೋಹಿಣಿ ಆರ್ನೋಜಿ ಅಂಚನೇ ಸೀಮೆದ ಭಕ್ತೆರ್ ಪಾಲ್ ಪಡೆದಿತ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ – 93 ಸಿಸಿಟಿವಿ ಕ್ಯಾಮೆರಾಡ್ , ಐನ್ ಮಾತ್ರ ಕಾರ್ಯನಿರ್ವಹಣೆ

Feb 27, 2021

ಕುಡ್ಲ , ಫೆಬ್ರವರಿ27: ಕರಿನ ವರ್ಷ ಟ್ರಾಫಿಕ್ ಪೊಲೀಸೆರ್ ಅಳವಡಿಕೆ ಮಲ್ತಿನ 93 ಸಿಸಿಟಿವಿ ಕ್ಯಾಮೆರಾಡ್ , ಐನ್ ಮಾತ್ರ ಇತ್ತೆ ಕಾರ್ಯ ನಿರ್ವಹಣೆ ಮಲ್ತೊಂದು ಉಂಡು .

ಪೊಲೀಸ್ ಅಧಿಕಾರಿಲೆ ಕ್ಯಾಮೆರಾದ ಕಾರ್ಯನಿರ್ವಹಣೆ ಪರಿಶೀಲನೆ ಮಲ್ತಿ ಬೊಕ್ಕ ಈ ಕ್ಯಾಮೆರಾದ ವಾರ್ಷಿಕ ನಿರ್ವಹಣೆಗ್ ಒವ್ವೆ ಕ್ರಮ ಇಜ್ಜಿ ಪಂದ್ ತೆರಿ ಬೊಕ್ಕ ಈ ಇಚಾರ ತೆರಿದ್ ಬೈದುಂಡು.

ಆಯುಕ್ತೆರ್ ಈ ವಿಷಗ್ ಇಚಾರ ಆಯಾ ಗುತ್ತಿಗೆದಾರೆರೆಗ್ ಪತ್ರ ಬರೆತೆರ್ .ಕ್ಯಾಮೆರ ಸೆರೆ ಪತ್ತಿನ ಚಿತ್ರ ಪಗೆಲ್ ಡ್ ಅಸ್ಪಷ್ಟವಾದ್ ತೋಜೊನ್ದು ಉಂಡು ಅಂಚನೇ ರಾತ್ರಿಡ್ ಕ್ಯಾಮೆರ ಒವ್ವೆ ಚಿತ್ರ ಸೆರೆ ಪತ್ತರೆ ಸಾಧ್ಯ ಆತುಜಿ ಪಂದ್ ಅಧಿಕಾರಿಲು ಇಂಚೋಗು ನಡತಿನ ಪರಿಶೀಲನೆಡ್ ತೋಜಿದ್ ಬೈದುಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕರ್ನಾಟಕ ಬಾಲವಿಕಾಸ ಅಕಾಡೆಮಿದ ಗೌರವ ಪ್ರಶಸ್ತಿ ಪ್ರಧಾನ

Feb 27, 2021

ಧಾರವಾಡ : ಕರ್ನಾಟಕ ಬಾಲವಿಕಾಸ ಅಕಾಡೆಮಿದ 2017-18, 2018-19ನೇ ಸಾಲ್ ದ ಅಕಾಡೆಮಿ ಗೌರವ ಪ್ರಶಸ್ತಿ, 2017 ಬೊಕ್ಕ 2018ನೇ ಸಾಲ್ ದ ಮಕ್ಕಳ ಚಂದಿರ ಪುಸ್ತಕ ಪ್ರಶಸ್ತಿ ಅಂಚನೇ 2021ನೇ ಸಾಲ್ ದ ಬಾಲಗೌರವ ಪ್ರಶಸ್ತಿ ಪುರಸ್ಕೃತೆರ್ನ ಪುದರ್ ಪ್ರಕಟ ಮಲ್ದೆರ್ , ಪೇಂಟೆದ ಡಾ| ಮಲ್ಲಿಕಾರ್ಜುನ ಮನ್ಸೂರ ಕಲಾಭವನಡ್ ಫೆ.28 ತಾರೀಖ್ ಗ್ ಕಾಂಡೆ 11 ಗಂಟೆಗ್ ಪ್ರಶಸ್ತಿ ಪ್ರದಾನ ನಡಪರೆ ಉಂಡು ಅಕಾಡೆಮಿ ಗುರ್ಲಾಯಿನ ಈರಣ್ಣ ಜಡಿ ಪಂಡೆರ್.

ಗೌರವ ಪ್ರಶಸ್ತಿ ದ ಒಟ್ಟುಗು 25 ಸಾ. ರೂ ಪನವುದ ಇನಾಮು ಜೋಕ್ಲೆನ ಚಂದಿರ ಪುಸ್ತಕ ಪ್ರಶಸ್ತಿ ಒಟ್ಟುಗು ತಲಾ 15 ಸಾರ ರೂ. ಅಂಚನೇ 2021ನೇ ಸಾಲ್ ದ ಬಾಲಗೌರವ ಪ್ರಶಸ್ತಿ ದ ಒಟ್ಟುಗು 10 ಸಾರ ಪನವುದ ಇನಾಮು ಮಾನದಿಗೆ ಮಲ್ಪರೆ ಉಲ್ಲೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News ಸುಳ್ಯ ದ ಸುದ್ದಿ | Sullia News

ಜನಕ್ಲೆನ ಸಮಸ್ಯೆಗ್ ನೇರವಾದ್ ಸ್ಪಂದಿಸಾವುನ ಅನಿವಾರ್ಯ – ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ

Feb 27, 2021

ಸುಳ್ಯ ಫೆ. 27. ಜನಕ್ಲೆನ ಸಮಸ್ಯೆಗ್ ನೇರವಾದ್ ಸ್ಪಂದಿಸಾವುನ ತಾಲೂಕು ಪಂಚಾಯತ್ ವ್ಯವಸ್ಥೆನ್ ಒರಿಪಾವುನ ಅನಿವಾರ್ಯ ಪಂದ್ ಜಿಲ್ಲಾ ಉಸ್ತುವಾರಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಪಂಡೆರ್ .‌ ಮೇರ್ ಕಡಬ ತಾಲೂಕು ಪಂಚಾಯತ್ ಪೊಸ ಕಟ್ಟಡದ ಶಿಲಾನ್ಯಾಸ‌ ಲೇಸ್ ಡ್ ಪೊಸ ಕಟ್ಟಡದ ಶಿಲಾಫಲಕ ಅನಾವರಣ ಮಲ್ತ್ ದ್ ಪಾತೆರಿಯೆರ್.

ಶಿಲಾನ್ಯಾಸ ಮಲ್ತ್ ದ್ ಪಾತೆರಿನ ಬಂದರು, ಮೀನುಗಾರಿಕೆ ಬೊಕ್ಕ ಒಳನಾಡು ಜಲ ಸಾರಿಗೆ ಸಚಿವ ಎಸ್.ಅಂಗಾರ, ಪೊಸ ಕಡಬ ತಾಲೂಕು ಪೂರ್ಣ ಪ್ರಮಾಣಡ್ ಅನುಷ್ಠಾನ ಆಯರೇ ಮಾತಾ ಇಲಾಖೆ ಸಹಾಯ ಮಲ್ಪೊಡು ಪಂದ್ ಪಂಡೆರ್.

ಮಂಗಳೂರು ವಿಶ್ವವಿದ್ಯಾನಿಲಯ ಪಿ ಹೆಚ್ ಡಿ ನಿಯಮದ ಪರಿಷ್ಕರಣೆ

Feb 27, 2021

ಕುಡ್ಲ , ಫೆ. 27: ಕುಡ್ಲ ವಿಶ್ವವಿದ್ಯಾನಿಲಯದ 2021ನೇ ಸಾಲ್ ಡ್ ಪರಿಷ್ಕೃತ ಪಿಎಚ್ ಡಿ ನಿಯಮಗ್ ಶೈಕ್ಷಣಿಕ ಮಂಡಳಿ ಅನುಮೋದನೆ ಕೊರ್ತುಂಡು.

ಕುಡ್ಲ ವಿಶ್ವ ವಿದ್ಯಾನಿಲಯದ ಕುಲಪತಿ ಪ್ರೊ.ಪಿ.ಎಸ್.ಎಡಪಡಿತ್ತಾಯ ಮೇರ್ನ ಗುರ್ಕಾರ್ಮೆಡ್ ಕುಡ್ಲ ವಿಶ್ವವಿದ್ಯಾಲಯದ ಆಡಳಿತ ಸೌಧ ರಾಣಿ ಅಬ್ಬಕ್ಕ ಸಭಾಂಗಣಡ್ ವಿಶ್ವ ವಿದ್ಯಾಲಯದ ಶೈಕ್ಷಣಿಕ ಮಂಡಳಿದ 2020-21ನೇ ಸಾಲ್ ದ ತ್ರತೀಯ ಸಾಮಾನ್ಯ ಸಭೆ ನಡತುಂಡು.

ಪೊಸ ಪಿಎಚ್ ಡಿ ನಿಯಮಾವಳಿ ಪ್ರಕಾರ 2021 ನೆ ಸಾಲ್ ರ್ದ್ ಮಾತಾ ಖಾಲಿ ಸೀಟ್ ಲೆನ್ ಸುರುತ್ತ ಸಲ ಪೊಸತಾದ್ ಪರಿಗಣಿಸಾಯರೇ ನಿರ್ಧಾರ ಮಲ್ದೆರ್ . ಐನ್ ವರ್ಷದ ಪಿಎಚ್ ಡಿ ಅವಧಿನ್ ಬ್ಲಾಕ್ ಅವಧಿ ಪಂದ್ ಪರಿಗಣಿಸಾಯರೇ ನಿರ್ಧಾರ ಮಲ್ದೆರ್.