February 28, 2021

ತುಳುಕೂಟ ಉಡುಪಿ (ರಿ.) ವತಿರ್ದ್ ತುಳು ಕವಿ ದಿ.ನಿಟ್ಟೂರು ಸಂಜೀವ ಭಂಡಾರಿ ಸ್ಮರಣಾರ್ಥ ತುಳು ಭಾವಗೀತೆ ಪಂಥೋ- 2021

Feb 28, 2021

ತುಳುಕೂಟ ಉಡುಪಿ (ರಿ.) ವತಿರ್ದ್ ತುಳು ಕವಿ ದಿ.ನಿಟ್ಟೂರು ಸಂಜೀವ ಭಂಡಾರಿ ಸ್ಮರಣಾರ್ಥ ತುಳು ಭಾವಗೀತೆ ಪಂಥೋ- 2021 ತಾರೀಖ್: 14-03-2021ನೆ ಐತಾರ ಕಾಂಡೆ 9.00 ಗಂಟೆಗ್ ಉಡುಪಿದ ಎಂ.ಜಿ.ಎಂ.ಕಾಲೇಜ್ ದ ಗೀತಾಂಜಲಿ ಸಭಾಂಗಣಡ್ ನಡಪರೆ ಉಂಡು. 6 ರ್ದ್ 14 ವರ್ಷ ಮುಟ ಜೂನಿಯರ್ ವಿಭಾಗ. 15 ವರ್ಷರ್ರ್ದ್ ಮಿತ್ತ್ ದ ಜೋಕ್ಲೆಗ್ ಸೀನಿಯರ್ ವಿಭಾಗ ನಡಪರೆ ಉಂಡು 3 ನಿಮಿಷ ಪೊರ್ತುದ ತುಳುಭಾವಗೀತೆ, ಸ್ವರಚಿತ ಕವಿತೆಗ್ ಆದ್ಯತೆ. ಮಾರ್ಚ್ -10 ಮುಟ ನೋಂದಾವಣೆ ಮಲ್ಪೊಲಿ ಅಂಚನೇ ಉಡುಪಿ ದ.ಕ.ಬೊಕ್ಕ ಕಾಸರಗೋಡು ಜಿಲ್ಲೆದಕುಲು ಪಾಲ್ ಪಡೆಯೊಲಿ.ಎಚ್ಚದ ಇಚಾರ ತೆರಿಯೋನೆರೆ ಈ ಸಂಖ್ಯೆ ಗ್ ಲೆಪ್ಪು ಕೊರ್ಲೆ :ಪ್ರಕಾಶ್ ಸುವರ್ಣ ಕಟಪಾಡಿ ಕಾರ್ಯಕ್ರಮ ಸಂಚಾಲಕೆರ್: 9964019229,9740656695,9880825626- mail: prakashsuvarnavk@gmail.com

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಪುತ್ತೂರುದ ನ್ಯಾಯವಾದಿ ವಿದ್ಯಾ ಎ.ಎಸ್. ಸಿವಿಲ್ ನ್ಯಾಯಾಧೀಶೆರಾದ್ ನೇಮಕ

Feb 28, 2021

ಪುತ್ತೂರು, ಫೆ. 28. ‌ಕರ್ನಾಟಕ ಉಚ್ಚ ನ್ಯಾಯಾಲಯದ 2020ನೇ ಸಿವಿಲ್ ಜಡ್ಜ್ ನ್ಯಾಯಾಧೀಶರ ಪರೀಕ್ಷೆಡ್ ಉತ್ತೀರ್ಣರಾದ್ ಫೆ. 25 ತಾರೀಖ್ ಗ್ ಬತ್ತಿನ ಅಧಿಸೂಚನೆದ ಪ್ರಕಾರ ಪುತ್ತೂರುದ ನ್ಯಾಯವಾದಿ ವಿದ್ಯಾ ಎ.ಎಸ್. ಮೇರ್ ಸಿವಿಲ್ ನ್ಯಾಯಾಧೀಶೆರಾದ್ ನೇಮಕ ಆತೆರ್.

ಕರ್ನಾಟಕ ಉಚ್ಛ ನ್ಯಾಯಾಲಯದ ಅಧೀನಡ್ ಸಿವಿಲ್ ನ್ಯಾಯಾಧೀಶೆರ್ನ ನೇಮಕಾತಿ ಕಮಿಟಿದಕುಲು ಕರಿನ ನವೆಂಬರ್ ತಿಂಗೊಲ್ ಡ್ ಸಿವಿಲ್ ಜಡ್ಜ್ ಹುದ್ದೆಗ್ ಲಿಖಿತ ಸ್ಪರ್ಧಾತ್ಮಕ ಪರೀಕ್ಷೆ ನಡಪಾದ್ ಇತ್ತೆರ್ . ಐಟ್ ತೇರ್ಗಡೆ ಆಯಿನಕ್ಲೆಗ್ ಉಂದುವೇ ತಿಂಗೊಲ್ ಸಂದರ್ಶನನ್ ಲಾ ಅಟ್ಟನೆ ಮಲ್ತಿತ್ತೆರ್. ಈ ರಡ್ಡೆಟ್ಟ್ ಲಾ ತೇರ್ಗಡೆ ಆಯಿನ ವಿದ್ಯಾ ಸಿವಿಲ್ ನ್ಯಾಯಾಧೀಶೆರಾದ್ ನೇರ ನೇಮಕಾತಿ ಆತೆರ್ . ವಿದ್ಯಾ ಎ.ಎಸ್ ಒಳಮೊಗ್ರು ಗ್ರಾಮದ ಪರ್ಪುಂಜದ ಶಿವಕುಮಾರ್ ಅಂಚನೇ ಪಾರ್ವತಿ ದಂಪತಿನ ಪುತ್ರಿ.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ನನ ರಡ್ಡ್ ದಿನಟ್ ಎಸೆಸೆಲ್ಸಿ ವೇಳಾಪಟ್ಟಿ

Feb 28, 2021

ಕುಡ್ಲ : ಎಸೆಸೆಲ್ಸಿ ಪರೀಕ್ಷೆಗ್ ಸಿದ್ಧತೆ ನಡತುಂಡು , ಅಂತಿಮ ವೇಳಾಪಟ್ಟಿ 2 ದಿನತ ಉಲಯಿ ಪ್ರಕಟ ಆಯರೇ ಉಂಡು ಪಂದ್ ಪ್ರಾಥಮಿಕ ಬೊಕ್ಕ ಪ್ರೌಢ ಶಿಕ್ಷಣ ಸಚಿವ ಎಸ್‌. ಸುರೇಶ್‌ ಕುಮಾರ್‌ ಪಂಡೆರ್.

ಜಿಲ್ಲಾಡಳಿತ, ಜಿ. ಪಂಚಾಯತ್‌ ಬೊಕ್ಕ ಸಾರ್ವಜನಿಕ ಶಿಕ್ಷಣ ಇಲಾಖೆ ವತಿರ್ದ್ ಕುದ್ಮಲ್ ರಂಗರಾವ್‌ ಪುರಭವನಡ್ ಶನಿವಾರ ನಡತಿನ ಪ್ರೌಢಶಾಲಾ ಶಿಕ್ಷಕೆರ್ನೊಟ್ಟಿಗೆ ಸಂವಾದ, 2020ನೇ ಸಾಲ್ ದ ಎಸೆಸಲ್ಸಿ ಡ್ ಜಾಸ್ತಿ ಅಂಕ ಪಡೆಯಿನ ಜೋಕ್ಲೆಗ್ ಪನವುದ ಮಾನದಿಗೆ ಬೊಕ್ಕ ಸರಕಾರಿ ಪ್ರೌಢ ಶಾಲಾ 10ನೇ ತರಗತಿ ಜೋಕ್ಲೆಗ್ ಉಚಿತ ಟ್ಯಾಬ್‌ ವಿತರಣೆ ಲೇಸ್ ಡ್ ಮೇರ್ ಪಾತೆರಿಯೆರ್.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮುಕ್ಕಚ್ಚೇರಿಡ್ ಇನಿ ವಾಣಿಜ್ಯ ಸಂಕೀರ್ಣ ಶಂಕುಸ್ಥಾಪನಾ ಲೇಸ್

Feb 28, 2021

ಉಳ್ಳಾಲ, ಫೆ.28: ಅಲ್- ಮಸ್ಜಿದುಲ್ ಜಾಮಿಆ ಸಿದ್ದೀಕ್ ಮುಕ್ಕಚ್ಚೇರಿ ನೆತ್ತ ಮುತಾಲಿಕೆಡ್ ವಾಣಿಜ್ಯ ಸಂಕೀರ್ಣ ಶಂಕುಸ್ಥಾಪನಾ ಲೇಸ್ ಫೆ.28 ತಾರೀಖ್ ಗ್ ಮುಕ್ಕಚ್ಚೇರಿಡ್ ನಡಪರೆ ಉಂಡು .

ಲೇಸ್ ಕಾಂಡೆ 10 ಗಂಟೆಗ್ ನಡಪರೆ ಉಂಡು , ಖುರ್ರತುಸ್ಸಾದಾತ್ ಅಸ್ಸಯ್ಯಿದ್ ಫಝಲ್ ಕೋಯಮ್ಮ ತಂಙಳ್ ಕೂರತ್ ಮೇರ್ ವಾಣಿಜ್ಯ ಸಂಕೀರ್ಣದ ಶಿಲಾನ್ಯಾಸ ನಡಪಾಯರೆ ಉಲ್ಲೆರ್ ಪಂದ್ ಪ್ರಕಟನೆಗ್ ತೆರಿಪಾದೆರ್.

ಸಾಮಾಜಿಕ ಜಾಲತಾಣ ಪ್ರಕೋಷ್ಠ ಜಿಲ್ಲಾ ಮಟ್ಟದ ಕಾರ್ಯಾಗಾರ

Feb 28, 2021

ಕುಡ್ಲ , ಫೆ. 28. ಬಿಜೆಪಿ ದಕ್ಷಿಣ ಕನ್ನಡ ಸಾಮಾಜಿಕ ಜಾಲತಾಣ ಪ್ರಕೋಷ್ಠ ಜಿಲ್ಲಾ ಮಟ್ಟದ ಕಾರ್ಯಾಗಾರ ಫೆ.28 ತಾರೀಖ್ ಗ್ ಕುಡ್ಲದ ಶಾರದಾ ವಿದ್ಯಾಲಯಡ್ ಕಾಂಡೆ 9 ಗಂಟೆರ್ದ್ ನಡಪರೆ ಉಂಡು.

ಕಾರ್ಯಗಾರನ್ ಬಿಜೆಪಿ ದ.ಕ ಜಿಲ್ಲಾಧ್ಯಕ್ಷ ಸುದರ್ಶನ ಎಂ ಉದಿಪನ ಮಲ್ಪರೇ ಉಲ್ಲೆರ್ , ಜಿಲ್ಲಾ ಪ್ರಧಾನ ಕಾರ್ಯದರ್ಶಿಲಾಯಿನ ಕಸ್ತೂರಿ ಪಂಜ,ರಾಮದಾಸ್ ಬಂಟ್ವಾಳ್,ಸುಧೀರ್ ಶೆಟ್ಟಿ ಕಣ್ಣೂರು ಪಾಲ್ ಪಡೆಯರೆ ಉಲ್ಲೆರ್ . ಕಾರ್ಯಾಗಾರಡ್ ಸಂಘಟನೆ ಬೊಕ್ಕ ಸಾಮಾಜಿಕ ಜಾಲತಾಣ ವಿಷಯದ ಬಗ್ಗೆ ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಪ್ರಸಾದ್ ಕುಮಾರ್ ಪಾತೆರ್ರೆ ಉಲ್ಲೆರ್ .