ಗ್ರಾಮ ಪಂಚಾಯತ್

ಸ್ವಚ್ಛಬಾರತ್ ಅಭಿಯಾನ ಯೋಜನೆದಡಿ ಗ್ರಾಮ ಪಂಚಾಯತ್‌ಗ್ ಕಜವು ವಿಲೇವಾರಿ ಗಾಡಿ ವಿತರಣೆ

ಉಡುಪಿ, ಎ.6: ಜಿಪಂ ಗುರ್ಕಾರ್ಲೆನ ವಿಶೇಷ ಮುತುವರ್ಜಿರ್ದ್ ಸ್ವಚ್ಛಬಾರತ್ ಅಭಿಯಾನ ಯೋಜನೆದಡಿ ಜಿಲ್ಲೆಡ್ ವೈಜ್ಞಾನಿಕವಾದ್ ಕಜವು ವಿಲೇವಾರಿ ಮಲ್ಪರೆ ಬೇತೆ ಬೇತೆ ಗ್ರಾಮ ಪಂಚಾಯತ್‌ಗ್ ಕಜವು ವಿಲೇವಾರಿ ಗಾಡಿನ್ ಮಣಿಪಾಲದ ಜಿಲ್ಲಾ ಪಂಚಾಯತ್ ಆವರಣಡ್ ಕೋಡೆ ಗುರ್ಕಾರ್ಲಾಯಿನ ದಿನಕರ ಬಾಬು ಪಟ್ಟಿಯೆರ್ .

ಈ ಲೇಸ್ ಡ್ ಜಿಪಂ ಉಪಾಧ್ಯಕ್ಷೆ ಶೀಲಾ ಕೆ. ಶೆಟ್ಟಿ, ಜಿಪಂ ಸ್ಥಾಯಿ ಸಮಿತಿ ಸದಸ್ಯೆರಾಯಿನ ಶೋಭಾ ಜಿ. ಪುತ್ರನ್, ಸುಮಿತ್ ಶೆಟ್ಟಿ ಕೌಡೂರು, ಪ್ರತಾಪ್ ಹೆಗ್ಡೆ ಮಾರಾಳಿ, ಸಿಇಓ ಡಾ.ನವೀನ್ ಭಟ್ ಪಾಲ್ ಪಡೆದಿತ್ತೆರ್.

ಈದು ಗ್ರಾಮ ಪಂಚಾಯತ್ ಪೊಸ ಗುರ್ಕಾರ್ಲು ಬೊಕ್ಕ ಒತ್ತುಗುರ್ಕಾರ್ಲೆಗ್ ಜೈ ತುಲುನಾಡ್ ರಿ. ಕಾರ್ಲ ವತಿರ್ದ್ ತುಲು ಲಿಪಿ ಪುದರ್ ಪಲವೆ ಕೊರ್ದು ಮಾನದಿಗೆ

ಕಾರ್ಲ : ಈದು ಗ್ರಾಮ ಪಂಚಾಯತ್ದ ಪೊಸ ಗುರ್ಕಾರ್ಲಾದ್ ಅಂಚನೇ ಒತ್ತುಗುರ್ಕಾರ್ಲೆಗ್  ಜೈ ತುಲುನಾಡ್ ರಿ. ಕಾರ್ಲ ಮೆಕ್ಲೆನ ವತಿರ್ದ್ ತುಲು ಲಿಪಿ ಪುದರ್ ಪಲವೆದ ಮಾನದಿಗೆ ಮಲ್ಪುನೆತ್ತ ಒಟ್ಟುಗು ತುಳು ಕ್ಯಾಲೆಂಡರ್ ಬೊಕ್ಕ ಗ್ರಂಥಾಲಯಗ್ ತುಳುಲಿಪಿ ಕಲಿಕೆದ ಪುಸ್ತಕನ್ ಕೊರಿಯೆರ್.

ಸ್ವಚ್ಚಭಾರತ ಅಭಿಯಾನಗ್ ಪೂರಕ ಆಪಿಲಕ ಮರತ ಕೆತ್ತನೆದ ಮುಖೇನ ತಯಾರ್ ಮಲ್ತ್ ದ್ ತುಳುವ ಸಂಸ್ಕೃತಿನ್ ಸಾರುನ ಓಂಕಾರ, ಸೂರ್ಯ ಚಂದ್ರ ಬೊಕ್ಕ ತುಳುವ ಬಾವುಟನ್ ಕೆತ್ತ್ ದೆರ್ ಉಂದು ಯುವ ಶಿಲ್ಪಿಲಾಯಿನ ಶ್ರೀಯುತ ಸವಿತ್‌ರಾಜ್ ಆಚಾರ್ಯ ಮೆರ್ನ ಕೈ ಚಾತುರ್ಪುಡು ಮೂಡುದ್ ಬೈದುಂಡು.

ಪುದರ್ ಪಲವೆನ್ ಕೊರ್ಪಿನೆತ್ತ ಒಟ್ಟುಗು ತುಳು ಭಾಷೆನ್ ಒರಿಪಾವುನ ಸಲುವಾದ್ ಪಂಚಾಯತ್ ಕಾರ್ಯಕ್ರಮಡ್ ತುಳುಬಾಸೆನ್ ಬೊಕ್ಕ ತುಳುಲಿಪಿನ್ ಗಲಸೊಡು ಪಂದ್ ಅಂಚನೇ ತುಳು ಬಾಷೆಗ್ ಅಧಿಕೃತವಾದ್ ಮಾನ್ಯತೆ ತಿಕ್ಕುನಲ್ಪ ಸರಕಾರಗ್ ಒತ್ತಡ ಪಾಡೊಡು ಪಂದ್ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಲೆಗ್ ಬೊಕ್ಕ ಗುರ್ಕಾರ್ಲೆಗ್ ಮನವಿ ಮಲ್ತೆರ್. ನೆತ್ತ ಒಟ್ಟುಗು ನೂತನವಾದ್ ಆಯ್ಕೆಯಾಯಿನ ಪಂಚಾಯತ್ ಸದಸ್ಯೆರೆಗ್ ಬೊಕ್ಕ ಗುರ್ಕಾರ್ಲೆಗ್ , ಉಪಾಧ್ಯಕ್ಷೇರೆಗ್ ಜೈ ತುಲುನಾಡ್ ರಿ. ಸಂಘಟನೆರ್ದ್ ಮಾನದಿಗೆ ಮಲ್ತೆರ್.

ಈ ಲೇಸ್ ಡ್ ಜೈ ತುಳುನಾಡ್ ರಿ. ಸಂಘಟನೆದ ಗುರ್ಕಾರ್ಲಾಯಿನ ವಿಶು.ಶ್ರೀಕೇರ, ಶೇಖರ್ ಶ್ರೀಗಂಗೆ ಪ್ರಶಾಂತ್ ಆಚಾರ್ಯ, ಪವನ್ ಕರ್ಕೇರ , ಕು.ಶೃತಿ ಆಚಾರ್ಯ, ಶ್ರೀಮತಿ ರೇಖಾ ಜೈನ್ ಬೊಕ್ಕ ಹಿಂದೂ ಜಾಗರಣ ವೇದಿಕೆ ಹೊಸ್ಮಾರು ವಲಯದ ಪ್ರಧಾನ ಕಾರ್ಯದರ್ಶಿಲಾಯಿನ ಶ್ರೀ ರಾಜೇಶ್ ಆಚಾರ್ಯ ಬೊಕ್ಕ ಸವಿತ್‌ರಾಜ್ ಆಚಾರ್ಯರವರು ಪಾಲ್ ಪಡೆದಿತ್ತೆರ್ .

ಪುತ್ತೂರು ತಾಲ್ಲೂಕು ಕೊಡಿಪಾಡಿ ಗ್ರಾಮ ಪಂಚಾಯತ್ ಗುರ್ಕಾರ್ಲಾದ್ ರೇಖಾ ರತ್ನಾಕರ್ ಬಟ್ರುಪಾಡಿ ಬೊಕ್ಕ ಉಪಾಧ್ಯಕ್ಶೆರಾದ್ ಸುಮಿತ್ರಾ ಚಂದ್ರಶೇಖರ್ ಅವಿರೋಧವಾದ್ ಆಯ್ಕೆ

ಪುತ್ತೂರು ತಾಲ್ಲೂಕು ಕೊಡಿಪಾಡಿ ಗ್ರಾಮ ಪಂಚಾಯತ್ ಗುರ್ಕಾರ್ಲಾದ್ ರೇಖಾ ರತ್ನಾಕರ್ ಬಟ್ರುಪಾಡಿ ಬೊಕ್ಕ ಉಪಾಧ್ಯಕ್ಶೆರಾದ್ ಸುಮಿತ್ರಾ ಚಂದ್ರಶೇಖರ್ ಅವಿರೋಧವಾದ್ ಆಯ್ಕೆ  ಆತೆರ್.

ಒಟ್ಟು 8 ಸ್ಥಾನ ಉಪ್ಪುನ ಕೊಡಿಪಾಡಿ ಗ್ರಾಮ ಪಂಚಾಯತ್ ಡ್ ಮಾತಾ ಸ್ಥಾನಡ್ ಲಾ ಬಿಜೆಪಿ ಬೆಂಬಲಿತ ಅಭ್ಯರ್ಥಿಲು ಗೆಂದ್ ದೆರ್. ಗುರ್ಕಾರ್ದಿ ಸ್ಥಾನಗ್ ಎಸ್ ಸಿ ಪೊಂಜೊವು ಬೊಕ್ಕ ಉಪಾಧ್ಯಕ್ಷ ಸ್ಥಾನಗ್ ಹಿಂದುಳಿದ ವರ್ಗದ ಪೊಂಜೊವ್ಲೆಗ್ ಮೀಸಲಾತಿ ಘೋಷಣೆ ಆದಿತ್ತುಂಡು. ಸಮಾಜ ಕಲ್ಯಾಣ ಇಲಾಖೆ ನಿರ್ದೇಶಕಿ ಗಾಯತ್ರಿ ಸಿ ಹೆಚ್ ಮೇರ್ ಚುನಾವಣ ಪ್ರಕ್ರಿಯೆ ನಡಪಾದ್ ಕೊರಿಯೆರ್. ಗ್ರಾಮ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಹೊನ್ನಮ್ಮ ಮೇರ್ ಒಟ್ಟು ಸೇರಿಯೆರ್. ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ಗಿರಿಧರ ಗೌಡ ಗೋಮುಖ ಸೋಮಪ್ಪ ಪೂಜಾರಿ, ಗಿರೀಶ್ ಕೆ ನಂಧನ, ನವೀನ್ ಪೂಜಾರಿ, ಸ್ಮಿತಾ ಪಿ ಹನಿಯೂರು ಚಂದ್ರಾವತಿ ಕಮಲಾಕ್ಷ ಬೊಕ್ಕ ತಾಲೂಕು ಪಂಚಾಯತ್ ಸದಸ್ಯೆರಾಯಿನ ದಿವ್ಯ ಪುರುಷೋತ್ತಮ, ಬಿಜೆಪಿ ಶಕ್ತಿ ಕೇಂದ್ರದ ಅಭಿಜಿತ್ ಕೊಳಕ್ಕಿಮಾರು, ಕೊಡಿಪಾಡಿ ಬಿಜೆಪಿ ಉಸ್ತುವಾರಿ ರಾಮ್ ದಾಸ್ ಹಾರಾಡಿ ಪಾಲ್ ಪಡೆದಿತ್ತೆರ್.

ಬಡಾನಿಡಿಯೂರು ಗ್ರಾಮ ಪಂಚಾಯತ್ ದ 1 ನೇ ವಾರ್ಡ್ ಡ್ ಬಿಜೆಪಿ ಬೆಂಬಲಿತ ರಾದ್ ಗಿರೀಶ್ ಸಾಲಿಯಾನ್ ಆಯ್ಕೆ

ಗಿರೀಶ್ ಸಾಲಿಯಾನ್ ಬಡಾನಿಡಿಯೂರು ಗ್ರಾಮ ಪಂಚಾಯತ್ ದ 1 ನೇ ವಾರ್ಡ್ ಡ್ ಬಿಜೆಪಿ ಬೆಂಬಲಿತ ರಾದ್ 2ನೇ ಸರ್ತಿಗ್ ಪಂಚಾಯತ್ ಓಟುಡ್ ಬಹುಮತ ಪಡೆದ್ ಆಯ್ಕೆ ಆತೆರ್.ಸರಳ ಸಜ್ಜನಿಕೆದ ವ್ಯಕ್ತಿತ್ವ ದ ಗಿರೀಶ್ ಸಾಲಿಯಾನ್ ಮೇರ್ ಸಮಾಜ ಸೇವೆಡ್ ಬಡಾನಿಡಿಯೂರು ಗ್ರಾಮೊಡ್ ಜನಮನ್ನಣೆ ಪಡೆದೆರ್.