February 9, 2021

ರಾಜ್ಯ ಮಟ್ಟದ ವುಶು ಕ್ರೀಡಾಕೂಟಡ್ ದಕ್ಷಿಣ ಕನ್ನಡ ವುಶು ಸಂಸ್ಥೆಗ್ ರಡ್ಡನೇ ಸಮಗ್ರ ಪ್ರಶಸ್ತಿ

ಕೈಕಂಬ:ಕರ್ನಾಟಕದ ಬಾಗಲಕೋಟೆಡ್ ನಡತಿನ ರಾಜ್ಯಮಟ್ಟದ ವುಶು ಕ್ರೀಡಾಕೂಟ ಡ್ ದಕ್ಷಿಣ ಕನ್ನಡ ವುಶು ಸಂಸ್ಥೆನ್ ಪ್ರತಿನಿಧಿಸಾಯಿನ ಇನ್ಸ್ಟಿಟ್ಯೂಟ್ ಆಫ್ ಕರಾಟೆ ಎಂಡ್ ಮಾರ್ಷಲ್ ಆರ್ಟ್ಸ್ ಸಂಸ್ಥೆದ ಸದಸ್ಯೆರ್ 10 ಬಂಗಾರ್ , 3 ಬೊಳ್ಳಿ ಬೊಕ್ಕ 4 ಕಂಚ್ ದ ಪದಕ ಗೆಂದ್ ದೆರ್. ದ.ಕ ವುಶು ಸಂಸ್ಥೆದ ಕೂಟ ರಾಜ್ಯ ಮಟ್ಟಡ್ ರಡ್ಡನೆ ಇನಾಮು ಗೆಂದ್ದುಂಡು.

ಈ ತಂಡ ಸಂಸ್ಥೆದ ಮುಖ್ಯ ಶಿಕ್ಷಕೆರಾಯಿನ ನಿತಿನ್ ಎನ್ ಸುವರ್ಣ ಬೊಕ್ಕ ಶಿಕ್ಷಕೆರಾಯಿನ ಸಂಪತ್ ಕುಮಾರ್ ಮೇರ್ ನೆರ್ದ್ ತರಬೇತಿ ಪಡೆಯೊಂದೆರ್.

ಶ್ರೀ ಗುರು ಯುವಕ ವೃಂದ (ರಿ.) ಬೊಕ್ಕ ಶ್ರೀ ಗುರು ಯುವತಿ ಮಂಡಲ ಸಜಿಪ ಕೊಲ್ಯದ ರಜತ ಸಂಭ್ರಮ

ತಾರೀಖ್ 31/1/2021 ನೇ ಐತಾರ ಶ್ರೀ ಗುರು ಯುವಕ ವೃಂದ (ರಿ.) ಬೊಕ್ಕ ಶ್ರೀ ಗುರು ಯುವತಿ ಮಂಡಲದ ರಜತ ಸಂಭ್ರಮ ದ ಪರವಾದ್ ಐತಾರ ಕಾಂಡೆ 7:30 ಕ್ ಗಣಹೋಮ ನಡತುಂಡು.9 ಗಂಟೆಗ್ ” ಒಂಜೇ ಜಾತಿ, ಒಂಜೇ ಮತ,ಒಂಜೇ ದೇವೆರ್ ” ಪಂದ್ ಪಂಡಿನ ಬ್ರಹ್ಮ ಶ್ರೀ ನಾರಾಯಣ ಗುರುಕ್ಲೆನ ಪೂಜೆ ನಡತುಂಡು. ಕಾಂಡೆ 10 ಗಂಟೆಗ್ ಸತ್ಯನಾರಾಯಣ ಪೂಜೆ ಮಲ್ತ್ದ್ ಮಂಗಳಾರತಿ ರ್ದ್ ಬೊಕ್ಕ ಅನ್ನ ಸಂತರ್ಪಣೆ ನಡತುಂಡು . ಸುಮಾರ್ 600 ಜನ ಸೇರ್ದ್ ಇತ್ತೆರ್ ಪಂದ್ ಕಾರ್ಯಕ್ರಮದ ಪ್ರಧಾನ ಕಾರ್ಯದರ್ಶಿ ತೆರಿಪಾಯೆರ್.

ಮಧ್ಯಾಹ್ನ 2 ಗಂಟೆಗ್ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮ ನಡತುಂಡು. ಬೈಯ್ಯ 4 ಗಂಟೆಗ್ ದೇವೆರ್ನ ಮೆರವಣಿಗೆ ನಡತುಂಡು. ರಾತ್ರಿ 8:30 ಕ್ ಅನ್ನಪ್ರಸಾದ ಸೇವೆ ಲಾ ನಡತುಂಡು ಸರಿ ಸುಮಾರ್ 1500 ಜನ ಈ ಲೇಸ್ ಡ್ ಪಾಲ್ ಪಡೆದಿತ್ತೆರ್. ರಾತ್ರಿ 12 ಗಂಟೆ ಮುಟಲ ಅನ್ನಪ್ರಸಾದ ಸೇವೆ ನಡತುಂಡು.

ರಾತ್ರಿ 9 ಗಂಟೆಗ್ ಶ್ರೀ ದುರ್ಗಾಪರಮೇಶ್ವರೀ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಕಟೀಲು ಮೆಕ್ಲೆನೆರ್ದ್ ಶ್ರೀ ದೇವಿ ಮಹಾತ್ಮೆ ಯಕ್ಷಗಾನ ಸೇವೆ ನಡತುಂಡು. ಯುವಕ ವೃಂದ ಅಂಚನೇ ಯುವತಿ ಮಂಡಲದ ಸರ್ವ ಸದಸ್ಯೆರ್ ಈ ಲೇಸ್ ಡ್ ಪಾಲ್ ಪಡೆದ್ ತನ್ಕುಲೆ ನಿರಂತರ ವಾಯಿನ ಪರಿಶ್ರಮರ್ದ್ ಈ ಲೇಸ್ ಯಶಸ್ವಿಯಾದ್ ನಡಪರೆ ಸಹಕಾರ ಕೊರಿಯೆರ್ ಪಂದ್ ಸಂಘದ ಗುರ್ಕಾರ್ಲು ತೆರಿಪಾದೆರ್.