January 2021

ಮಲ್ಲಾರುಗುತ್ತು ಶ್ರೀ.ಸುಬ್ರಹ್ಮಣ್ಯ ಶೆಟ್ಟಿ ಆರೋಗ್ಯದ ಸಮಸ್ಯೆರ್ದ್ ತೀರ್ ಪೋಯೆರ್

ಕಾಪು ವಿಧಾನ ಸಭಾ ಕ್ಷೇತ್ರದ ಮಾಜಿ ಶಾಸಕ ದಿ. ಭಾಸ್ಕರ್ ಶೆಟ್ಟಿ ಮೆರ್ನ ಸುಪುತ್ರ, ಕಾಪು ಪುರಸಭೆದ ಸದಸ್ಯೆ ಶ್ರೀಮತಿ. ಶಾಂತಲತಾ ಎಸ್. ಶೆಟ್ಟಿನ ಪತಿ, ಮಲ್ಲಾರುಗುತ್ತು ಶ್ರೀ.ಸುಬ್ರಹ್ಮಣ್ಯ ಶೆಟ್ಟಿ ಮೇರ್ ಅಲ್ಪಕಾಲದ ಅಸೌಖ್ಯರ್ದ್ ಮಲ್ಲಾರ್ದ ಸ್ವಗೃಹಡ್ ತೀರ್ ಪೋಯೆರ್. ಮೆರ್ನ ಅಂತ್ಯಕ್ರಿಯೆ ತಾ 30.01.2021 ಕೋಡೆ ರಾತ್ರಿ 9.00 ಗಂಟೆಗ್ ಮಲ್ಲಾರು ಗುತ್ತು ದ ಆರ್ನ ಇಲ್ಲಡ್ ನಡತುಂಡು.

ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ದ ಗುರ್ಕಾರ್ಲಾಯಿನ  ತಾರನಾಥ ಬೋಳಾರ್ ನಿಧನ

ಕುಡ್ಲ , ಜ.31: ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ದ  ಗುರ್ಕಾರ್ಲಾಯಿನ  ತಾರನಾಥ ಬೋಳಾರ್ (65) ಮೇರ್  ಮೈಸೂರುದ ಆರ್ನ  ಮಗಲ್ ನ ಇಲ್ಲಡ್  ಶುಕ್ರವಾರ ತೀರ್ ಪೋತೆರ್ .

ಇಂಚೋಗು  ಅನಾರೋಗ್ಯದ  ಸಮಸ್ಯೆ ಇತ್ತುಂಡು . ಮೆರ್ನ  ಮರಣಗ್  ಕನ್ನಡ ಸಾಹಿತ್ಯ ಪರಿಷತ್ ದ ಮಾಜಿ ಗುರ್ಕಾರ್ಲಾಯಿನ  ಹರಿಕೃಷ್ಣ ಪುನರೂರು, ಚುಟುಕು ಸಾಹಿತ್ಯ ಪರಿಷತ್ದ  ರಾಜ್ಯ ಪ್ರಧಾನ ಸಂಚಾಲಕ ಎಂ.ಜಿ.ಆರ್ ಅರಸ್, ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ದ  ಗೌರವಾಧ್ಯಕ್ಷ ಇರಾ ನೇಮು ಪೂಜಾರಿ, ಕಾರ್ಯದರ್ಶಿ ಸುಲಾಯ ಒಡ್ಡಂಬೆಟ್ಟು, ಮಾಜಿ ಜಿಲ್ಲಾಧ್ಯಕ್ಷ ಕವಿ ಗಣೇಶ್ ಪ್ರಸಾದ್ ಪಾಂಡೇಲು, ಮಂಗಳೂರು ತಾಲೂಕು ಚುಸಾಪದ ಗುರ್ಕಾರ್ಲಾಯಿನ  ಕಾ.ವೀ.ಕೃಷ್ಣದಾಸ್, ತಾಲೂಕು ಚುಸಾಪದ ಮಾಜಿ ಗುರ್ಕಾರ್ಲಾಯಿನ  ರೇಮಂಡ್ ಡಿಕುನಾ, ಡಾ.ಸುರೇಶ್ ನೆಗಳಗುಳಿ, ಸುಬ್ರಾಯ ಭಟ್, ಪ್ರೊ. ಪಿ.ಕೃಷ್ಣಮೂರ್ತಿ, ಅರೆಹೊಳೆ ಸದಾಶಿವ ರಾವ್, ಮಹೇಶ್ ಆರ್ ನಾಯಕ್, ಯಶವಂತ ಡಿ ಎಸ್, ಮಾಲತಿ ಶೆಟ್ಟಿ ಮಾಣೂರು, ತಾಲೂಕು ಚುಸಾಪ ಉಪಾಧ್ಯಕ್ಷೆ ಡಾ. ಅರುಣಾ ನಾಗರಾಜ್, ಕಾರ್ಯದರ್ಶಿ ವಿಜಯಲಕ್ಷ್ಮೀ ಕಟೀಲು, ಜತೆ ಕಾರ್ಯದರ್ಶಿ ವೆಂಕಟೇಶ್ ಗಟ್ಟಿ, ಕೋಶಾಧಿಕಾರಿ ಲತೀಶ್ ಎಂ ಸಂಕೊಳಿಗೆ, ಮೆರ್ನ ಸಾವು ಗು ಕಣ್ಣ ನೀರ್ದ ಪನಿತರ್ಪಣ ಅರ್ಪಣೆ ಮಲ್ತೆರ್.

ಗರ್ಭಾಶಯದ ಕ್ಯಾನ್ಸರ್ ಬೊಕ್ಕ ಸ್ತನ ಕ್ಯಾನ್ಸರ್ ಉಚಿತ ತಪಾಸಣಾ ಬೊಕ್ಕ ಮಾಹಿತಿ ಶಿಬಿರ

ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಆಯುರ್ವೇದ ಕಾಲೇಜು, ಆಸ್ಪತ್ರೆ ಕುತ್ಪಾಡಿ ಮೆಕ್ಲೆನ ಒಟ್ಟು ಸೇರಿಗೆಡ್ ಗರ್ಭಾಶಯ ಕ್ಯಾನ್ಸರ್ ಬೊಕ್ಕ ಸ್ತನ ಕ್ಯಾನ್ಸರ್ ಉಚಿತ ತಪಾಸಣಾ ಬೊಕ್ಕ ಮಾಹಿತಿ ಶಿಬಿರ ತಾರೀಖ್ 01-02-2021 ರ್ದ್ 07-02-2021ರ ಮುಟ ಕಾಂಡೆ 9.00 ರ್ದ್ ಬೈಯ್ಯ 5.00 ಗಂಟೆ ಮುಟ ನಡಪರೆ ಉಂಡು.

ಎಸ್.ಡಿ.ಎಮ್. ಆಸ್ಪತ್ರೆದ ಪ್ರಸೂತಿ ತಂತ್ರ ಬೊಕ್ಕ ರೋಗ ವಿಭಾಗದ ತಜ್ಞ ವೈದ್ಯೆರ್ ನೆರ್ದ್ ಗರ್ಭಾಶಯದ ಕೊರಳ್ ದ ಕ್ಯಾನ್ಸರ್ ಬೊಕ್ಕ ಸ್ತನದ ಕ್ಯಾನ್ಸರ್ ಬಗ್ಗೆ ಉಚಿತ ತಪಾಸಣಾ ಬೊಕ್ಕ ಮಾಹಿತಿ ಶಿಬಿರ ನಡಪರೆ ಉಂಡು .

ಈ ಸೌಲಭ್ಯದ ಸದುಪಯೋಗನ್ ಮಾತೆರ್ಲ ಪಡೆಯೊಂದು ಈ ಸೀಕ್ ರ್ದ್ ದೂರ ಉಪ್ಪುಲೆ .

ಬಲೇ ಒಟ್ಟಾದ್ ಕ್ಯಾನ್ಸರ್ ಪನ್ಪಿನ ಮಾರಿನ್ ದೂರ ಮಲ್ಪುಗ.

ಶ್ರೀ ಮಹಾಲಕ್ಷ್ಮಿ ದೇವಸ್ಥಾನ ಉಚ್ಚಿಲ ಮಹಾ ರಥಾರೋಹಣ

30.01.2021 ತಾರೀಖ್ ಶನಿವಾರಕಾಂಡೆ ಘಂಟೆ 5ರ್ದ್ ಪ್ರಾತಃಕಾಲ ಪೂಜೆ , ನವಕ ಪ್ರಧಾನ ಹೋಮ , ಅಲಂಕಾರ ಪೂಜೆ , ಸಹಸ್ರನಾಮಾರ್ಚನೆ , ಮಹಾಪೂಜೆ , ರಥ ಸಂಪ್ರೋಕ್ಷಣೆ , ಸಾಮೂಹಿಕ ಪ್ರಾರ್ಥನೆ , ರಥಾರೋಹಣ ಬಲಿ , ರಥಾರೋಹಣ ನೃತ್ಯ ದರ್ಶನ ನಡಪರೆ ಉಂಡು.ಮಧ್ಯಾಹ್ನ 12 45ಕ್ಕ್ ಮಹಾ ರಥಾರೋಹಣ, ಮಧ್ಯಾಹ್ನ 1:00 ಘಂಟೆಗ್ ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು.

ಬೈಯ್ಯ ಗಂಟೆ 5.00 ರ್ದ್ ಭದ್ರಕಾಳಿ ಅಮ್ಮನ ದರ್ಶನ ಸೇವೆ,ರಾತ್ರಿ ಗಂಟೆ 8ರ್ದ್
ಸಾಮೂಹಿಕ ಪ್ರಾರ್ಥನೆ , ರಥಕ್ ಅಜಯ ಕಾಯಿ ಸಮರ್ಪಣೆ ಅಂಚನೇ ಶ್ರೀ ಮನ್ಮಾಮಹಾ ರಥೋತ್ಸವ ಉತ್ಸವ ಬಲಿ , ರಾತ್ರಿ ಪೂಜೆ ,
ಶ್ರೀ ಭೂತ ಬಲಿ , ಏಕಾಂತ ಸೇವೆ , ಶಯನೋತ್ಸವ , ಕವಾಟ ಪೂರಣ ನಡಪರೆ ಉಂಡು ಪಂದ್ ಪ್ರಕಟಣೆ ಗ್ ತೆರಿಪಾದೆರ್.

ಕೊಡವೂರುಡು ಇನಿ ಮಹಾರಥೋತ್ಸವ

ಜನವರಿ 30 : ಮಹತೋಭಾರ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನ ಡ್ ಇನಿ ಮಹಾ ರಥೋತ್ಸವ ನಡಪರೆ ಉಂಡು.

ಕಾಂಡೆ 11ಕ್ಕ್ ರಥಾರೋಹಣ, ಮಧ್ಯಾಹ್ನ ಅನ್ನಸಂತರ್ಪಣೆ ನಡಪರೆ ಉಂಡು. ಬೈಯ್ಯ 7 ಗಂಟೆರ್ದ್ ನಡಪುನ ಧಾರ್ಮಿಕ ಸಭೆಟ್ ಕ್ಷೇತ್ರಡ್ ಸೇವೆ ಮಲ್ತೊಂದು ಉಪ್ಪುನ ಪ್ರಮುಖೆರೆಗ್ ಶಂಕರನಾರಾಯಣ ಪ್ರಶಸ್ತಿ ಪ್ರದಾನ ಮಲ್ಪರೆ ಉಂಡು . ರಾತ್ರಿ 8 ಗಂಟೆಗ್ ಮಹಾ ರಥೋತ್ಸವ, ಪಿಲಾರುಶ್ರೀಧರ ಉಡುಪ ಮೆರೆರ್ದ್ ನರ್ತನ ಸೇವೆ, ತೊಟ್ಟಿಲೋತ್ಸವ, ಭೂತಬಲಿ ಸೇವೆ ನಡಪರೆ ಉಂಡು.

ಜ. 31ರ ತಾರೀಖ್ ಗ್ ಕಾಂಡೆ ಕವಾಟೋದ್ಘಾಟನೆ, ತುಲಾಭಾರ, ಮಧ್ಯಾಹ್ನ ಕಟ್ಟೆಪೂಜೆ, ಕೆರೆಮಠದ ಸರೋವರಟ್ ತೆಪ್ಪೋತ್ಸವ, ಅವಭ್ರಥ, ಫೆ. 1 ತಾರೀಖ್ ಗ್ ಕಾಂಡೆ ಗಣಪತಿ ಯಾಗ, ವರಮಹಾಲಕ್ಷ್ಮೀ ಪೂಜೆ, ಮಹಾಮಂತ್ರಾಕ್ಷತೆ, ಫೆ. 2 ತಾರೀಖ್ ಗ್ ಆಶ್ಲೇಷ ಬಲಿ, ಬೈಯ್ಯ 7 ಗಂಟೆರ್ದ್ ಗೋಳಿಕಟ್ಟೆ ನಾಗಬನಟ್ ಹಾಲಿಟ್ಟು ಸೇವೆ, ದೇಗುಲಡ್ ಡಕ್ಕೆ ಬಲಿ ನಡಪರೆ ಉಂಡು ಪಂದ್ ವ್ಯವಸ್ಥಾಪನ ಸಮಿತಿ ಗುರ್ಕಾರ್ಲು ಪ್ರಕಾಶ್ ಜಿ. ಕೊಡವೂರು ಬೊಕ್ಕ ರಾಶಿ ಪೂಜಾ ಮಹೋತ್ಸವ ಸೇವಾ ಸಮಿತಿ ಗುರ್ಕಾರ್ಲು ಸಾಧು ಸಾಲ್ಯಾನ್ ತೆರಿಪಾದೆರ್.

ಬಲೆ ತುಳು ಲಿಪಿಟ್ ಪುದರ್ ಬರೆಲೆ.ಇನಾಮು ಗೆಂದುಲೆ

ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನದ ಆಶ್ರಯೊಡ್‌,ಜೈ ತುಳುನಾಡ್ ಸಂಘಟನೆ(ರಿ), ಹಳೆವಿದ್ಯಾರ್ಥಿ ಸಂಘ ಬೊಕ್ಕ ಯುವಕ‌ ಸಂಘ (ರಿ.) ಕೊಡವೂರು ಮೊಕ್ಲೆನ ಒತ್ತು ಸೇರಿಗೆಡ್ “ಬಲೆ ತುಳು ಲಿಪಿಟ್ ಪುದರ್ ಬರೆಲೆ ಇನಾಮು ಗೆಂದುಲೆ” ಕಜ್ಜೊ ಕೊಡವೂರು ಶಂಕರನಾರಾಯಣ ದೇವಸ್ಥಾನದ ಅಂಗಣೊಡ್ ನಡಪರೆಗುಂಡ್.

ತುಳು ಲಿಪಿ ಕಲ್ತುದ್ ಅಪ್ಪೆ ಬಾಸೆನ್ ಒರಿಪಾವೊಡ್ ಪನ್ಪಿನ ಧ್ಯೇಯೋದ್ಧೇಶ ದೀಯೊಂದ್ ಈ ಕಜ್ಜೊನ್‌ ಮಲ್ತೊಂದುಂಡ್.ಈ ಕಜ್ಜೊಡ್ ತುಳುನಾಡುದ ಬಂದುಲ್ ಪಾಲ್ ಪಡೆದ್ ತುಳು ಲಿಪಿಟ್ ಪುದರ್ ಬರೆಯೆರೆಗ್ ಕಲ್ತುದ್ ತುಳು ಬಾಸೆಗ್ ಮಾನಾದಿಗೆ ಸಂದಾವೊಡ್ ಪಂಡುದ್ ಜೈ ತುಳುನಾಡ್ ಸಂಘಟನೆ ಕೊಡವೂರುದ ಸಂಘಟಕೆರ್ ತುಳುವೆರೆಡ ಬಿನ್ನಪ ಮಲ್ತೊಂದೆರ್.