February 7, 2021

ಗಣರಾಜ್ಯ ದಿನ ಡಾ. ಬಿ. ಆರ್ ಅಂಬೇಡ್ಕರ್ ನ್ ನೆನೆಪುಗ – ವಿಜಯ್ ಕೊಡವೂರು

ಗಣರಾಜ್ಯ ದಿನದ ನಿಮಿತ್ತ ದೇಶ ಕಂಡ ಧೀಮಂತ ನಾಯಕ ಡಾ.ಬಿ.ಆರ್ ಅಂಬೇಡ್ಕರ್ ನ್ ನೆಂಪು ಮಲ್ಪುಗ ಅಂಚನೇ ಆರ್ ನಡತಿನ ತಾದಿ ಡೇ ನಡಪುಗ.ಅರೆಗಾಯಿನ ಬೇನೆ, ಅನ್ಯಾಯ ಬೇತೆ ಏರೆಗ್ಲಾ ಆಯೆರೆ ಬಲ್ಲಿ. ಆರ್ಜೀವನಪೂರ್ತಿ ಹೋರಾಟ ಮಲ್ದೆರ್ ,ಅಂಚನೇ ಜಾತಿ ಭೇದ ದೂರ ಮಲ್ತ್ ದ ಸಾಮರಸ್ಯಡ್ ಬದುಕೊಡು ಪನ್ಪಿನ ಸಂದೇಶ ನ್ ಕೊರ್ತೆರ್. ಉಂದೆನ್ ನಮ ಜೀವನ ಪೂರ್ತಿ ನೆಂಪು ಮಲ್ತೊಂದು ಸಾಗೊಡು.ಅಂಬೇಡ್ಕರ್ ಕೇವಲ ಒಂಜಿ ಜಾತಿಗ್ ಸೇರಿನ ವ್ಯಕ್ತಿಯತ್ತ್ ಪ್ರಪಂಚಗ್ ಮಾದರಿಯಾಯಿನ ಧೀಮಂತ ನಾಯಕೆ.

ಗಣರಾಜ್ಯೋತ್ಸವದ ಈ ಶುಭದಿನಟ್ ಪರಿಶಿಷ್ಟ ಜಾತಿ ಡ್ ಉಪ್ಪುನ ಕಡುಬಡವೆರೆಗ್ ಇಲ್ಲ್ ಕಟ್ಟುನ ಕಾರ್ಯಕ್ರಮಗ್ ಚಾಲನೆ ಕೊರ್ಪಿನ ಲೇಸ್ ದ ಭೂಮಿ ಪೂಜೆದ ಕಜ್ಜ ಡ್ ವಿಜಯ್ ಕೊಡವೂರು ಪಂಡೆರ್ .

ನನ 13 ಬೇತೆ ಬೇತೆ ಅನುದಾನಡ್ ನನಾತ್ ಇಲ್ಲ್ ಕಟ್ಟುನ ಕಾರ್ಯ ಕೊಡವೂರುಡು ನಡತೊಂದು ಉಂಡು. ಕೊಡವೂರುದ ಸಂಘ ಸಂಸ್ಥೆದ ಶ್ರಮದಾನ ಬೊಕ್ಕ ಸಹಕಾರಡ್ ಈ ಕಾರ್ಯ ನಡಪರೆ ಉಂಡು ಪಂದ್ ಪಂಡೆರ್.

ಈ ಪೊರ್ತುಡು ಕೊಡವೂರು ವಾರ್ಡ್ ಅಭಿವೃದ್ಧಿ ಸಮಿತಿ ಗುರ್ಕಾರಲಾಯಿನ ಪ್ರಭಾತ್ ಕೊಡವೂರು, ಉದ್ಯಮಿ ಜೀವನ್ ಪಾಳೆಕಟ್ಟೆ, ಅಶೋಕ್ ಶೆಟ್ಟಿಗಾರ್, ಚಂದ್ರಕಾಂತ್ ಶೆಟ್ಟಿಗಾರ್,ಉಮೇಶ್,ಮನೋಜ್ ಬೈಲಕೆರೆ, ವಿನಯ್ ಲಕ್ಷೀ ನಗರ ಪಾಲ್ ಪಡೆದಿತ್ತೆರ್.

ಫೆಬ್ರವರಿ 14 ಕ್ಕ್ “ಮಲ್ಲ ಸಂಗತಿಯೇ ಅತ್ತ್ ” ನಾಟಕದ ಶುಭ ಮುಹೂರ್ತ

ಶಾರದಾ  ಆರ್ಟ್ಸ್ ತಂಡದ ಐಸಿರಿ ಕಲಾವಿದೆರ್ ಮಂಜೇಶ್ವರ ಅಭಿನಯ ಮಲ್ಪುನ ಗಡಿನಾಡ ಕಲಾನಿಧಿ ಕೃಷ್ಣ ಜಿ. ಮಂಜೇಶ್ವರ ಸಾರಥ್ಯದ,ನಾಟಕ ರಚನೆ ಬೊಕ್ಕ ನಿರ್ದೇಶನ ಜೆ.ಪಿ. ತೂಮಿನಾಡು,ಪುಷ್ಪರಾಜ್ ಬೋಳಾರ್,ರವಿ ರಾಮಕುಂಜ ಅಭಿನಯ ಮಲ್ಪುನ “ಮಲ್ಲ ಸಂಗತಿಯೇ ಅತ್ತ್ “ ತುಳು ಹಾಸ್ಯಮಯ ನಾಟಕದ ಶುಭ ಮುಹೂರ್ತ ಲೇಸ್ ತಾರೀಖ್ 14//2021 ನೇ ಐತಾರ ಕಾಂಡೆ 10:30ಕ್ ಕಡಂಬಾರು ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಡ್ ನಡಪರೆ  ಉಂಡು.

ನಾಟಕ ದ ಬುಕಿಂಗ್ ಗಾದ್ ಲೆಪ್ಪು ಕೊರ್ಲೆ : 9388574326, 9895067426