ಹಳೆಯಂಗಡಿ : ಬಿಜೆಪಿದ ಜಿಲ್ಲಾಧ್ಯಕ್ಷೆರ್ ಜಗದೀಶ್ ಅಧಿಕಾರಿ ಇಂಚೊಗು ಬಿರುವೆರ್ನ ಸಮಾಜದ ಅಗ್ರಗಣ್ಯ ನಾಯಕೆರ್, ಕೇಂದ್ರದ ಮಾಜಿ ಸಚಿವೆರ್ ಜನಾರ್ದನ ಪೂಜಾರ್ಲೆನ್ ಅಂಚೆನೆ ಬಿರುವೆರ್ನ ಸಮಾಜ ಬೊಕ್ಕ ತುಳುನಾಡ್ದ ಆರಾಧ್ಯ ದೈವೊಲಾಯಿನ ಕೋಟಿ ಚೆನ್ನಯರೆನ್ ಅಪಮಾನ ಮಲ್ತಿನೆನ್ ಎಂಕುಲು ಖಂಡಿಸಾವ ಪಂಡ್ ದ್ ಸಸಿಹಿತ್ಲು ಬಿಲ್ಲವ ಸಂಘದ ಮಾಜಿ ಅಧ್ಯಕ್ಷೆರ್,ಬಿಲ್ಲವ ನಾಯಕೆರ್ ಆಯಿನ ಧನರಾಜ್ ಕೋಟ್ಯಾನ್ ಸಸಿಹಿತ್ಲು ಪನ್ತೆರ್.
ಜನಾರ್ದನ ಪೂಜಾರ್ಲು ಬಿರುವೆರ್ನ ಸಮಾಜದ ಬೊಲ್ಪು. ಆಂಡ ಜಗದೀಶ್ ಅಧಿಕಾರಿ ಇಂಚ ಪಾತೆರ್ದಿನ ಅರೆನ ಯೋಗ್ಯತೆನ್ ತೆರಿಪಾವುಂಡು. ಪೂಜಾರ್ಲೆನಂಚಿನ ಗಣ್ಯ ವ್ಯಕ್ತಿನ ವಿರುದ್ಧ ಇಂಚಿನ ಪಾತೆರ ಪನ್ಪಿನೆನ್ ಬಿರುವೆರ್ನ ಸಮುದಾಯ ಖಂಡಿಸಾವುಂಡು. ಇಂಚಿನ ವ್ಯಕ್ತಿ ಲೆರ್ದ್ ಸಮುದಾಯದಕುಲು ದಾಲ ಕಲ್ಪೊಡುಂದು ಇಜ್ಜಿ. ಜಗದೀಶ್ ಅಧಿಕಾರಿ ಬಹಿರಂಗ ಕ್ಷಮೆ ಕೇನೊಡು. ಇಜ್ಜಿಂಡ ಬಿರುವೆರ್ ಪ್ರತಿಭಟನೆ ಮಲ್ಪುನು ಅನಿವಾರ್ಯ ಆವು. ಬಿಜೆಪಿದ ಬಿರುವೆರ್ ಮನಿಪಂದೆ ಕುಲ್ಲಂದೆ ಅರೆನ್ ಪಕ್ಷೊರ್ದು ಉಚ್ಚಾಟನೆ ಮಲ್ಪೊಡು. ಉಂದೆತ್ತ ವಿಷಯೊಡು ಬಿಜೆಪಿದ ಜಿಲ್ಲಾಧ್ಯಕ್ಷೆರ್, ಶಾಸಕೆರ್ ಅಕ್ಲೆನ ಅಭಿಪ್ರಾಯೊನು ತೆರಿಪಾವೊಡು ಪಂಡ್ ದ್ ಧನರಾಜ್ ಕೋಟ್ಯಾನ್ ಪತ್ರಿಕೆಗ್ ಹೇಳಿಕೆ ಕೊರ್ತೆರ್.
pallavi shetty