ಕುಡ್ಲ : ಮೇ 31 ರ್ದ್ ಜೂನ್ 6 ಮುಟ್ಟ ನಡಪರೆ ಉಪ್ಪುನ ಲಕ್ಷ ದ್ವೀಪ ಪ್ರಯಾಣದ ಯಕ್ಷಧ್ರುವ ಸಮುದ್ರಯಾನದ ಉದ್ಘಾಟನೆ ಬಲ್ಲಾಲ್ ಭಾಗ್ ಬಳಿ ಪತ್ತುಮುಡಿ ಸೌಧಡ್ ನಡತ್ಂಡ್.
ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್ ದ ಮಹಾದಾನಿ ಬರೋಡ ಶಶಿಧರ ಶೆಟ್ಟಿ ಮೇರ್, ಯಕ್ಷಧ್ರುವ ಸಮುದ್ರ ಯಾನದ ಬ್ಯಾನರ್ನ್ ಅನಾವರಣ ಮಲ್ತ್ದ್ ಲೇಸ್ ಉದಿಪನ ಮಲ್ತೆರ್.
ಭವಾನಿ ಶಿಪ್ಪಿಂಗ್ ಸರ್ವಿಸಸ್ ಮುಂಬಯಿದ ಸಂಪೂರ್ಣ ಸಹಕಾರಡ್ ಯಕ್ಷಧ್ರುವ ಪಟ್ಲ ಫೌಂಡೇಶನ್ ಅಂಚೆನೆ ತ್ರಿರಂಗ ಸಂಗಮ ಮುಂಬಯಿ ಮೊಕ್ಲೆನ ಸಂಯೋಜನೆಡ್ ಫೌಂಡೇಶನ್ ದ ಸದಸ್ಯೆರ್ ,ಊರುದ, ಬೊಂಬೈದ ಅಂಚೆನೆ ಪರದೇಸದ ಹಿತೈಷಿಲೆನ್ ಶಿಪ್ಡ್ ಕುಲ್ಲಾದ್ ಒಂಜಿ ಕಡೆಟ್ ಸೇರಾದ್ ಯಕ್ಷಗಾನ, ತಾಳಮದ್ದಲೆ ಸಹಿತ ಬೇತೆ ಬೇತೆ ಸಾಂಸ್ಕೃತಿಕ ಕಾರ್ಯಕ್ರಮಕ್ಲೆನ್ ಆಯೋಜನೆ ಮಲ್ತ್ದ ಪಂದ್ ಬರೋಡ ಶಶಿಧರ ಶೆಟ್ಟಿ ತೆರಿಪಾಯೆರ್.
ಮೇ 31 ಕ್ಕ್ ಕುಡ್ಲರ್ದ್ ಮುಂಬೈಗ್ ಪೋದು ಜೂನ್ 1 ಕ್ಕ್ ಶಿಪ್ಡ್ ಲಕ್ಷದ್ವೀಪಗ್ ಪೋದು ಜೂನ್ 6 ಕ್ಕ್ ಕುಡ್ಲಗ್ ವಾಪಾಸ್ ಬರ್ಪುಂಡು . ಪ್ರಯಾಣದ ದರನ್ ನಿಗದಿಯಾತ್ಂಡ್. ಬರ್ಪಿನ ವರ್ಷ ವಿಮಾನಯಾನ ಕಾರ್ಯಕ್ರಮ ಮಲ್ಪುನ ಯೋಚನೆ ಉಂಡು ಪಂದ್ ಬರೋಡ ಶಶಿಧರ ಶೆಟ್ಟಿ ತೆರಿಪಾಯೆರ್.
ಪಟ್ಲ ಫೌಂಡೇಶನ್ ಟ್ರಸ್ಟ್ ಸ್ಥಾಪಕಾಧ್ಯಕ್ಷೆರಾಯಿನ ಪಟ್ಲ ಸತೀಶ್ ಶೆಟ್ಟಿ ಪಾತೆರ್ದ್, ಯಕ್ಷಧ್ರುವ ಸಮುದ್ರಯಾನ ಬರೋಡ ಶಶಿಧರ ಶೆಟ್ರೆನ ಕಲ್ಪನೆ ಪಂದ್ ಪಂಡೆರ್. ಸಮುದ್ರಯಾನಡ್ ಡಾ. ಕನ್ಯಾನ ಸದಾಶಿವ ಶೆಟ್ಟಿ, ಎಂಆರ್ ಜಿ ಗ್ರೂಪ್ ದ ಎಂಡಿ ಡಾ. ಕೆ ಪ್ರಕಾಶ್ ಶೆಟ್ಟಿ, ಭವಾನಿ ಶಿಪ್ಪಿಂಗ್ ದ ಆಡಳಿತ ನಿರ್ದೇಶಕೆ ಕುಸುಮೋದರ ಡಿ ಶೆಟ್ಟಿ ಸೇರ್ದ್ ಮಸ್ತ್ ಗಣ್ಯೆರ್ ಪಾಲ್ ಪಡೆವೆರ್ ಪಂದ್
ಪಟ್ಲ ಸತೀಶ್ ಶೆಟ್ಟಿ ತೆರಿಪಾಯೆರ್.
ಸಮುದ್ರಯಾನದ ಬಗೆಟ್ಟ್ ತ್ರಿರಂಗ ಸಂಗಮದ ಸಂಚಾಲಕೆ ಕರ್ನೂರು ಮೋಹನ್ ರೈ ಬೊಕ್ಕ ಟ್ರಸ್ಟ್ ನ ಪ್ರಧಾನ ಕಾರ್ಯದರ್ಶಿ ಪುರುಷೋತ್ತಮ ಭಂಡಾರಿ ಅಡ್ಯಾರ್ ಮಾಹಿತಿ ಕೊರಿಯೆರ್.
ಮೇ 30 ಗು ಪಟ್ಲ ಸಂಭ್ರಮ
ಮೇ 30 ರಂದು 11 ನೇ ವರ್ಷದ “ಪಟ್ಲ ಸಂಭ್ರಮ” ಕಾರ್ಯಕ್ರಮ ನಡಪರೆ ಉಂಡು. ಕಾರ್ಯಕ್ರಮದ ಕುರಿತು ರೂಪುರೇಷೆ ತಯಾರ್ ಮಲ್ತ್ದ್ ಮಾತಾ ಘಟಕದಕ್ಲೆಗ್ ಜವಾಬ್ದಾರಿ ಕೊರ್ರೆ ಉಂಡು ಪಂದ್ ಪಂಡೆರ್.
ಸಭೆಟ್ಟ್ ಟ್ರಸ್ಟ್ ದ ಕೋಶಾಧಿಕಾರಿ ಸಿಎ ಸುದೇಶ್ ಕುಮಾರ್ ರೈ, ಸಂಘಟನಾ ಕಾರ್ಯದರ್ಶಿ ಪ್ರದೀಪ್ ಆಳ್ವ ಕದ್ರಿ, ಬಾಳ ಜಗನ್ನಾಥ ಶೆಟ್ಟಿ, ಜೊತೆ ಕಾರ್ಯದರ್ಶಿ ರವಿಚಂದ್ರ ಶೆಟ್ಟಿ, ಉದಯಕುಮಾರ್ ಶೆಟ್ಟಿ ಪಾಲ್ ಪಡೆದಿತ್ತೆರ್. ಸರಪಾಡಿ ಅಶೋಕ ಶೆಟ್ಟಿ, ಪ್ರಭಾಕರ ಜೋಷಿ, ಭುಜಬಲಿ ಮೊಕುಲು ತನ್ನ ಅಭಿಪ್ರಾಯ ತೆರಿಪಾಯೆರ್.