ಸುರತ್ಕಲ್ : ತುಳುನಾಡ್ದ ಕಾರ್ಣಿಕದ ಕ್ಷೇತ್ರ ಸುರತ್ಕಲ್ ಕೈತಲ್ದ ಪಡ್ರೆ ಶ್ರೀ ಧೂಮಾವತಿ ದೈವಸ್ಥಾನದ ವಾರ್ಷಿಕ ಜಾತ್ರೆದ ಲೆಪ್ಪೋಲೆನ್ ದೈವಸ್ಥಾನದ ವಠಾರಡ್ ಗಡಿ ಪ್ರಧಾನೆರ್ ಬಾಬು ಭಂಡ್ರಿಯಾಲ್ ಬಿಡುಗಡೆ ಮಲ್ತೆರ್.
ದೈವಸ್ಥಾನದ ಆಡಳಿತ ಮಂಡಳಿ ಉಪಾಧ್ಯಕ್ಷೆರಾಯಿನ ಲೋಕಯ್ಯ ಶೆಟ್ಟಿ ಮುಂಚೂರು, ಸತೀಶ್ ಮುಂಚೂರು, ಪ್ರಧಾನ ಕಾರ್ಯದರ್ಶಿ ಲತೀಶ್ ಶೆಟ್ಟಿ ಪಡ್ರೆ, ಸಹ ಕಾರ್ಯದರ್ಶಿ ಮುಖೇಶ್ ಶೆಟ್ಟಿ ಪಡ್ರೆ, ಯತೀಶ್ ಪಡ್ರೆ, ದಿವಾಕರ್ ಶೆಟ್ಟಿ ಪಡ್ರೆ, ಬಂಟ ಪೂಜಾರಿ ಮುಕ್ಕ ಮೊಕುಲು ಸಭೆಟ್ಟ್ ಪಾಲ್ ಪಡೆದಿತ್ತೆರ್.
ಮಾರ್ಚ್ 2 ತಾರೀಕ್ಗ್ ಪಡ್ರೆ ಶ್ರೀ ಧೂಮಾವತಿ ಭಂಟ ದೈವೊಲೆನ ಭಂಡಾರ ಮುಕ್ಕ ಭಂಡಾರದಿಲ್ಲರ್ದ್ ಪಿದಡ್ದ್ ಪಡ್ರೆ ಶ್ರೀ ಧೂಮಾವತಿ ದೈವಸ್ಥಾನಡ್ ಕೊಡಿ ಏರ್ದ್ ತುಡರ ಬಲಿ ನಡಪರೆ ಉಂಡು
ಮಾರ್ಚ್ 3 ಕ್ಕ್ ಮಧ್ಯಾಹ್ನ ಶ್ರೀಧರ್ ಕೆ . ಅಮೀನ್ ಮಂಗಳೂರು ಮೆರೆನ ಸ್ಮರಣಾರ್ಥ ಸಾರ್ವಜನಿಕ ಅನ್ನ ಸಂತರ್ಪಣೆ ನಡಪರೆ ಉಂಡು. ಅವೇ ದಿನ ರಾತ್ರೆ ಪೂತ್ತ ಪೂಜೆ, ಕಾಲಾವಧಿ ಜಾತ್ರೆ ನಡಪರೆ ಉಂಡು.
ಮಾ.4 ಬಯ್ಯಡ್ ಬಾಕಿ ಮಾರ್ ಚೆಂಡ್, ತುಡರ ಬಲಿ ಆದ್ ಕೊಡಿ ಜಾದ್ ಭಂಡಾರ ಪಿರ ಪೋವರೆ ಉಂಡು ಪಂದ್ ದೈವಸ್ಥಾನದ ಪ್ರಕಟಣೆ ತೆರಿಪಾದ್ಂಡ್.