ಮುಲ್ಕಿ: ಕಟೀಲ್ ಕೈತಲ್ದ ಶ್ರೀ ಕೊಂಡೇಲ್ತಾಯ ದೈವೊಲ್ಯಡ್ ಶ್ರೀ ಕೊಂಡೇಲ್ತಾಯ, ಶ್ರೀ ರಕ್ತೇಶ್ವರೀ ಬೊಕ್ಕ ಶ್ರೀ ಪಂಜುರ್ಲಿ ದೈವೊಲೆನ ಪ್ರತಿಷ್ಠೆ ಬೊಕ್ಕ ಕಲಶಾಭಿಷೇಕ ಸಿತ್ಲ ರಾಮಚಂದ್ರ ರಾವ್ ಪೌರೋಹಿತ್ಯಡ್, ವಿನಾಯಕ ಕಾರಂತ ಮೆರೆನ ಮುತಾಲಿಕೆಡ್ ಸಂಪನ್ನ ಆಂಡ್.
ಬುಧಾರ ಬೊಲ್ಪುಗು ಗಣಪತಿ ಹೋಮ, ದೈವೊಲೆನ ಕಲಶಾಧಿವಾಸ, ಆಧಿವಾಸ ಹೋಮ, ಶ್ರೀ ಕೊಂಡೇಲ್ತಾಯ ಬೊಕ್ಕ ಪರಿವಾರ ದೈವೊಲೆಗ್ ಪ್ರತಿಷ್ಠೆ ಕಲಶಾಭಿಷೇಕ, ಶಿಖರ ಪ್ರತಿಷ್ಠೆ, ದೈವೊದ ದರ್ಶನ ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ, ಪಲ್ಲ ಪೂಜೆ ನಡತ್ಂಡ್.
ಈ ಪೊರ್ತುಡು ಜೀರ್ಣೋದ್ಧಾರ- ಬ್ರಹ್ಮಕಲಶ ಉಚ್ಚಯ ಸಮಿತಿದ ಪ್ರಧಾನ ಸಂಚಾಲಕೆರ್ ಕೊಂಡೇಲಗುತ್ತು ಎ. ಜಯರಾಮ ಶೆಟ್ಟಿ, ದೈವೊಲ್ಯದ ಆಡಳಿತ ಸಮಿತಿ ಗುರ್ಕಾರೆ ಲೋಕಯ್ಯ ಸಾಲ್ಯಾನ್ ಕೊಂಡೇಲ, ಜೀರ್ಣೋದ್ಧಾರ ಸಮಿತಿ ಪ್ರಧಾನ ಕಾರ್ಯದರ್ಶಿ ಈಶ್ವರ ಕಟೀಲ್, ಕೋಶಾಧಿಕಾರಿ ಕಿರಣ್ ಕುಮಾರ್ ಶೆಟ್ಟಿ, ದೊಡ್ಡಯ್ಯ ಶೆಟ್ಟಿ, ಪ್ರಶಾಂತ್ ದೇವಾಡಿಗ, ಅಭಿಲಾಷ್ ಶೆಟ್ಟಿ, ವಿಖೇಶ್ ಕೋಟ್ಯಾನ್, ಜಯಶೀಲ ಶೆಟ್ಟಿ ಪಾಲ್ ಪಡೆದಿತ್ತೆರ್.
pallavi shetty