ಫೆ.23-25: ಪಡ್ರೆ ಜುಮಾದಿ ದೈವೊಲ್ಯಡ್ ಕಾಲಾವಧಿ ಜಾತ್ರೆ

ಸುರತ್ಕಲ್: ಪಡ್ರೆ ಶ್ರೀ ಜುಮಾದಿ ದೈವೊಲ್ಯಡ್ ಫೆ.23-25 ಮುಟ್ಟ ಕಾಲಾವಧಿ ಜಾತ್ರೆ ನಡಪರೆ ಉಂಡು.

ಫೆ.23 ಸುಕ್ರಾರ ರಾತ್ರೆ ಮುಕ್ಕ ಭಂಡಾರದ ಇಲ್ಲರ್ದ್
ಪಡ್ರೆ ಶ್ರೀ ಜುಮಾದಿ ಬಂಟ ದೈವೊಲೆನ ಭಂಡಾರ ಬತ್ತ್ ದ್, ಪಡ್ರೆ ಸಾನೊಡು ಕೊಡಿ ಏರಿಯೆರೆ ಉಂಡು. ಬೊಕ್ಕ ದೀಪಾರಾಧನೆ ಬಲಿ ನಡಪರೆ ಉಂಡು.

ಫೆ.24 ಸನಿಯಾರ ಬೊಲ್ಪುರ್ದ್ ಬಯ್ಯ ಮುಟ್ಟ ಸಾರ್ವಜನಿಕ ಅನ್ನ ಪ್ರಸಾದ ಸೇವೆ, ರಾತ್ರೆ ಪೂತ್ತ ಪೂಜೆ, ಕಾಲಾವಧಿ ಜಾತ್ರೆ ನಡಪರೆ ಉಂಡು.

ಫೆ‌.25 ಐತಾರ ಬಯ್ಯಗ್ ಬಾಕಿಮಾರು ಚೆಂಡ್, ರಾತ್ರೆ ದೀಪಾರಾಧನೆ, ಬಲಿ, ಕೊಡಿ ಜಾವೆರೆ, ಬೊಕ್ಕ ಭಂಡಾರ ಪೋವೆರೆ ಉಂಡು.

ಈ ಲೇಸ್ ಡ್ ಭಕ್ತೆರ್ ಮಾತೆರ್ಲಾ ಪಾಲ್ ಪಡೆದ್, ಗಂಧ ಪ್ರಸಾದ ದೆತೊಂದು ಶ್ರೀ ಜುಮಾದಿ ದೈವೊದ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಪಡ್ರೆ ಜುಮಾದಿ ದೈವೊಲ್ಯದ ಆಡಳಿತ ಸಮಿತಿದ ಗುರ್ಕಾರೆ, ಸರ್ವಸದಸ್ಯೆರ್ ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.