ಗೇರುಕಟ್ಟೆ :ಕೊರಂಜ ಶಾಲೆದ ಶಾಲಾಭಿವೃದ್ದಿ ಸಮಿತಿ ಅಧ್ಯಕ್ಷೆರಾದ್ ಹರೀಶ್ ಕುಮಾರ್ ಪುನಾರಯ್ಕೆ

ಗೇರುಕಟ್ಟೆ: ಕೊರಂಜ ಸರಕಾರಿ ಉನ್ನತೀಕರಿಸಿದ ಪ್ರಾಥಮಿಕ ಶಾಲೆದಾ ದುಂಬುದ ಮೂಜಿ ವರ್ಷದ ಅವಧಿಗ್ ಶಾಲಾಭಿವೃದ್ದಿ ಬೊಕ್ಕ ಮೇಲುಸ್ತುವಾರಿ ಸಮಿತಿನ್ ಗ್ರಾಮ ಪಂಚಾಯತ್ ಅಧ್ಯಕ್ಷೆರಾಯಿನ ದಿವಾಕರ ಎಮ್ ಮೇರೆನ ಅಧ್ಯಕ್ಷತೆಡ್ ನಡತ್ಂಡ್.

ದುಂಬುದ ಮೂಜಿ ವರ್ಷದ ಅವಧಿಗ್ ವಿದ್ಯಾರ್ಥಿಲೆನ ಅನುಪಾತದಂಚ ಪರಿಶಿಷ್ಟ ಜಾತಿ/ಪಂಗಡ,ಅಲ್ಪಸಂಖ್ಯಾತ, ಮಹಿಳಾ ಬೊಕ್ಕ ಸಾಮಾನ್ಯ ಮೀಸಲಾತಿದಂಚ 18 ಜನ ಪೋಷಕ ಪ್ರತಿನಿಧಿಲೆನ್ ಪೋಷಕೆರ್ ಆಯ್ಕೆ ಮಲ್ತೆರ್.

ಪೋಷಕ ಪ್ರತಿನಿಧಿಲೆನ ಪೈಕಿ ಕೈ ದೆರ್ಪುನ ಮುಖೆನ 14 ಜನ ಹರೀಶ್ ಕುಮಾರ್ ಗ್ 4 ಜನ ಸತೀಶ್ ಭಂಡಾರಿಗ್ ಕೈ ದೆರ್ತೆರ್. ಅಂಚಾದ್ ಹರೀಶ್ ಕುಮಾರ್ ಅಧ್ಯಕ್ಷೆರಾದ್ ಪುನರಾಯ್ಕೆ ಆಯೆರ್.
ಉಪಾದ್ಯಕ್ಷೆರಾದ್ ಮುನೀರಾ ಬಟ್ಟೆಮಾರು ಅವಿರೋಧ ಆಯ್ಕೆಯಾಯೆರ್.

ಸಭೆಟ್ಟ್ ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ಅಬ್ದುಲ್ ಕರೀಮ್,ಶ್ರೀಮತಿ ಶ್ವೇತಾ,ನಾಳ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಅಧ್ಯಕ್ಷೆರ್ ಭುವನೇಶ್ ಜಿ, ಮಾಜಿ ಶಾಲಾಭಿವೃದ್ದಿ ಸಮಿತಿ ಸದಸ್ಯೆರ್,ಪೋಷಕೆರ್, ಶಾಲಾ ಶಿಕ್ಷಕೆರ್ ಇತ್ತೆರ್.

ಮುಖ್ಯೋಪಾದ್ಯಾಯೆ ಶ್ರೀಮತಿ ಶಾಂತ ಎಸ್ ಶಾಲಾಭಿವೃದ್ದಿ ಸಮಿತಿದ ರಚನಾ ನಡವಳಿನ್ ಸಭೆಗ್ ಓದುದು ತೆರಿಪಾಯೆರ್. ಕೃಷ್ಣಪ್ರಸಾದ್ ಮಾತೆರೆನ್ ಎದ್ಕೊಂದು, ದೈಹಿಕ ಶಿಕ್ಷಕೆರ್ ರವಿರಾಜ್ ಕಾರ್ಯಕ್ರಮದ ಸುದಾರಿಕೆ ಮಲ್ತೆರ್,ಶಿಕ್ಷಕಿ ಶ್ರೀಮತಿ ಅನುರಾಧ ಬಿ.ಸಿ ಸೊಲ್ಮೆ‌ ಸಂದಾಯ ಮಲ್ತೆರ್.