ಜಂಬೂಸರ್: ಅರಬ್ಬೀ ಸಮುದ್ರಡ್ 100 ಕೆಜಿರ್ದ್ ಎಚ್ಚ ದಿನ್ನದ ಹರಳ್ ದ ಶಿವಲಿಂಗ ಮೀನುಗಾರೆರೆನ ಬಲೆಕ್ಕ್ ಬೂರ್ದಿರಿನ ಘಟನೆ ಭರೂಚ್ ಜಿಲ್ಲೆದ ಜಂಬೂಸರ್ ತಾಲೂಕ್ ದ ಕವಿ ಗ್ರಾಮಡ್ ನಡತ್ಂಡ್.
ಮೀನುಗಾರೆರೆನ ಬಲೆಟ್ಟ್ 100 ಕೆಜಿರ್ದ್ ಎಚ್ಚ ತೂಕದ ರಡ್ಡರೆ ಅಡಿ ಎತ್ತರದ ಶಿವಲಿಂಗ ತೂದು ಅಲ್ಪದ ಜನ ಆಶ್ಚರ್ಯ ಆತೆರ್.
ಛಗನ್ ಸೋಮ ವಘೇಲಾ ಮೆರೆಗ್ ಸೇರಿನ ಬೋಟುಡ್ ಕಾಳಿದಾಸ್ ವಘೇಲಾ, ಮಂಗಲ್ ಕಾಳಿದಾಸ್ ಫಕೀರಾ ಸೇರಿನಂಚೆನೆ ಸುಮಾರ್ 12 ಜನ ಮೀನುಗಾರೆರ್ ಕಡಲ್ ಡ್ ಮೀನುಗಾರಿಕೆ ಮಲ್ಪೆರೆ ಬಲೆ ಪಾಡ್ದಿತ್ತೆರ್. ಈ ಪೊರ್ತುಡು ಮೊಕ್ಲೆನ ಬಲೆಟ್ಟ್ ಶಿವಲಿಂಗ ಪತ್ತೆ ಆತ್ಂಡ್.
ಈ ಇಸಯ ತೆರಿದ್ ಭರೂಚ್ ಗ್ ಬತ್ತಿನ ಜಿಲ್ಲಾಡಳಿತ ಈ ಶಿವಲಿಂಗನ್ ವಾ ಶಿಲೆರ್ದ್ ನಿರ್ಮಾಣ ಮಲ್ದೆರ್ ಪನ್ಪುನೆನ್ ಪರಿಶೀಲನೆ ಮಲ್ತೊಂದು ಉಲ್ಲೆರ್. ಉಂದೆನ್ ತಯಾರ್ ಮಲ್ತಿನ ಕಲ್ಲ್ ಕೈತಲ್ದ ಒವು ರಾಜ್ಯಡ್ ಉಂಡು ಪನ್ಪುನೆನ್ ನಾಡ್ ಪತ್ತುನ ಬೇಲೆ ನಡತೊಂದು ಉಂಡು.
pallavi shetty