ದೇವೆರೆನ ಆರಾಧನೆರ್ದ್ ಗ್ರಾಮಡ್ ಸುಖ, ಶಾಂತಿ, ನೆಮ್ಮದಿ: ಅರ್ಚಕೆರ್ ನರಸಿಂಹ ಭಟ್

ಬಪ್ಪನಾಡ್ ದೇವಲ್ಯಡ್ ಮೂಡುವಲು ಉತ್ಸವ, ಎಕ್ಕ ಭಜನೆ

ಮುಲ್ಕಿ: ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ಸೇವಾ ಯುವಕ ವೃಂದದ ಮುತಾಲಿಕೆಡ್ 48 ನೇ ವಾರ್ಷಿಕ ಭಜನಾ ಮಂಗಲೋಚ್ಚಯ ಬೊಕ್ಕ ಶ್ರೀ ಕ್ಷೇತ್ರ ಬಪ್ಪನಾಡ್ ದ ಮೂಡುವಲು ಉಚ್ಚಯದ ಲೆಕ್ಕೊಡು ಏಕಾಹ ಭಜನಾ ಲೇಸ್ ನಡತ್ಂಡ್.

ಈ ಲೇಸ್ ಡ್ ಅರ್ಚಕೆರ್ ನರಸಿಂಹ ಭಟ್ ತುಡರ್ ಅರ್ಲಾದ್ ಪಾತೆರ್ದ್, ಯುವ ಸಂಘಟನೆ ಮುಕೇನ ದೇವೆರೆನ ಆರಾಧನೆರ್ದ್ ಗ್ರಾಮಡ್ ಸುಖ, ಶಾಂತಿ, ನೆಮ್ಮದಿದ ಮುಕೇನ ಅಭಿವೃದ್ಧಿ ಸಾಧ್ಯ ಪಂದ್ ಪಂಡೆರ್.

ಈ ಪೊರ್ತುಡು ದೇವಲ್ಯದ ಅನುವಂಶಿಕ ಮೊಕ್ತೇಸರೆರ್ ದುಗ್ಗಣ್ಣ ಸಾವಂತ ಅರಸೆರ್, ಆಡಳಿತ ಮೊಕ್ತೇಸರೆರ್ ಎನ್.ಎನ್ ಮನೋಹರ ಶೆಟ್ಟಿ, ಕಾರ್ಯ ನಿರ್ವಾಹಣಾಧಿಕಾರಿ ಬಿ.ಜಯಮ್ಮ, ಉದ್ಯಮಿ ಜೀವನ್ ಶೆಟ್ಟಿ ಕಾರ್ನಾಡ್, ಸುನಿಲ್ ಆಳ್ವ, ನಾರಾಯಣ ದೇವಾಡಿಗ, ಯುವಕ ವೃಂದದ ಗುರ್ಕಾರೆ ಪುರಂದರ ಸಾಲ್ಯಾನ್, ಮಹಿಮ್ ಹೆಗ್ಡೆ, ಗಿರೀಶ್ ಮೆಂಡನ್, ಲಲಿತ್ ಕರ್ಕೇರ ಪಾಲ್ ಪಡೆದಿತ್ತೆರ್.