ಕೇಂದ್ರ ಬಜೆಟ್ 2024 ಹೈಲೈಟ್ಸ್

ಕೇಂದ್ರ ಸರಕಾರದ ಮಧ್ಯಂತರ ಬಜೆಟ್ ಗುರುವಾರ ಮಂಡನೆ ಆತ್ಂಡ್. ಕೇಂದ್ರದ ಪನವುದ ಸಚಿವೆರ್ ನಿರ್ಮಲಾ ಸೀತಾರಾಮನ್ ಕರಿನ ಸರ್ತಿಲೆಕ್ಕ ಈ ಸರ್ತಿಲ ಪೇಪರ್ ಲೆಸ್ ಬಜೆಟ್ ಮಂಡಿಸಾದೆರ್.

ಕಾಂಡೆ 11 ಗಂಟೆಗೆ ಕೇಂದ್ರದ ಬಜೆಟ್ ಮಂಡನೆ ಸುರುವಾದ್ 12 ಗಂಟೆದ ಪೊರ್ತುಡು ಮುಗಿತ್ಂಡ್. ಈ ಮುಕೇನ ಮೊರಾರ್ಜಿ ದೇಸಾಯಿರ್ದ್ ಬೊಕ್ಕ ಸತತ 6 ನೇ ಸರ್ತಿ ಬಜೆಟ್ ಮಂಡನೆ ಮಲ್ತಿನ ವಿತ್ತ ಮಂತ್ರಿಯಾದ್ ದಾಖಲೆ ಬರೆತೆರ್. ಅತ್ತಂದೆ, 2019ರ್ದ್ ಇಡೇ ಪೂರ್ಣಾವಧಿ ವಿತ್ತ ಮಂತ್ರಿಯಾದ್ ಬೇಲೆ ಮಲ್ತಿನ ದೇಶದ ಸುರುತ್ತ ಮಹಿಳೆ ಪನ್ಪಿನ ಪುಗರ್ತೆ ಪಡೆತ್ತೆರ್.

ಬಜೆಟ್ ಹೈಲೈಟ್ಸ್:

– ಆಯುಷ್ಮಾನ್ ಭಾರತ್ ಯೋಜನೆಡ್ ಆಶಾ ಕಾರ್ಯಕರ್ತೆರೆಗ್, ಅಂಗನವಾಡಿ ಕಾರ್ಯಕರ್ತೆರೆಗ್ ಬೊಕ್ಕ ಸಹಾಯಕೆರೆಗ್ ಆರೋಗ್ಯ ರಕ್ಷಣೆ ಸೇವೆ

– ವರ್ಷೊಗು 7 ಲಕ್ಷ ರೂ. ಆದಾಯ ಇಪ್ಪುನಕ್ಲೆಗ್ ಟ್ಯಾಕ್ಸ್ ಫ್ರೀ, ಆದಾಯ ತೆರಿಗೆ ಸ್ಲ್ಯಾಬ್‌ಡ್ ಒವ್ವೇ ಬದಲಾವಣೆ ಇಜ್ಜಿ

– ಲಕ್ಷದ್ವೀಪಡ್ ಪ್ರವಾಸೋದ್ಯಮ ಮೂಲಸೌಕರ್ಯಗ್ ಅಭಿವೃದ್ಧಿಗ್ ವ್ಯವಸ್ಥೆ

– 9-14 ವರ್ಷದ ಪೊಂಜೋಕ್ಲೆಗ್ ಫ್ರೀ ವ್ಯಾಕ್ಸಿನೇಷನ್

– ಬೇತೆ ಬೇತೆ ಸಿಟಿಕ್ಕ್ ಲ ಮೆಟ್ರೋ ರೈಲ್ ವಿಸ್ತರಣೆ

– ಎಲೆಕ್ಟ್ರಿಕ್ ಗಾಡಿಲೆಗ್ ಉತ್ತೇಜನ

– ಒಂಜಿ ಕೋಟಿ ಇಲ್ಲ್‌ಲೆಗ್ ಪ್ರತಿ ತಿಂಗೊಲ್ 300 ಯೂನಿಟ್ ಫ್ರೀ ಸೋಲಾರ್ ಕರೆಂಟ್ ಫ್ರೀ