ಪಡ್ಡಾಯಿ ಬಂಗಾಳ ದೇಶದ ದುರ್ಗಾಪೂಜೆಡ್ ದೈವೊಲೆನ ಥೀಮ್, ವಿರೋಧ ಮಲ್ತಿನ ತುಳುವೆರ್

ಕಾಂತಾರ ಬತ್ತಿಬೊಕ್ಕ ಮಾತೆಕ್ಲಾ ದೈವೊಲೆನ್ ಒಯ್ತ್ ಕನ್ಪಿನವು ಫ್ಯಾಶನ್ ಆತ್ಂಡ್. ಗುಂಡದುಲಾಯಿ ಕಾಲಿ ತುಳುವೆರೆ ನಡುಟು ಇತ್ತಿನ ದೈವೊಲೆನ್ ಇತ್ತೆ ಒಟ್ಟಾರೆ ಮಾತೆಕ್ಲಾ ಗಲಸೊಂದುಲ್ಲೆರ್. ಇಂಚೊಗು ಕನ್ನಡಿಗೆ ಒರಿ ದೈವದ ಥೀಮ್ದ ಗಣಪತಿನ ಮೂರ್ತಿ ಮಲ್ದಿತ್ತೆ. ಇತ್ತೆ ದೂರದ ಪಡ್ಡಾಯಿ ಬಂಗಾಳೊಡು ದೈವೊಲೆನ ಥೀಮ್ ದೀದ್ ದುರ್ಗಾ ಪೆಂಡಾಲ್ ಮಲ್ತೊಂದುಲ್ಲೆರ್.
ಉಂದೆಕ್ ಸುಮಾರ್ ತುಳುವೆರ್ ಅಂಚೆನೆ ತೆರಿದಿನಕುಲು ವಿರೋಧ ಮಲ್ತೊಂದುಲ್ಲೆರ್. ತುಳುವೆರೆನ ವಿರೋಧದ ದುನಿಪು ಎತ್ತುನಡೆ ಎತ್ತೊಂದಿಜ್ಜಿ. ಎತ್ತ್ಂಡಲ ಕೇನುನ ಕೆಬಿಕುಲು ಕೆಪ್ಪಾತ್ಂಡ್. ಕಲ್ಜಿಗೊಡು ಪವಿತ್ರವಾಯಿನ ದೈವಾರಾಧನೆನ್ ತಾದಿಗ್ ಕನತಿನಕಲೆನ್ಲಾ ತುಳುವೆರೇ ಸಮರ್ಥನ ಮಲ್ಪುನಗ ಎಂಕುಲು ಏತ್ ದೊಂಡೆ ಬಿಚ್ಚಾಂಡಲ ಆತೆ ಪಂದ್ ತುಳುವೆರ್ ಪನೊಂದುಲ್ಲೆರ್.