ಅ.16-18: ಕಲ್ಲಮುಂಡ್ಕೂರು ಸಾರ್ವಜನಿಕ ಶ್ರೀ ಶಾರದೋತ್ಸವ ಸೇವಾ ಸಮಿತಿದ ಸುರುತ್ತ ವರ್ಷೊದ ಮಾರ್ನೆಮಿ ಉಚ್ಚಯ

ಬಾನಂಗಡಿ: ಕಲ್ಲಮುಂಡ್ಕೂರು ಸಾರ್ವಜನಿಕ ಶ್ರೀ ಶಾರದೋತ್ಸವ ಸೇವಾ ಸಮಿತಿದ ಸುರುತ್ತ ವರ್ಷೊದ ಮಾರ್ನೆಮಿ ಉಚ್ಚಯ ಅ.16-18 ಮುಟ್ಟ ನಡಪುಂಡು.

ಈ ಉಚ್ಚಯ ಮಾಲ್ದಬೆಟ್ಟು ಜಯಪ್ರಕಾಶ್ ಪಡಿವಾಳ್ ಮೆರೆನ ಮುತಾಲಿಕೆಡ್, ದೈಲಬೆಟ್ಟು ಶ್ರೀಧರ ಭಟ್ ಮೆರೆನ ಪೌರೋಹಿತ್ಯಡ್ ಗೌಜಿಡ್ ನಡತೊಂದು ಉಂಡು.

ಅ.16 ಸೋಮಾರ ಶ್ರೀ ಶಾರದ ದೇವಿನ ಮೂರ್ತಿನ್ ಕುದ್ರಿಪದವುರ್ದ್ ಮೆರವಣಿಗೆಡ್ ಕನತ್ ದ್ ಬೊಲ್ಪುಗು ಗಣಹೋಮ, ಶ್ರೀ ಶಾರದ ದೇವಿನ ಪ್ರತಿಷ್ಠಾಪನೆ, ಭಜನೆ, ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಡ್ಯಾನ್ಸಿಂಗ್ ಸ್ಟಾರ್ಸ್ ಕಲ್ಲಮುಂಡ್ಕೂರು ಮೊಕ್ಲೆರ್ದ್ ಸಾಂಸ್ಕೃತಿಕ ಲೇಸ್ ನಡತ್ಂಡ್.

ಅ.17 ಅಂಗಾರೆ ಬೊಲ್ಪುಗು ಭಜನೆ, ಮಧ್ಯಾಹ್ನ ಮಹಾಪೂಜೆ, ಬಯ್ಯಗ್ ಸಾಂಸ್ಕೃತಿಕ ಲೇಸ್, ರಾತ್ರೆ ನುಪ್ಪು ಪ್ರಸಾದ ಸೇವೆ ಆದ್, ದಿನಕರ ಭಂಡಾರಿ ಕಣಂಜಾರ್ ರಚನೆ ಮಲ್ತಿನ ಉಂದು ಎಂಚಿನ? ತುಳು ನಾಟಕ ನಡತ್ಂಡ್.

ಅಂಚೆನೆ ಇನಿ (ಅ.18) ಬಯ್ಯಗ್ ನಡಪುನ ಶ್ರೀ ಶಾರದಾ ದೇವಿನ ಶೋಭಾಯಾತ್ರೆಡ್ ಭಕ್ತಾದಿಲು ಪಾಲ್ ಪಡೆದ್, ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಕಲ್ಲಮುಂಡ್ಕೂರು ಸಾರ್ವಜನಿಕ ಶ್ರೀ ಶಾರದೋತ್ಸವ ಸಮಿತಿದ ಗುರ್ಕಾರೆ, ಸದಸ್ಯೆರ್ ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.