ಪೇರಮೊಗ್ರು: ಕೆದಿಲ ಗ್ರಾಮದ ದೇಂತಡ್ಕ ಶ್ರೀ ವನದುರ್ಗಾ ದೇವಲ್ಯಡ್ ಶರನ್ನವರಾತ್ರಿ ಉಚ್ಚಯ ಅ.15-24 ಮುಟ್ಟ ನಡಪರೆ ಉಂಡು.
ಅ.15 ಕ್ಕ್ ಬೊಲ್ಪುಗು ನಿತ್ಯಪೂಜೆ, ಚಂಡಿಕಾಹೋಮ, ಸರ್ವಾಲಂಕಾರ ಪೂಜೆ, ಸರ್ವಸೇವೆ, ಮಹಾಪೂಜೆ, ಮಧ್ಯಾಹ್ನ ನುಪ್ಪು ಪ್ರಸಾದ ಸೇವೆ, ಬಯ್ಯಗ್ ದುರ್ಗಾ ನಮಸ್ಕಾರ ಪೂಜೆ, ರಂಗಪೂಜೆ, ಬೊಕ್ಕ ಶಾಸ್ತ್ರೀಯ ಸಂಗೀತ ಬೊಕ್ಕ ಅ.16 ಕ್ಕ್ ಗಣಹೋಮ, ಶ್ರೀ ವನದುರ್ಗಾ ಹೋಮ, ಬಯ್ಯಗ್ ತಾಳಮದ್ದಳೆ ನಡತ್ಂಡ್.
ಅ.17 ಬೊಕ್ಕ 18 ಕ್ಕ್ ಬಯ್ಯಗ್ ಭಜನೆ, ಅ.19 ಲಲಿತಾ ಪಂಚಮಿ, ತಾಳಮದ್ದಳೆ, ಅ.22 ಕ್ಕ್ ದುರ್ಗಾಷ್ಠಮಿ, ಬಯ್ಯಗ್ ಆಟ ಸುದರ್ಶನ ವಿಜಯ ಚಂದ್ರಾವಳಿ ವಿಲಾಸ, ಅ.23 ಕ್ಕ್ ಮಹಾನವಮಿ, ಆಯುಧ ಪೂಜೆ, ಗಾಡಿ ಪೂಜೆ, ಭಜನಾ ಸಂಧ್ಯಾ, ಬೊಕ್ಕ ಅ.24 ಕ್ಕ್ ವಿಜಯದಶಮಿ, ವಿದ್ಯಾರಂಭ ಬೊಕ್ಕ ಭರತನಾಟ್ಯ ನಡಪರೆ ಉಂಡು.
ಈ ಲೇಸ್ ಡ್ ಮಾತೆರ್ಲಾ ಪಾಲ್ ಪಡೆದ್, ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ದೇಂತಡ್ಕ ಶ್ರೀ ವನದುರ್ಗಾ ದೇವಲ್ಯದ ಗುರ್ಕಾರೆ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty