ಪೊವಾಯಿ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನಡ್‌ ಮಾರ್ನೆಮಿದ ಸುರುತ್ತ ದಿನತ ಉಚ್ಚಯ

ಬೊಂಬೈ ಮಹಾನಗರದ ಪೊವಾಯಿ ಪರಿಸರದ ತುಂಗಾ ಗಾವು ಸೂಡ ಭೂತಬೆಟ್ಟು ದಿ.ಮೋನಪ್ಪ ಶೆಟ್ರ್ ಸ್ಥಾಪನೆ ಮಲ್ದಿನ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನಡ್‌ ಅ.16 ದಾನಿ ಮಾರ್ನೆಮಿದ ಸುರುತ್ತ ದಿನತ ಉಚ್ಚಯ ಶ್ರೀ ದೇವದಾಸ್ ಭಟ್ ಮೆರೆನ ಮುತಾಲಿಕೆಡ್ ಬಾರಿ ಗೌಜಿಡ್ ನಡತ್ಂಡ್.‌
ಪೂಜೆಡ್ ಕೈತಲ್ದ ರಾಜಕೀಯ ನಾಯಕೆರ್ ಬೊಕ್ಕ ಸಂಘ ಸಂಸ್ಥೆದಕುಲು ಪಾಲ್ ಪಡೆದಿತ್ತೆರ್. ದೇವಸ್ಥಾನ ಮುಖ್ಯಸ್ಥೆರ್ ಸುಂದರಿ ಮೋನಪ್ಪ ಶೆಟ್ಟಿ, ಮಗೆ ಮನೋಜ್ ಎಂ ಶೆಟ್ಟಿ ಸುಪ್ರಿತಾ ಮನೋಜ್ ಶೆಟ್ಟಿ ಮಹಾಪೂಜೆ ಆದ್ ಪ್ರಸಾದನ್ ಮಾತಾ ಭಕ್ತೆರೆಗ್ ಪಟ್ಟಿಯೆರ್. ದೇವಸ್ಥಾನದ ಸ್ಥಾಪಕೆರ್ ಸೂಡ ಭೂತಬೆಟ್ಟು ಸತೀಶ್ ಶೆಟ್ಟಿ, ಕನ್ನಡ ಸೇವಾ ಸಂಘದ ಪೊಸ ಗುರ್ಕಾರೆ ಸಂದೇಶ್ ಆರ್ ಶೆಟ್ಟಿ ಮೂಡು ಬೆಳ್ಳೆ ಅಂಚನೆ ಭಕ್ತೆರ್‌ ಈ ಪೊರ್ತುಡ್‌ ಇತ್ತೆರ್.