ಕುಡ್ಲದ ಮಂಗಳಾದೇವಿ ದೇವಲ್ಯದ ಮಾರ್ನೆಮಿ ಉಚ್ಚಯೊಗು ಹಿಂದೂ ಸಂಘಟನೆಲೆನ ವಿರೋಧದ ನಡುಟೇ ಸನಿಯಾರ ಬಾಕಿ ಒರಿದಿನ ಅಂಗಡಿ ಸ್ಟಾಲ್ಲೆನ ಟೆಂಡರ್ ಲೆತ್ತ್ದ್ ಅಂತಿಮ ಮಲ್ದೆರ್. ಸನಿಯಾರ ನಡತಿನ ಏಲಂಡ್ 11 ಸ್ಟಾಲ್ಲೆಡ್ 6 ಸ್ಟಾಲ್ಲೆನ್ ಮುಸ್ಲಿಮೆರ್ ಟೆಂಡರ್ಡ್ ಗೆತೊಂದೆರ್.
ಉಂದೆರ್ದಾವರ ಈ ಸರ್ತಿ ಮಾರ್ನೆಮಿ ಉಚ್ಚಯೊಡು ಸ್ಟಾಲ್ ಪಾಡ್ದೇ ಸೈ ಪನ್ಪಿನ ಜಾತ್ರಾ ವ್ಯಾಪಾರಸ್ಥೆರೆ ಸಮನ್ವಯ ಸಮಿತಿದ ಬಿನ್ನಾಪು ಇಡೆಗ್ ಎತ್ತ್ದ್ಂಡ್. ಐನ್ ದಿನೊಕು ದುಂಬು ದೇವಲ್ಯೊದ ಆಡಳಿತ ಮಂಡಳಿ ಟೆಂಡರ್ ಲೆತ್ತ್ದ್ ಫೈನಲ್ ಮನ್ಪುನಗ 125 ಸ್ಟಾಲ್ಲೆಡ್ 92 ಸ್ಟಾಲ್ಲೆನ್ ಕೊರ್ದಿತ್ತೆರ್. ಆಂಡ 71 ಜನ ಮಾತ್ರ ಬಿಡ್ ಕಾಸ್ ಕಟ್ಟ್ದ್ ಸ್ಟಾಲ್ನ್ ಅಧಿಕೃತ ಮಲ್ತಿತ್ತೆರ್. ಟೆಂಡರ್ದ ಪೊರ್ತುಡು ದೇವಲ್ಯೊದ ಪಿದಯಿ ಪಾಲಿಕೆ ಜಾಗೆಡ್ ಸ್ಟಾಲ್ ಪಾಡೆರೆ ಮುಕ್ತ ಅವಕಾಶ ಇತ್ತ್ದ್, ಉ್ಂದೆರ್ದ್ ಮುಸ್ಲಿಮೆರೆನ್ ದೂರ ದೀತೆರ್ ಪಂದ್ ಆರೋಪಿತ್ದ್ ಜಾತ್ರಾ ವ್ಯಾಪಾರಸ್ಥೆರೆ ಸಮನ್ವಯ ಸಮಿತಿ ಜಿಲ್ಲಾಡಳಿತ ಬೊಕ್ಕ ಪೊಲೀಸ್ ಕಮಿಷನರ್ಗ್ ಒಯಿಲ್ ಕೊರ್ತಿನತ್ತಂದೆ, ಶುಕ್ರವಾರ ಪೊರ್ಂಬಾಟೊಲಾ ಮಲ್ತಿತ್ತ್ಂಡ್.
ಈ ದಿಸೆಟ್ ಜಿಲ್ಲಾಧಿಕಾರಿಲು ಬಿನ್ನಾಪು ಮಲ್ತ್ದ್, ಬಾಕಿ ಒರಿದಿನ ಸ್ಟಾಲ್ಲೆನ ಟೆಂಡರ್ ಲೆಪ್ಪಾದ್ ಪಟ್ಟೊಡೂಂದು ದೇವಲ್ಯೊದ ಆಡಳಿತೊಗು ಸೂಚನೆ ಕೊರ್ದಿತ್ತೆರ್. ಆ ಪ್ರಕಾರೊಡು ಸನಿಯಾರ ಮಧ್ಯಾಹ್ನ ಟೆಂಡರ್ ನಡತ್ಂಡ್.
pallavi shetty