ತುಳುನಾಡ್ ಡ್ ನಡಪುನ 20 ಕಂಬುಲಗ್ ತಲಾ 5 ಲಕ್ಷದಂಚ 1 ಕೋಟಿ ರೂ. ಸಹಾಯಧನನ್ ಕೊರ್ಪ ಪಂದ್ ಉಪ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ತೆರಿಪಾದೆರ್. ಬೆಂಗಳೂರುದ ಅರಮನೆ ಮೈದಾನಡ್ ಬುಧವಾರ ಕಾಂಡೆ ಬೆಂಗಳೂರು ಕಂಬಳ- ನಮ್ಮ ಕಂಬಳದ ಕರೆ ಪೂಜೆ ಮಲ್ತ್ದ್ ಪಾತೆರ್ನ ಆರ್, ದೇಸಿ ಬೊಕ್ಕ ಐತಿಹಾಸಿಕವಾಯಿನ ಕಂಬುಲ ಕ್ರೀಡೆಗ್ ಎಚ್ಚದ ಸಹಕಾರ ಕೊರ್ಪ ಪಂದ್ ಪಂಡೆರ್.
“ಕಂಬುಲಗ್ ಸಹಾಯಧನ ಬಿಡುಗಡೆ ವಿಚಾರವಾದ್ ಮುಖ್ಯಮಂತ್ರಿ ಬೊಕ್ಕ ಕನ್ನಡ ಸಂಸ್ಕೃತಿ ಇಲಾಖೆದ ಒಟ್ಟಿಗೆ ಚರ್ಚೆ ಮಲ್ಪುವೆ ಪಂದ್ ಪಂಡೆರ್. ನಮ್ಮ ಸಂಸ್ಕೃತಿನ್ ಒರಿಪಾದ್, ಪರಿಚಯ ಮಲ್ಪೊಡು ಪನ್ಪುನ ಉದ್ದೇಶಡ್ ಶಾಸಕ ಅಶೋಕ್ ರೈ ಮೆರೆನ ಮುತಾಲಿಕೆಡ್ ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆದ ಜನಕುಲು ಒಂಜಾತಿನ ಸಂತೋಷದ ವಿಚಾರ.
ಕರ್ನಾಟಕಡ್ ತುಳುನಾಡ್ ಈ ದೇಶದ ಮಲ್ಲ ಆಸ್ತಿ. ಉದ್ದಿಮೆ, ಶಿಕ್ಷಣ, ಹೋಟೆಲ್ ಉದ್ಯಮ, ಪ್ರವಾಸೋದ್ಯಮ, ಬ್ಯಾಂಕಿಂಗ್ ಸೇರಿನಂಚ ಮಾತಾ ಕ್ಷೇತ್ರಡ್ ಪುದರ್ ಪಡೆನಕುಲ್. ತನ್ನ ಸಂಪ್ರದಾಯನ್ ಬೆಂಗಳೂರ್ದ ಜನತೆಗ್ಲ ಪರಿಚಯ ಮಲ್ಪೆರೆ ಪಿದಡ್ನ ಶಾಸಕೆರ್ ಅಶೋಕ್ ರೈ ಅರೆನ ಬೇಲೆ ಮೆಚ್ಚಿಡಾಯಿನ” ಪಂದ್ ಪಂಡೆರ್.
pallavi shetty