ಅ.29: ಅರಸಿನಮಕ್ಕಿಡ್‌ ಪ್ರತಿಭಾ ಪುರಸ್ಕಾರ, ಸಾಧಕೆರೆಗ್‌ ಮಾನಾದಿಗೆ

 ಶ್ರೀ ಗುರು ನಾರಾಯಣ ಸ್ವಾಮಿ ಸೇವಾ ಸಂಘ ಅರಸಿನಮಕ್ಕಿ, ಹತ್ಯಡ್ಕ, ಶಿಶಿಲ, ಶಿಬಾಜೆ, ರೆಖ್ಯಾ ನೆತ್ತ ಒಟ್ಟು ಸೇರಿಗೆಡ್‌ ಬ್ರಹ್ಮಶ್ರೀ ನಾರಾಯಣ ಗುರುಕುಲೆನ 169ನೇ ಪುಟ್ಟುದಿನ ದಿನತ ಪ್ರಯುಕ್ತ ಶ್ರೀ ಗುರುಪೂಜೆ ಬೊಕ್ಕ ಪ್ರತಿಭಾ ಪುರಸ್ಕಾರ, ಸಾಧಕೆರೆಗ್‌ ಮಾನಾದಿಗೆ ಲೇಸ್‌ ಅ.29 ದಾನಿ ಅರಸಿನಮಕ್ಕಿ ಶ್ರೀ ಗುರುನಾರಾಯಣ ಮಂದಿರಡ್‌ ನಡಪರೆ ಉಂಡು.
ಲೇಸ್‌ದ ಸಭಾಧ್ಯಕ್ಷತೆನ್‌ ಅರಸಿನಮಕ್ಕಿ ಶ್ರೀ ಗುರುನಾರಾಯಣ ಸೇವಾ ಸಂಘದ ಗುರ್ಕಾರ್ಲು ವಿಶ್ವನಾಥ ಪೂಜಾರಿ ವಹಿಸೊನಿಯೆರೆ ಉಲ್ಲೆರ್.‌ ಮಲ್ಲ ಬಿನ್ನೆರಾದ್‌ ಬೋಲ್ತೆರ್‌ ಶ್ರೀ ಗುರುನಾರಾಯಣ ಸೇವಾ ಸಂಘದ ಗುರ್ಕಾರ್ಲು ಚಿದಾನಂದ ಪೂಜಾರಿ ಎಲ್ದಕ್ಕ, ಯುವ ಬಿಲ್ಲವ ವೇದಿಕೆದ ಗುರ್ಕಾರ್ಲು ನಿತೀಶ್‌ ಹೆಚ್‌ ಕೋಟ್ಯಾನ್‌, ಯುವವಾಹಿನಿ ಬೋಲ್ತೆರ್‌ ಘಟಕದ ಗುರ್ಕಾರ್ಲು ಅಶ್ವತ್‌ ಕುಮಾರ್‌ ಪಾಲ್‌ ಪಡೆಯೆರೆ ಉಲ್ಲೆರ್.‌ ಬಿನ್ನೆರಾದ್‌ ಅರಸಿನಮಕ್ಕಿ ಶ್ರೀ ಗು.ನಾ.ಸೇ.ಸಂಘದ ಮಾಜಿ ಗುರ್ಕಾರ್ಲುಲಾಯಿನ ಸತೀಶ್‌ ಪೂಜಾರಿ ಬೂಡ್ದಮಕ್ಕಿ, ಸುಂದರ ಪೂಜಾರಿ, ಗುರುವೇವ ಬ್ಯಾಂಕ್‌ ಶಾಖಾ ವ್ಯವಸ್ಥಾಪಕೆರ್‌ ಜಗದೀಶ್‌, ಉದ್ಯಮಿಲು ಸದಾಶಿವನ್‌ ಟಿ.ಕೆ, ಗುರುದೇವನ್‌ ಟಿ.ಕೆ, ಲಲಿತಾ ಎಲ್ಯಣ್ಣ ಪೂಜಾರಿ ಓಟ್ಲ, ಶಿಬಾಜೆ ಚಿನ್ನಯ್ಯ ಪೂಜಾರಿ, ವಿಜಯನ್‌ ಬಂಗೇರಡ್ಕ, ಈರಪ್ಪ ಪೂಜಾರಿ, ಎಸ್‌ ರವಿ ಬೆಂಗ್ಲೂರು, ಮಾಲತಿ ಈ ಪೊರ್ತುಡು ಪಾಲ್‌ ಪಡೆಯರೆ ಉಲ್ಲೆರ್.