ವಿಜಯಾ ಕಾಲೇಜ್ ಮುಲ್ಕಿ ಮೊಕ್ಲೆನ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಜೈ ತುಲುನಾಡ್ (ರಿ.) ದ ಒಟ್ಟುಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯದ ಉದಿಪನ ಲೇಸ್ ಅ.6 ಸುಕ್ರಾರ ಮಧ್ಯಾಹ್ನ ಮುಲ್ಕಿ ವಿಜಯ ಕಾಲೇಜ್ ದ ಮಿನಿ ಸಭಾಂಗಣಡ್ ನಡಪರೆ ಉಂಡು.
ಆಳುಪ ವಂಶಸ್ಥೆರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮಾಜಿ ಪದುಕೆರ್ ಡಾ. ಆಕಾಶ್ ರಾಜ್ ಜೈನ್ ಲೇಸ್ ದ ಉದಿಪನ ಮಲ್ಪುವೆರ್. ಮುಲ್ಕಿ ವಿಜಯ ಕಾಲೇಜ್ ದ ಪ್ರಾಂಶುಪಾಲೆರ್ ಡಾ. ಶ್ರೀಮಣಿ ಗುರ್ಕಾರ್ಮೆನ್ ಒಯಿಸೊನ್ವೆರ್.
ಮಲ್ಲ ಬಿನ್ನೆರಾದ್ ಜೈ ತುಲುನಾಡ್ (ರಿ.) ದ ಒತ್ತು ಗುರ್ಕಾರ್ಲು ಉದಯ್ ಪೂಂಜ, ಪ್ರಧಾನ ಕಾರ್ಯಂತೆರ್ ಕಿರಣ್ ತುಲುವೆ ಪಾಲ್ ಪಡೆಯೆರೆ ಉಲ್ಲೆರ್. ದೈಹಿಕ ಶಿಕ್ಷಣ ನಿರ್ದೇಶಕೆರ್, ಮುಲ್ಕಿ ವಿಜಯ ಕಾಲೇಜ್ ತುಳು ಲಿಪಿ ಮೇಲ್ವಿಚಾರಕೆರ್ ವಿಘ್ನೇಶ್ ಭಟ್ ಪಾಲ್ ಪಡೆಯೆರೆ ಉಲ್ಲೆರ್.
ಅಂಚೆನೆ ಪ್ರತಿ ಸನಿಯಾರ ಮಧ್ಯಾಹ್ನ 1:30 ಕ್ಕ್ ತುಲು ಲಿಪಿ ಕ್ಲಾಸ್ ನಡಪುಂಡು. ಕಿರಣ್ ತುಲುವೆ ಬೊಕ್ಕ ಪ್ರಶಾಂತ್ ಪೂಜಾರಿ ಕಲ್ಪಾದಿಲು ಆತೆರ್.
pallavi shetty