ರಾಜ್ಯಮಟ್ಟದ ವಾಲಿಬಾಲ್ ಕ್ರೀಡಾಪಟು ನಿಧನ

ಕಾಪು, ಮಾ.28: ಮೈದಾನಡ್ ಗೊಬ್ಬನ್ದು ಇತ್ತಿಲಕನೇ ಬೂರ್ದು ರಾಜ್ಯಮಟ್ಟದ ವಾಲಿಬಾಲ್ ಆಟಗಾರೆ ತೀರ್ ಪೋಯಿನ ಘಟನೆ ಕಾಪುದ ಇನ್ನಂಜೆ ಮೈದಾನಡ್ ಶನಿವಾರ ನಡು ರಾತ್ರಿ ನಡತ್oಡ್ .

ಕಾಪುದ ಕುರ್ಕಾಲು ಸುಭಾಸ್ ನಗರ ನಿವಾಸಿ ದೇವು ಯಾನೆ ದೇವರಾಜ್ ಅಂಚನ್(33) ತೀರ್ ಪೋಯಿನಾರ್ . ರಾಜ್ಯ ಮಟ್ಟದ ಅವ್ವೆತೋ ಗೊಬ್ಬಿನ ಮೇರ್ ಶನಿವಾರ ರಾತ್ರಿ ಇನ್ನಂಜೆ ಮೈದಾನಡ್ ನಡತಿನ ವಾಲಿಬಾಲ್ ಪಂದ್ಯಾಟಡ್ ಗೊಬ್ಬೊನ್ದು ಇತ್ತೆರ್. ರಾತ್ರಿ ಒಂಜಿ ಗಂಟೆದ ಪೊರ್ತುಗು ಗೊಬ್ಬೊಡು ಇತ್ತಿಲಕನೇ ಹೃದಯಾಘಾತ ಆದ್ ಏಕಾಏಕಿ ತಿರ್ತ್ ಬೂರ್ದೆರ್. ಅಪಗನೆ ಮೆರೆನ್ ಉಡುಪಿ ಆಸ್ಪತ್ರೆಗ್ ಲೆತೊಂದು ಪೊಂಡಲ ಆತ್ ಪೊರ್ತುಗು ಆರ್ ತೀರ್ ಪೋದಿತ್ತೆರ್.