ಸುಳ್ಯ ತಾಲೂಕ್ದ ಕನಕಮಜಲು ಗ್ರಾಮದ ಬಾಳೆಹಿತ್ತಿಲು ಶ್ರೀ ವಯನಾಟ್ ಕುಲವನ್ ಶ್ರೀ ವಿಷ್ಣುಮೂರ್ತಿ ದೈವಸ್ಥಾನಡ್ ಮಾ.24-26 ಮುಟ್ಟ ಶ್ರೀ ವಯನಾಟ್ ಕುಲವನ್ ದೈವಂಕಟ್ಟು ಮಹೋಚ್ಚಯ ಭಾರೀ ಗೌಜಿಡ್ ನಡಪರೆ ಉಂಡು.
ಮಾ.16 ಕ್ಕ್ ಕೈಲ್ ಕಡ್ತ್ದ್, ಮಾ. 22 ಕ್ಕ್ ಕಾಂಡೆ 8 ಗಂಟೆಗ್ ರಕ್ತೇಶ್ವರಿ, ನಾಗ, ಗುಳಿಗ, ಬ್ರಹ್ಮ ರಾಕ್ಷಸೆರ್ನ ತಂಬಿಲ ಸೇವೆ ನಡಪರೆ ಉಂಡು. ರಾತ್ರೆ 7 ಗಂಟೆರ್ದ್ ವಿಷ್ಣುಮೂರ್ತಿ ದೈವದ ಸ್ತೋತ್ರ ಸುರು ಆದ್ ಪೊಟ್ಟನ್, ಕೊರತಿ ದೈವಲೆಗ್ ಕೋಲ ನಡಪರೆ ಉಂಡು. ಮಾ. 23 ಕ್ಕ್ ಕಾಂಡೆ 7 ಗಂಟೆಗ್ ಪಡಿಂಞರು ಚಾಮುಂಡಿ ಬೊಕ್ಕ ವಿಷ್ಣುಮೂರ್ತಿ ದೈವದ ಕೋಲ ನಡಪರೆ ಉಂಡು. ಅಂಚನೆ ಮಾ.24 ಕ್ಕ್ ಪುದೆಕಾಣಿಕೆದ ಮೆರವಣಿಗೆಲ ನಡಪರೆ ಇತ್ತ್ದ್ ಈ ಲೇಸ್ಗ್ ಮಾತ ಭಕ್ತೆರ್ ಬತ್ತ್ದ್ ದೈವದ ಗಂಧ ಪ್ರಸಾದನ್ ದೆತೊನೊಡು ಪಂದ್ ಮಹೋಚ್ಚಯ ಸಮಿತಿದ ಗೌರವಾಧ್ಯಕ್ಷೆರ್ ಲಕ್ಷ್ಮಣ ಗೌಡ ಅಡ್ಯಾರ್, ಜಯರಾಮ ಗೌಡ ಬುಡ್ಲೆಗುತ್ತು, ದುಗ್ಗಪ್ಪ ಗೌಡ ನರಿಯೂರು, ಗೋಪಾಲ್ ರಾವ್ ಮುಗೇರು ಅಂಚನೆ ಸಮಿತಿದ ಸರ್ವ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty