ಕಾಪು: ಮಾರ್ಗದ ತಡಮೆಗ್ ಬೈಕ್ ಗುದ್ದುದು ಮದಿಮೆ ನಿಚ್ಚಯ ಆದಿತ್ತಿನ ಪೊಣ್ಣು ತೀರ್ ಪೋಯಿನ ಘಟನೆ ಕಟಪಾಡಿ ರಾಷ್ಟ್ರೀಯ ಹೈವೇಡ್ ನಡತ್ಂಡ್.
ಕುಡ್ಲದ ರೋಶ್ನಿ ಡಿಸೋಜ (27) ತೀರ್ ಪೋಯಿನ ಪೊಣ್ಣು.
ರೋಶ್ನಿ ತನ್ನ ಆಣ್ ಜೋಯಲ್ ಮೆರೆನೊಟ್ಟುಗು ಕುಡ್ಲರ್ದ್ ಕಲ್ಮಾಡಿ ಚರ್ಚ್ಗ್ ಭೇಟಿ ಕೊರ್ದು ಪಿರ ಬರೊಂದಿಪ್ಪುನಗ ಈ ಘಟನೆ ನಡತ್ಂಡ್. ರೋಶ್ನಿ ಮೆರೆನ ತರೆಕ್ಕ್ ಮಸ್ತ್ ಪೆಟ್ಟಾದಿತ್ತ್ಂಡ್. ಅಪಗನೆ ಅರೆನ್ ಒಡಿಪುದ ಆಸ್ಪತ್ರೆಗ್ ದಾಖಲ್ ಮಲ್ತ್ದಿತ್ತೆರ್. ಆಂಡ ಸಾದಿದ ನಡುಟ್ಟೆ ಜೂವ ಪೋದಿತ್ತ್ಂಡ್. ಜೋಯಲ್ ಮೆರೆಗ್ ಎಲ್ಯ ಪೆಟ್ಟಾದಿತ್ತ್ಂಡ್.
pallavi shetty